განცხადება სახელმწიფო ავტოპარკის ოპტიმიზაციის აუცილებლობის შესახებ

განცხადებები 18 სექტემბერი 2019

 

ააიპ "ინფორმაციის თავისუფლების განვითარების ინსტიტუტი" (IDFI) წლების განმავლობაში აქტიურად აკვირდება საქართველოს ბიუროკრატიული სისტემის გამოწვევებს. ბიუროკრატიული ხარჯების ოპტიმიზაციის თვალსაზრისით, ნებისმიერი ხელისუფლების მნიშვნელოვანი გამოწვევაა სახელმწიფო მფლობელობაში არსებული სატრანსპორტო საშუალებების რაციონალური განკარგვა, რადგან სახელმწიფო ავტოპარკის პერიოდული განახლება და შენახვა მნიშვნელოვან დანახარჯებთანაა დაკავშირებული.


ჯერ კიდევ, 2017 წელს IDFI-ს კვლევის - ბიუროკრატიული სისტემის გამოწვევები საქართველოში (2011-2016), ფარგლებში ნათლად გამოჩნდა რომ, სახელმწიფო ავტოპარკის ოპტიმიზაციის პროცესი მნიშვნელოვანი შეფერხებებით მიმდინარეობდა. ამასთან, მიუხედავად საწვავის მოხმარებაზე კონტროლის სხვადასხვა მექანიზმების დანერგვისა, კვლავ მნიშვნელოვან გამოწვევად რჩებოდა სამსახურეობრივი ავტომობილების არამიზნობრივი გამოყენების კონტროლის სისუსტეები. ასევე, 2019 წელს IDFI-ს მიერ გამოქვეყნებულ კვლევაში გუბერნატორების ადმინისტრაციების ავტოპარკი და საწვავის ხარჯები (2017-2018), წარმოდგენილი გუბერნატორების ადმინისტრაციების ბიუროკრატიული აპარატის ავტოპარკის მასშტაბი, არაეკონომიური მაღალი გამავლობის და ძვირადღირებული მოდელების მაჩვენებლები და საწვავის მოხმარების არსებული მაჩვენებლები, ცალსახად ოპტიმიზაციის და კონტროლის მექანიზმების გამკაცრების აუცილებლობაზე მიუთითებდა.


2019 წლის 13 სექტემბერს სახელმწიფო აუდიტის სამსახურმა გამოაქვეყნა, სახელმწიფო ავტოპარკის მართვისა და რეგულირების საკითხების უწყებათაშორისი სისტემური შესაბამისობის აუდიტის ანგარიში, სადაც წარმოდგენილია ჯამში 34 უწყების 2017 წლის მონაცემები. აუდიტის სამსახურის მიერ საჯარო დაწესებულებებში დაცულ დოკუმენტაციაზე შეუზღუდავი წვდომის გათვალისწინებით, კიდევ უფრო მძაფრად გამოჩნდა სახელმწიფო ავტოპარკის განკარგვასთან დაკავშირებით არსებული პრობლემები, რომელიც უკავშირდება ავტოპარკის ოპტიმიზაციის თუ მათი შესყიდვების პროცესს, საწვავის ხარჯვას და სხვა.


IDFI მიესალმება სახელმწიფო აუდიტის სამსახურის მიერ მსგავსი მასშტაბური აუდიტის განხორციელებას, რომელიც მნიშვნელოვნად უწყობს ხელს სისტემური ნაკლოვანებების გამოაშკარავებას. ინსტიტუტი იზიარებს აუდიტის ანგარიშში წარმოდგენილი რეკომენდაციების სულისკვეთებას, რომელიც ითვალისწინებს სახელმწიფო ავტოპარკზე გასაწევი ხარჯების შემცირების მიზნით, სახელმწიფო კომისიის საქმიანობის ეფექტიანობის ზრდას, ავტომობილების გამოყენებისა და საწვავის მოხმარების კონტროლის მექანიზმების გამკაცრებას და სხვა. აღსანიშნავია, რომ სახელმწიფო აუდიტის სამსახურის მიერ შეთავაზებული რეკომენდაციები მთელ რიგ შემთხვევაში თანხვედრაშია IDFI-ს რეკომენდაციებთან, კერძოდ სატელიტური (GPS) ან სხვა სახის ელექტრონული კონტროლის სისტემის დანერგვასთან, „ჩიპების“ მონიტორინგთან და სხვა საკითხებთან.


IDFI მოუწოდებს საქართველოს პარლამენტს, სახელმწიფო აუდიტის ანგარიშსა და ინსტიტუტის კვლევებში სახელმწიფო ავტოპარკის განკარგვასთან დაკავშირებით გამოვლენილ სისტემურ ნაკლოვანებებზე განახორციელოს საპარლამენტო კონტროლი და არსებული რეკომენდაციების შესრულების მიზნით უზრუნველყოს არსებული საკანონმდებლო ჩარჩოს გაუმჯობესება. მათ შორის, მნიშვნელოვანია დაიწყოს მსჯელობა, სახელმწიფო ავტოპარკის ცენტრალიზებული სერვისის ჩამოყალიბების შესახებ, რომლის მართვაშიც მოექცევა ყველა სახელმწიფო ავტომანქანა.

 

 

სხვა მასალები ამ თემაზე
სიახლეები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020