IDFI-ს რეკომენდაციები ინტერნეტ-ბაზრის ლიბერალიზაციისთვის

სიახლეები | კვლევები | მედია, ინტერნეტი და ინოვაციები | პუბლიკაციები 22 მაისი 2015

2015 წლის 19-25 მაისს საქართველო ინტერნეტის განვითარებით დაინტერესებული საზოგადოებისთვის მნიშვნელოვან ღონისძიებას მასპინძლობს. RIPE-ის ქსელის საკოორდინაციო ცენტრის ( The Réseaux IP Européens Network Coordination Centre (RIPE NCC) რეგიონულ შეხვედრას „ვირტუალური უსაფრთხოება და ოპერაციული სისტემები“ საქართველოს კომუნიკაციების ეროვნული კომისია მასპინძლობს. 19-20 მაისი დაეთმო პრეზენტაციებს საქართველოსთვის აქტუალურ საკითხებზე, 21-25 მაისს კი ჩატარდება ტრენინგები სხვადასხვა ტექნიკური მიმართულებებით საქართველოს ინტერნეტ პროვაიდერებში დასაქმებული სპეციალისტებისთვის და სხვა დაინტერესებული პირებისთვის.


აღნიშნული ორგანიზაცია, რომელიც ახდენს IP მისამართების განაწილებას ევროპის, ცენტრალური აზიისა და ახლო აღმოსავლეთის ქვეყნების ინტერნეტ პროვაიდერებისთვის, 11 000 წევრს აერთიანებს, რომელშიც საქართველოში მოქმედი ინტერნეტ პროვიადერებიც და სხვა ორგანიზაციებიც შედიან. IP მისამართების განაწილების და მინიჭების გარდა, აღნიშნული არაკომერციული ორგანიზაცია ახორციელებს ინტენსიურ საქმიანობას ინტერნეტის განვითარების მხარდასაჭერად სხვადასხვა მიმართულებით.


19 მაისს, შეხვედრაზე ცალკე სესია დაეთმო საქართველოს ფართოზოლოვანი ინტერნეტის განვითარების საკითხებს. DYN-ის წარმომადგენლის ჯიმ ქოუვის (Jim Cowie) მიერ წარმოდგენილი იქნა პრეზენტაცია (იხ. Evolution of the Georgian Internet) საქართველოს ინტერნეტ ტრაფიკის, საერთაშორისო ტრანზიტული ფუნქციის და სხვა მნიშვნელოვანი მიმართულებით. საქართველოს კომუნიკაციების ეროვნული კომისიის საინფორმაციო და ანალიტიკური დეპარტამენტის ხელმძღვანელის, რატი სხირტლაძის მიერ წარმოდგენილი იქნა მარეგულირებელი კომისიის მონაცემები საქართველოს მობილური და ფიქსირებული ინტერნეტ მომსახურების ზრდის ტენდენციების, ტარიფების და სხვა მნიშვნელოვანი საკითხების შესახებ (იხ.GNCC Broadband Measurements).


IDFI-ის მედია და ტელეკომუნიკაციის მიმართულების ხელმძღვანელმა, უჩა სეთურმა, წარმოადგინა პრეზენტაცია თემაზე - ინტერნეტ სიჩქარის ტესტირების საკითხები და გამოწვევები მცირე ინტერნეტ-პროვაიდერებისთვის (იხ.Internet Speed Testing Issues and Challenges of small ISPs).


IDFI-ის წარმომადგენლის მიერ წარმოდგენილი იყო მისი ხედვა იმ პრობლემების შესახებ, რომელიც არსებობს საქართველოს ინტერნეტ ბაზარზე და რომელიც აბრკოლებს ინტერნეტის კონცენტრაციის გაზრდას რეგიონებში. პრეზენტაციაში მოკლედ იყო წარმოდგენილი ის რეკომენდაციები, რომელიც დადგენილი აქვს მსოფლიო ტელეკომუნიკაციის გაერთიანებას (ITU) და ევროპული ტელეკომუნიკაციების სტანდარტების ინსტიტუტს (ETSI) ინტერნეტის სიჩქარის გაზომვის და შეფასების პროგრამებისთვის და სისტემებისთვის.


მცირე და საშუალო ზომის ინტერნეტ-პროვაიდერების მთავარ გამოწვევებად დასახელდა ინტერნეტის მომსახურებისთვის საჭირო საქსელო ინფრასტრუქტურასთან წვდომის და დაშვების პრობლემები. IDFI-ს ხედვით, ინტერნეტის სიჩქარის ამაღლებისთვის და მომხმარებლების დაცულობის უზრუნველყოფისათვის, უმთავრესია, რომ საქართველოს კომუნიკაციების ეროვნული კომისიის მიერ დამატებითი რეგულირებით და კონკურენტული მომსახურების შეთავაზებით, უფრო აქტიურად განხორციელდეს ინტერვენცია ბაზარზე. აღნიშნული, თავის მხრივ, უზრუნველყოფს, როგორც მომსახურების ხარისხის გაზრდას, ასევე ინტერნეტის ფასების ოპტიმიზაციას.

სხვა მასალები ამ თემაზე
სიახლეები

საქართველოს ლობისტური საქმიანობა ამერიკის შეერთებულ შტატებში

03.06.2020

IDFI-მ გაეროს ადამიანის უფლებათა საბჭოს უნივერსალური პერიოდული მიმოხილვისთვის ანგარიში წარადგინა

03.06.2020

ტრენინგი თემაზე "FATF-ის მე-8 რეკომენდაცია არაკომერციული იურიდიული პირებისთვის"

01.06.2020

5G ტექნოლოგია, რუსული დეზინფორმაცია და კორონავირუსი

27.05.2020
განცხადებები

პარლამენტმა მხარი არ უნდა დაუჭიროს კანონპროექტს ინფორმაციული უსაფრთხოების შესახებ

29.05.2020

IDFI-ი მოუწოდებს საქართველოს პარლამენტს არ დაუშვას კანონპროექტის დაჩქარებული წესით მიღება

20.05.2020

IDFI-ის განცხადებით ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ

15.05.2020

პარლამენტმა სასამართლოს აქტების ხელმისაწვდომობის უზრუნველსაყოფად განსახორციელებელი საკანონმდებლო ცვლილების მიღება გადადო

02.05.2020
ბლოგპოსტები

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020

საქართველოს მოსახლეობის დამოკიდებულება პროკურატურის მიმართ

04.05.2020

ქართული პრესისა და ბეჭდვითი მედიის ცენზურის მიმოხილვა

03.05.2020