IDFI-ის დირექტორმა მონაწილეობა მიიღო ბაქოში აზიის განვითარების ბანკის რიგით 48-ე ყოველწლიურ შეხვედრაში

სიახლეები | ეკონომიკა და სოციალური პოლიტიკა | პუბლიკაციები | სტატია 6 მაისი 2015

IDFI-ის დირექტორმა მონაწილეობა მიიღო ბაქოში აზიის განვითარების ბანკის რიგით 48-ე ყოველწლიურ შეხვედრაში 2015 წლის 2-5 მაისს, აზიის განვითარების ბანკის მმართველთა საბჭომ ბაქოში, აზერბაიჯანში გამართა 48-ე ყოველწლიური შეხვედრა, რომლის ფარგლებში განიხილეს რეგიონალურ და ინსტიტუციურ განვითარებასთან დაკავშირებული საკითხები. შეხვედრა წარმოადგენდა საუკეთესო პლატფორმას ფინანსებისა და განვითარების მინისტრების, ცენტრალური ბანკების მმართველების, კერძო სექტორის, სამოქალაქო საზოგადოებისა და მედიის წარმომადგენლებისთვის რათა განეხილათ აზიის რეგიონში არსებული პრობლემები და გამოწვევები და ერთად მოეძებნათ შესაძლო გადაჭრის გზები. ყოველწლიურ შეხვედრას დაესწრო 3000-ზე მეტი წარმომადგენელი მთელი მსოფლიოდან.


წლევანდელი შეხვედრის სახელწოდება იყო "პარტნიორული ხელშეწყობა განვითარებისთვის".


IDFI-ს დირექტორი, გიორგი კლდიაშვილი მიწვეული იყო შეხვედრის ერთ-ერთ პანელში მონაწილეობის მისაღებად, რომლის სახელწოდება გახლდათ „სამოქალაქო საზოგადოება, მმართველობა და ინკლუზიური ეკონომიკა - ბოლო დროინდელი ვითარებები“. ამ პანელში საქართველოს, აზერბაიჯანის, ინდოეთის, ინდონეზიის და ყირგიზეთის წარმომადგენლებმა ისაუბრეს თავიანთ ქვეყნებში სამოქალაქო სექტორის წვლილზე ისეთ საკითხებში, როგორიცაა ინფორმაციის ხელმისაწვდომობა, გადაწყვეტილებების მიღებაში მოქალაქეთა ჩართულობა, კორუფციის შემცირება, გამჭვირვალობა და ანგარიშვალდებული ინსტიტუტების არსებობა, კანონის უზენაესობა და სხვა. 

 
სამოქალაქო საზოგადოების პანელის მოდერატორი გახლდათ ვინაი ბარგავა - ფონდ პარტნიორობა გამჭვირვალობისთვის მთავარი ტექნიკური მრჩეველი. დისკუსიაში მონაწილეობას იღებდნენ ბარტ იდესი - აზიის განვითარების ბანკის სოციალური განვითარების, მმართველობის და გენდერის განყოფილების დირექტორი და დენიელ კაუფმანი - ბუნებრივი რესურსების მართვის ინსტიტუტის პრეზიდენტი.


მოწვეულ სტუმრებს შორის იყვნენ ნურზათ აბდურასულოვა - სამოქალაქო ფონდის უნისონის დირექტორი (ყირგიზეთი), ჯორჯ ჩერიანი - CUTS International-ის დირექტორი (ინდოეთი), ვუგარ ბაირამოვი - ეკონომიკური და სოციალური განვითარების ცენტრის თავმჯდომარე (აზერბაიჯანი), ნანდა სიომბინგი - ღია მმართველობის სპეციალისტი - რეგიონული ინფორმაციისა და სწავლების ცენტრის წარმომადგენელი (ინდონეზია).


გიორგი კლდიაშვილმა ისაუბრა „ღია მმართველობის პარტნიორობა საქართველოს“ ფორუმის შესახებ, ასევე ყურადღება გაამახვილა იმ რეკომენდაციებზე, რომლებიც არასამთავრობო და საერთაშორისო ორგანიზაციებმა მოამზადეს და რომელზე დაყრდნობითაც შემუშავდა ღია მმართველობის პარტნიორობის სამოქმედო გეგმა, რა მიღწევები აქვს საქართველოს OGP-ში. აღინიშნა ასევე, საქართველოს ანტი-კორუფციული სამოქმედო გეგმის შესახებ, რომელიც საქართველოს მთავრობამ დაამტკიცა ერთი კვირის წინ და რომელიც მომზადებული იყო საქართველოს უწყებათაშორისი ანტი-კორუფციული საბჭოს მიერ არასამთავრობო სექტორის აქტიური ჩართულობით. მან დამსწრე საზოგადოებას განუმარტა, თუ როგორ მუშაობენ საქართველოში არასამთავრობო ორგანიზაციები ინფორმაციის თავისუფლების და ხელმისაწვდომობის განვითარების მხარდაჭერისა და მონიტორინგის კუთხით, როგორ შედეგიანად თანამშრომლობს მთავრობა და სამოქალაქო სექტორი ღია მმართველობა საქართველოს ფორუმის ფარგლებში, დეტალურად განიხილა IDFI-ის საქმიანობა. აღინიშნა ასევე სამოქალაქო სექტორისა და მთავრობის წარმატებულ თანამშრომლობის მაგალითები სოციალური და ეკონომიკური განვითარების სტრატეგია-საქართველო 2020-ის იმპლემენტაციის პროცესში.


გიორგი კლდიაშვილმა ხაზი გაუსვა საქართველოში მიმდინარე რეფორმებს, კერძოდ პროკურატურის რეფორმას, შინაგან საქმეთა სამინისტროს რეფორმას, სასამართლო რეფორმას, რომელთა განხორციელებაში დიდია სამოქალაქო სექტორის წვლილი.


გამოსვლაში გიორგი კლდიაშვილმა აღინიშნა იმ გამოწვევების შესახებ, რომელიც არსებობს საქართველოში მოსახლების ჩართულობასთან დაკავშირებით გადაწყვეტილების მიღების პროცესში, განსაკუთრებით, ღია მმართველობის საკითხებზე ცნობიერების ამაღლების კუთხით რეგიონულ დონეზე.


შეხვედრის ორგანიზატორებმა იმედი გამოთქვეს, რომ არასამთავრობო ორგანიზაციები კვლავაც გააგრძელებენ ხელისუფლებასთან თანამშრომლობას უკეთესი შედეგების მისაღწევად.


გიორგი კლდიაშვილი 4 მაისს წლიური შეხვედრის ფარგლებში გამართული მეხუთე ახალგაზრდული ფინალური დებატების ჟიურის წევრიც იყო, რომელშიც გამარჯვება წელს ყაზახეთმა მოიპოვა.


სხვა მასალები ამ თემაზე
სიახლეები

პანდემია და კორუფციული რისკები

07.04.2020

IDFI-ს მოსაზრებები მართლმსაჯულებისა და ადამიანის უფლებათა დაცვის საკითხებზე

05.04.2020

IDFI-მ რასობრივი დისკრიმინაციის ყველა ფორმის აღმოფხვრის შესახებ კონვენციის შესრულების თაობაზე ანგარიშის პროექტთან დაკავშირებით მოსაზრებები წარადგინა

04.04.2020

IDFI-მ ადამიანის უფლებათა დაცვის ახალ სტრატეგიასთან დაკავშირებით მოსაზრებები წარადგინა

03.04.2020
განცხადებები

ხელმომწერი ორგანიზაციები უზენაესი სასამართლოს პლენუმს მოუწოდებენ საგანგებო მდგომარეობის დასრულებამდე თავი შეიკავოს საკონსტიტუციო სასამართლოს მოსამართლის დანიშვნისგან

03.04.2020

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020