ლვოვში გამართულ ელ-მმართველობის ფორუმზე IDFI-ის წარმომადგნელები სიტყვით გამოვიდნენ

სიახლეები | კარგი მმართველობა | პუბლიკაციები | სტატია 22 სექტემბერი 2015

18-19 სექტემბერს, უკრაინული მხარის მიწვევით ქალაქ ლვოვში გამართულ ელ-მმართველობის ფორუმზე IDFI-ს წარმომადგნელები სიტყვით გამოვიდნენ.


ორგანიზაციის დირექტორის, გიორგი კლდიაშვილის და გამგეობის თავმჯდომარის, ლევან ავალიშვილის გარდა ფორუმს სხვადასხვა ქვეყნის 50-მდე ექსპერტი და 200-მდე მონაწილე ესწრებოდა.


ღონისძიება ქალაქ ლვოვის მერმა, ანდრეი სადოვიმ გახსნა. თავის სიტყვაში მან ხაზი გაუსვა იმას, რომ ინფორმაციულ ტექნოლოგიების განვითარებას შეუძლია დიდი წვლილი შეიტანოს კორუფციის აღმოფხვრაში. მაგალითად, არც ისე დიდი ხანია რაც უკრაინაში არსებობს საიტი e-data.gov.ua სადაც განთავსებულია საჯარო ინფორმაცია ბიუჯეტის ხარჯვის შესახებ, უკრაინაში ასევე შეიქმნა ელ. პეტიციების პორტალი - petition.president.gov.ua რომელსაც უკვე მილიონამდე უნიკალური მომხმარებელი ჰყავს.


აღსანიშნავია, რომ საქართველოში ელ. პეტიციების პორტალის შექმნისა და დანერგვის იდეას IDFI 2012 წლიდან უწევს აქტიურ ადვოკატირებას. „პარტნიორობა ღია მმართველობისათვის“ სამოქმედო გეგმის ფარგლებში მისი ქართული ვარიანტის, Ichange.ge-ს კონცეფციის საქართველოს მთავრობისთვის შეთავაზების შემდგომ, საიტის გაშვებაზე მუშაობა აქტიურად დაიწყო და ახლა უკვე დასრულებით ეტაპზეა.


ფორუმზე სიტყვით ასევე გამოვიდნენ: უკრაინის იუსტიციის მინისტრი პაველ პეტრენკო; უკრაინის თავდაცვის მინისტრის მოადგილე იური გუსევი; უკრაინაში USAID-ის მისიის დირექტორის მოადგილე ჯონ პანელი და სხვები. უკრაინაში გამართულ ფორუმზე განხილული იყო ისეთი საკითხები როგორც : ელ-მმართველობა - რომელი სერვისები ახდენს გავლენას ქალაქზე; ელ. სერვისები - რა არის და რა გავლენა აქვთ ქალაქის ეკონომიკაზე, - რატომ არის საჭირო ღია მონაცემები და როგორ შეიძლება სტანდარტიზაცია; ფინანსები - როგორ შეიძლება ინფორმაციული ტექნოლოგიების დანერგვისა და განვითარებისთვის თანხების მოძიება.


ერთ-ერთ პანელში - „როგორ მოვხვდეთ განვითარებული ელ-მმართველობის 10 წამყვან ქვეყანას შორის“ გიორგი კლდიაშვილმა საქართველოს გამოცდილებაზე ისაუბრა. მან მოკლედ მიმოიხილა, როგორ დაიწყო ელ. სერვისების განვითარება ქვეყანაში, განიხილა ის ხარვეზები, რაც ქვეყანაში არსებობს, დაწვრილებით ისაუბრა საქართველოში ამ მიმართულებით განხორციელებულ პროექტებზე და პასუხისმგებელ უწყებებზე, ასევე ხაზი გაუსვა სამოქალაქო სექტორის ჩართულობის მნიშვნელობას კორუფციასთან ბრძოლისა და ელექტრონული დემოკრატიის განვითარების საქმეში.


გიორგი კლდიაშვილი ასევე შეეხო „ღია მმართველობის პარტნიორობის“ საკითხსაც და დამსწრეების ყურადღება სამოქმედო გეგმაზე,  ქვეყნის მიერ აღებულ ვალდებულებებზე და 2011-2015 წლებში მომხდარ მნიშვნელოვან მოვლენებზე გაამახვილა.


ლევან ავალიშვილმა გააკეთა მოხსენება პანელზე „ელ. სერვისები და იდენტიფიკაცია“. დისკუსია ეძღვნებოდა ელექტრონული სერვისების განვითარების მნიშვნელობას ღია მმართველობის დანერგვაში. ლევანმა ისაუბრა ამ მიმართულებით საქართველოში არსებულ გამოცდილებაზე და ისეთ პროექტზე, როგორიც არის პეტიციების ელექტრონული სისტემა.

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020