IDFI-მ ორგანიზაციული განვითარებისთვის ორწლიანი დაფინანსება მოიპოვა

სიახლეები 21 იანვარი 2016

ღია საზოგადოების ინსტიტუტის ბუდაპეშტის ფონდის (OSI) კვლევითი ორგანიზაციების ფონდის დაფინანსება (Think Tank Fund) მიზნად ისახავს მხარი დაუჭიროს და გააძლიეროს ის ორგანიზაციები, რომლებიც ეწევიან კვლევით საქმიანობას, მთავრობის ეფექტური მუშაობისთვის ამზადებენ რეკომენდაციებს პოლიტიკურ, ეკონომიკურ და სოციალურ საკითხებზე, და მნიშვნელოვან გავლენას ახდენენ საზოგადოების ღიაობისა და განვითარების დონის გაუმჯობესებაზე.


IDFI-ის მიერ მიღებული ორგანიზაციული განვითარების გრანტის მიზანია IDFI-ის, როგორც კვლევითი ორგანიზაციის განვითარება შემდეგი კონკრეტული მიმართულებებით: კვლევების ხარისხი, კომუნიკაცია, ადვოკატირება, შიდა განვითარება და მმართველობა.


IDFI 5 სხვადასხვა მიმართულებით მუშაობს, ესენია: სამოქალაქო კონტროლი, ადვოკატირება, კვლევითი საქმიანობა, ცნობიერების ამაღლება და გამჭვირვალე არქივები. ორგანიზაციისთვის ერთ-ერთი ყველაზე მნიშვნელოვანი სწორედ კვლევითი საქმიანობაა, რაც შერწყმულია სახელმწიფოსთვის რეკომენდაციების მომზადებასა და შეთავაზებასთან. უნდა აღინიშნოს, რომ IDFI-ის არაერთ რეკომენდაციასა თუ კრიტიკას მოჰყოლია პოზიტიური შედეგი, განსაკუთრებით საჯარო უწყებების ღიაობისა და ანგარიშვალდებულების გაზრდის კუთხით.


დაარსებიდან წლების განმავლობაში, IDFI თანდათან იქცა ისეთ სანდო ორგანიზაციად, რომელიც აერთიანებს სამოქალაქო კონტროლის აქტივობებს, სიღრმისეულ კვლევებსა და ადვოკატირებას ღია მმართველობის სფეროში. თუმცა, მიუხედავად მნიშვნელოვანი წარმატებისა, IDFI იზიარებს მრავალი სხვა სამოქალაქო საზოგადოების ორგანიზაციის ბედს, როდესაც მიღებული დაფინანსებების უმეტესობა მიმართულია ანალიტიკურ საქმიანობაზე, რის გამოც მას თითქმის არ რჩება რესურსი ინსტიტუციონალური განვითარებისათვის.


Think Tank-ის ფონდის დაფინანსება მნიშვნელოვანია IDFI-ის შემდგომი ორგანიზაციული და ფინანსური მდგრადობისთვის, რისი საჭიროებაც IDFI-ის გავლენის ზრდასთან ერთად სულ უფრო აშკარა გახდა. იქიდან გამომდინარე, რომ ორგანიზაციაში მოვალეობები მკაფიოდ არ არის დანაწილებული, ინსტიტუტს სჭირდება მხარდაჭერა შიდა სტრუქტურის რეორგანიზაციისათვის, რისი ერთ-ერთი მიზანიც იქნება პასუხისმგებლობების დელეგირება.


კვლევის ხარისხის თვალსაზრისით, IDFI აპირებს განსაზღვროს გრძელვადიანი თემატური პრიორიტეტები კვლევითი პროდუქტისათვის, ერთიანი სახე მისცეს სხვადასხვა კვლევის შედეგებს, გააუმჯობესოს ხარისხის კონტროლის შიდა მექანიზმი და დააარსოს ხარისხის კონტროლის გარე მექანიზმი. გარდა ამისა, შეზღუდული რესურსები საშუალებას არ აძლევდა IDFI-ის მისი კვლევების სრულყოფილი რედაქტირებისთვის. IDFI-ის კვლევითი საქმიანობის კიდევ ერთი გამოწვევა არის კვლევის სხვადასხვა მეთოდების განვითარება და გამოყენება.


გარდა ამისა, IDFI-ის სჭირდება მეტი რესურსი და ცოდნა იმისათვის რომ უკეთ მიაწოდოს კვლევის შედეგები სხვადასხვა სამიზნე ჯგუფებს. ამ მხრივ საჭიროა უფრო სრულყოფილი კომუნიკაციის სტრატეგია, ვებ-დეველოპერის და დიზაინერის დახმარება და ა. შ.


ორგანიზაციული განვითარებისთვის განსახორციელებელი აქტივობების დასაგეგმად IDFI-ის წევრებმა 8-9 იანვარს გასვლით შეხვედრაზე იმსჯელეს. მათ განიხილეს ორგანიზაციის ახალი წესდება, ასევე, გრანტის ფარგლებში აღებული პასუხისმგებლობები, შემუშავებული სამოქმედო გეგმა და შესასრულებელი ამოცანები. დაიგეგმა ცვლილებები ორგანიზაციის სტრუქტურაში, ასევე დაიგეგმა სამეთვალყურეო საბჭოს შექმნა ორგანიზაციის სწორად და სწრაფი ტემპებით განვითარებისთვის.


ორი დღის განმავლობაში IDFI-ის წევრებმა იმსჯელეს კვლევითი მიმართულებით ორგანიზაციის განვითარების საუკეთესო გზებზე და დასახეს როგორც მოკლე, ასევე გრძელვადიანი გეგმები. მომავალი ორი წლის განმავლობაში, Think Tank Fund ორგანიზაციას უზრუნველყოფს საკმარისი რესურსებით იმისთვის, რომ აღნიშნული გეგმა წარმატებით განხორციელდეს.

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022