IDFI-ის ზამთრის სკოლა „კანონის უზენაესობა და ადამიანის უფლებები“ დაიწყო

სიახლეები | კანონის უზენაესობა და ადამიანის უფლებები | აქტუალური თემები | სტატია 12 დეკემბერი 2022

2022 წლის 11 დეკემბერს, IDFI-ს ზამთრის სკოლის „კანონის უზენაესობა და ადამიანის უფლებები“, გახსნის ღონისძიება გამართა. სკოლა შვედეთის საერთაშორისო განვითარების თანამშრომლობის სააგენტოს (Sida) მხარდაჭერით, 10-15 დეკემბრის პერიოდში, გუდაურში, სასტუმრო მარკო პოლოში, იმართება.

 

ღონისძიების გახსნის ცერემონიაზე ზამთრის სკოლის მონაწილეებს მისასალმებელი სიტყვით მიმართეს და შესარჩევ კონკურსში გამარჯვება მიულოცეს IDFI-ს აღმასრულებელმა დირექტორმა გიორგი კლდიაშვილმა, ადამიანის უფლებათა საერთაშორისო სამართლის პროფესორმა კონსტანტინე კორკელიამ, საქართველოს საკონსტიტუციო სასამართლოს მოსამართლე თეიმურაზ ტუღუშმა და კანონის უზენაესობისა და მედიის მიმართულების ხელმძღვანელმა გიორგი დავითრუმა.

 

„პირველ რიგში, მინდა მოგილოცოთ ზამთრის სკოლაში ორეტაპიანი, საკმაოდ მაღალი კონკურსის პირობებში, მოხვედრა. წელს ჩვენ გვაქვს სიახლე იმ თვალსაზრისით, რომ იურიდიული ფაკულტეტის სტუდენტებთან ერთად, ზამთრის სკოლაში ჩავრთეთ საჯარო მოხელეები, რაც ვფიქრობ, ძალიან კარგი შესაძლებლობაა იმ ადამიანებისთვის, რომლებიც სახელმწიფო დაწესებულებების საქმიანობაში მნიშვნელოვან როლს ასრულებენ.“ - აღნიშნა გიორგი კლდიაშვილმა.

 

ზამთრის სკოლაში მონაწილეობენ საქართველოში ავტორიზებული უნივერსიტეტების იურიდიული ფაკულტეტის ბაკალავრიატის მე-4 კურსისა და მაგისტრატურის სტუდენტები. ასევე, მე-3 და მე-4 რანგის საჯარო მოხელეები. მონაწილეთა შესარჩევი კონკურსის ფარგლებში დაფიქსირდა 270 განაცხადი, რომელთაგან შეირჩა 25 საუკეთესო მონაწილე.

 

„ეს გახლავთ IDFI-ს მიერ ორგანიზებული რიგით მეორე ზამთრის სკოლა, რომელიც იურიდიული ფაკულტეტის სტუდენტებსა და დამწყებ პრაქტიკოსებს აძლევს  შესაძლებლობას აქტუალური სამართლებრივი საკითხები დარგის წამყვანი ექსპერტებისა და მკვლევარების თანხლებით განიხილონ/სხვადასხვა პერსპექტივით დაინახონ, იმსჯელონ, უახლესი და რელევანტური ინფორმაცია მიიღონ და ცოდნა გაიღრმავონ.“ - თქვა გიორგი დავითურმა.

 

ზამთრის სკოლის ფარგლებში მოწვეული არიან სხვადასხვა პროფესიული გამოცდილების მქონე ადგილობრივი ექსპერტები და მომხსენებლები. ზამთრის სკოლის პროგრამა შემუშავდა და შესაბამისი საკითხები შეირჩა საქართველოს, როგორც დემოკრატიული და სამართლებრივი სახელმწიფოს რეალობაში არსებული გამოწვევებისა და ევროკომისიის მიერ განსაზღვრული 12 პრიორიტეტის გათვალისწინებით.

 

საკითხები:

 

- კონსტიტუციონალიზმი:  ხელისუფლების დანაწილების პრინციპი და ადამიანის უფლებები;

- ადამიანის უფლებათა დაცვის საზედამხედველო და მოუკიდებელი სამართლებრივი ინსტრუმენტები; 

- ადამიანის უფლებათა დაცვის ეროვნული და საერთაშორისო სასამართლოები: სამართლიანი სასამართლოს უფლება;

- პირადი ცხოვრების ხელშეუხებლობა, პერსონალური მონაცემები და გამოხატვის თავისუფლება;

- მედიის თავისუფლება საქართველოში: პრაქტიკული და სამართლებრივი გამოწვევები;

- ფარული ელექტრონული თვალთვალის ტექნიკური და სამართლებრივი სისტემა საქართველოში.

 

კანონის უზენაესობისა და ადამიანის უფლებების დაცვის რეჟიმის გაძლიერების და ამ კუთხით არსებულ სირთულეებზე ინფორმირებულობის გაზრდის საჭიროება დღითიდღე უფრო აშკარა ხდება. ზამთრის სკოლის მიზანია ხელი შეუწყოს მონაწილეების ცნობიერების ამაღლებას, არსებულ გამოწვევებზე დისკუსიების გამართვას და შეხედულებების ურთიერთგაცვლას.

სხვა მასალები ამ თემაზე
სიახლეები

საქართველოს პირველი რესპუბლიკის დღეები საფრანგეთში

30.01.2023

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023

მოსამართლეები და სასამართლო სისტემაში დასაქმებული მათი ოჯახის წევრები

23.01.2023
განცხადებები

მედიის ადვოკატირების კოალიცია სამართალდამცავ ორგანოებს მოუწოდებს, დროულად გამოიძიონ “ტელეკომპანია პირველის” ჟურნალისტის სახლში უკანონო შეღწევის ფაქტები

03.02.2023

მედიის ადვოკატირების კოალიცია მედიის წინააღმდეგ წარმოებულ დისკრედიტაციის კამპანიას ეხმიანება

31.01.2023

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023

სახალხო დამცველის აურჩევლობა აზიანებს ქვეყნის ევროინტეგრაციის პროცესს

23.12.2022
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022