საქართველოში სახელმწიფოს კუთვნილი საწარმოები და მათი ეფექტიანობის კვლევის პრეზენტაცია

სიახლეები | ეკონომიკა და სოციალური პოლიტიკა | პუბლიკაციები 11 სექტემბერი 2014

ოთხშაბათს, 10 სექტემბერს, ინფორმაციის თავისუფლების განვითარების ინსტიტუტისა (IDFI) და გადასახადის გადამხდელთა კავშირის (TPU) ორგანიზებით გამართა პროექტის „საქართველოში სახელმწიფოს კუთვნილი კომპანიები და მათი ეფექტურობის კვლევა - ფოკუსი: სოფლის მეურნეობის სფერო“ საბოლოო პრეზენტაცია.


შეხვედრაზე წარმოდგენილი იყო პროექტის ფარგლებში მომზადებული კვლევა - “სახელმწიფო საწარმოები საქართველოში და მათი ეფექტიანობა - სოფლის მეურნეობის დარგის ანალიზი”.

კვლევის ავტორებმა შეხვედრის მონაწილეებს გააცნეს პროექტის განმავლობაში სახელმწიფო საწარმოთა ეფექტიანობის შეფასების მეთოდოლოგია და შეაჯამეს სახელმწიფოს საკუთრებაში არსებული საწარმოების მდგომარეობა. მკვლევარებმა სოფლის მეურნეობის სამინისტროს შიდა აუდიტის დეპარტამენტის 2013 წლის ანგარიშზე დაყრდნობით გაასაჯაროვეს სახელმწიფოს საკუთრებაში არსებული საწარმოების შემოსავალ-გასავალის სხვაობა 2012 წელს, რამაც ცხადყო, რომ საწარმოთა უმრავლესობამ ზარალით დაასრულა 2012 წლის გეგმა.


კვლევის ავტორებმა გამოყვეს ძირითადი პრობლემები და შეხვედრის მონაწილეებს გააცნეს რეკომენდაციები ამ პრობლემების მოსაგვარებლად. პრეზენტაციის ბოლოს, კვლევის ავტორებმა ხაზი გაუსვეს შპს „მექანიზატორისა“ და გაერთიანებული სამელიორაციო სისტემების კომპანიის განსაკუთრებულ სოციალურ-ეკონომიკურ დატვირთვას და აღნიშნეს, რომ მისი სწრაფი პრივატიზება არარეალური და არაოპტიმალურია, შესაბამისად უნდა მოხდეს მათი პრივატიზებისთვის მომზადება. მათ დამსწრე საზოგადოებას შესთავაზეს კომპანიების პრივატიზაციის ორი გზა: კერძო მენეჯმენტი ან დანაწევრება.


პრეზენტაციის ბოლოს გაიმართა დისკუსია, რომელშიც აქტიურად ჩაერთვნენ შეხვედრის მონაწილეები. შეხვედრას ესწრებოდნენ სოფლის მეურნეობის მინისტრის მოადგილე, ნოდარ კერესელიძე, სოფლის მეურნეობის პროექტების მართვის სააგენტოს (APMA), სახელმწიფო ქონების ეროვნული სააგენტოს, აუდიტის სამსახურის წარმომადგენლები, პარლამენტის სხვადსხვა კომიტეტის წევრები; ასევე სხვადასხვა ორგანიზაციებისა და ანალიტიკური ცენტრების წარმომადგენლები და საკითხით დაინტერესებული პირები. 

შეხვედრის მონაწილეებმა ისაუბრეს იმაზე, თუ რამდენად გამართლებულია სახელმწიფო საკუთრებაში საწარმოს არსებობა. დისკუსიის მონაწილეთა აზრით, აუცილებელია, რადგან კერძო საკუთრებაში გადასვლა ფერმერისთვის მომსახურებას გააძვირებს.


პროექტი ხორციელდებოდა ამერიკის შეერთებული შტატების საერთაშორისო განვითარების სააგენტოს (USAID) აღმოსავლეთ-დასავლეთის მართვის ინსტიტუტის (EWMI) პროგრამის “საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში” (G-PAC) ფინანსური მხარდაჭერით. 

სხვა მასალები ამ თემაზე
სიახლეები

საპროცესო შეთანხმების შესახებ კანონმდებლობისა და პრაქტიკის ანალიზის პრეზენტაცია

04.12.2019

კარგი მმართველობის ფორუმი (GGF)

30.11.2019

ნიკოლოზ (კარლო) ჩხეიძის ცხოვრებისა და მოღვაწეობის მემორიალური ალბომის პრეზენტაცია

25.11.2019

რა პოზიცია ჰქონდათ იმ მაჟორიტარ დეპუტატებს, რომლებმაც ჩააგდეს კანონპროექტი

22.11.2019
განცხადებები

არასამთავრობო ორგანიზაციების საგანგებო განცხადება

18.11.2019

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019