IDFI-ის რეკომენდაციები ახალ ანტიკორუფციულ სტრატეგიასა და 2019-2020 წლების სამოქმედო გეგმასთან დაკავშირებით

სიახლეები | კარგი მმართველობა | პუბლიკაციები | პოლიტიკის დოკუმენტები 13 მაისი 2019

IDFI მიესალმება კორუფციის წინააღმდეგ ბრძოლის უწყებათაშორისი საკოორდინაციო საბჭოს სამდივნოს მიერ ახალი ანტიკორუფციული სტრატეგიისა და 2019-2020 წლების სამოქმედო გეგმის შემუშავების დაწყებას და იმედოვნებს, რომ ახალი სამოქმედო გეგმა კორუფციის პრევენციის მიმართულებით ყველა მნიშვნელოვან ამოცანას გაითვალისწინებს.


საქართველოს კორუფციასთან ბრძოლის პრაქტიკის ანალიზი ცხადყოფს, რომ კორუფციასთან მებრძოლ არსებულ უწყებებში მათი დამოუკიდებლობის საკითხია ყველაზე პრობლემური. არსებული ანტიკორუფციული სისტემის ხარვეზების შესახებ IDFI უკვე დიდი ხანია საუბრობს სხვადასხვა ფორმატში.


როგორც წინა, ისე მოქმედი ხელისუფლების პირობებში „ელიტური კორუფციის“ შემთხვევების გამოუძიებლობა ნათლად მიუთითებს იმაზე, რომ აუცილებელია არსებული სისტემის რეფორმირება, რადგან ის ვერ ახდენს მაღალი დონის კორუფციის შემთხვევებზე ეფექტურ რეაგირებას, რაც საზოგადოებაში აჩენს შეკითხვებს და ნეგატიურად აისახება საჯარო დაწესებულებების მიმართ საზოგადოების ნდობაზე. მეტიც, შესაძლო სამოხელეო დანაშაულის გამოუძიებელი შემთხვევები უფრო მეტად ახალისებს სამოხელეო დანაშაულს და ზიანს აყენებს ქვეყნის დემოკრატიულ განვითარებას.


აქედან გამომდინარე, IDFI აუცილებლად მიიჩნევს ახალი ანტიკორუფციული სტრატეგიითა და სამოქმედო გეგმით ისეთი დამოუკიდებელი ანტიკორუფციული სამსახურის შექმნის გათვალისწინებს, რომელსაც ექნება საზოგადოების ნდობა, დამოუკიდებლობის მაღალი ხარისხი და შესაბამისი კვალიფიკაცია იმისათვის, რომ გამოიძიოს მაღალი დონის კორუფციის შემთხვევები და პასუხი გასცეს საზოგადოებაში დაგროვილ ლეგიტიმურ შეკითხვებს.


აქვე უნდა აღინიშნოს, რომ წინა სამოქმედო გეგმის შესრულების შეფასების ანგარიში არ იძლევა გეგმით გათვალისწინებული მიზნებისა და ამოცანების მიღწევის დონის განსაზღვრის შესაძლებლობას, რადგან ანგარიშს აკლია შეფასების კომპონენტი და მხოლოდ ცალკეული ღონისძიებების შესრულების მონიტორინგს წარმოადგენს. წინა სამოქმედო გეგმის შესრულების ბუნდოვანება ართულებს ახალ სამოქმედო გეგმაში გასათვალისწინებელი მიზნებისა და ამოცანების განსაზღვრას. აქვე უნდა აღინიშნოს, რომ წლის პირველი კვარტლის მიწურულს ანტიკორუფციული საბჭოს სამდივნოს ჯერ არ წარმოუდგენია ახალი სამოქმედო გეგმის სამუშაო ვერსია და ის ამოცანები და ღონისძიებები, რომელთა შეტანას გეგმავს ახალ სამოქმედო გეგმაში. შესაბამისად, IDFI ეყრდნობა ორგანიზაციის ხელთ არსებულ ინფორმაციასა და საერთაშორისო ორგანიზაციების შეფასებებს ანტიკორუფციული სამოქმედო გეგმით გათვალისწინებულ მიმართულებებში კორუფციის კუთხით არსებული მდგომარეობის შესახებ.


ზოგადი კომენტარის სახით უნდა აღინიშნოს, რომ წინა სამოქმედო გეგმა მხოლოდ ერთეულ მნიშვნელოვან ღონისძიებებს ითვალისწინებდა და გადატვირთული იყო მრავალი ტექნიკური და უმნიშვნელო ღონისძიებებითა და აქტივობებით. სამოქმედო გეგმაში ახალი ქვეთავი და ღონისძიება ძალიან მცირე რაოდენობით გვხვდებოდა და ძირითადად წინა სამოქმედო გეგმის კომპონენტები იყო გადმოტანილი. გარდა ამისა, წინა სამოქმედო გეგმაში გათვალისწინებული ამოცანები ხშირ შემთხვევაში ძალიან ზოგადი ან ზედმეტად კონკრეტული იყო, ხოლო ინდიკატორები არ აკმაყოფილებდა “SMART” კრიტერიუმებს, რის გამოც, მათზე დაყრდნობით სამოქმედო გეგმის შესრულების შეფასება შეუძლებელია. აგრეთვე, მიუხედავად OECD-ACN-ის რეკომენდაციისა, წინა სამოქმედო გეგმა გავლენის შეფასების ინდიკატორებს არ ითვალისწინებდა. შესაბამისად, წინა სამოქმედო გეგმასთან დაკავშირებით არსებული ხარვეზების აღმოფხვრის მიზნით, ახალ სამოქმედო გეგმასთან დაკავშირებით IDFI-ის ზოგადი რეკომენდაციებია, რომ:


1. სტრატეგიის და სამოქმედო გეგმის თითოეული თავისთვის მომზადდეს სიტუაციის ანალიზი, რომელზე დაყრდნობით განისაზღვრება პრობლემები/გამოწვევები და შესაბამისი ამოცანები;


2. სამოქმედო გეგმის ამოცანების განსაზღვრისას ყურადღება მიექცეს ისეთ კრიტერიუმებს, როგორიცაა მნიშვნელოვნობა, გაზომვადობა, საკმარისად კონკრეტულობა და რელევანტურობა;


3. სამოქმედო გეგმით გათვალისწინებული იქნეს გავლენის და ამოცანის ინდიკატორები, რომლებიც დააკმაყოფილებენ ““SMART” ” კრიტერიუმებს.

 

გარდა აღნიშნული ზოგადი რეკომენდაციებისა, IDFI ანტიკორუფციული საბჭოს სამდივნოს სთავაზობს კონკრეტულ ამოცანებსა და ღონისძიებებს ახალ ანტიკორუფციული სტრატეგიისა და 2019-2020 წლების სამოქმედო გეგმაში გათვალისწინების მიზნით.

 

 

/public/upload/IDFI_2019/General/IDFI_proposals_for_Anti_Corruption Action_Plan_GEO.pdf

სხვა მასალები ამ თემაზე
სიახლეები

საჯარო ინფორმაციის ხელმისაწვდომობა საქართველოში 2010-2019

28.09.2020

IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

24.09.2020

კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები

23.09.2020

ფარული მიყურადება საქართველოში - კანონმდებლობისა და პრაქტიკის ანალიზი

18.09.2020
განცხადებები

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020

მოვუწოდებთ კომუნიკაციების კომისიას შეასრულოს ობიექტური და მიუკერძოებელი დამკვირვებლის როლი წინასაარჩევნო და საარჩევნო პროცესებში მედიის მონიტორინგისას

20.08.2020
ბლოგპოსტები

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020

12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები

07.08.2020