გამოფენა - ხმა ქართველი ქალისა

სიახლეები | მეხსიერების და დეზინფორმაციის კვლევები | სტატია 7 აპრილი 2021

2021 წლის მარტში მსოფლიოს მრავალ ქვეყანაში ქალთა ისტორიის თვე აღინიშნა, რაც მიზნად ისახავდა ქალთა ისტორიული მიღწევების  წარმოჩენას. საქართველოს ისტორიაშიც, მრავალ გამოჩენილ ქალს განსაკუთრებული როლი უთამაშია საზოგადოებრივი ცნობიერების შეცვლასა თუ რევოლუციური იდეების გატარებაში. მე-19 საუკუნის დასასრულსა და მე-20 საუკუნის დასაწყისში, ქვეყნისთვის მნიშვნელოვან და გარდამავალ პერიოში, აღსანიშნავი წვლილი მიუძღვით ქართველ ქალებს განმანათლებლობისა და კულტურული აღმასვლის საქმეში. ამ პერიოდში მსოფლიოში მომძლავრებული ქალთა მოძრაობების გამოძახილი საქართველოშიც გვხვდება - სწორედ ის ქალები , რომლებმაც ევროპული განათლება მიიღეს, ცდილობდნენ მთელი ქვეყნის მასშტაბით საკუთარი ცოდნისა და გამოცდილების საზოგადოებაში გავრცელებას და ამ გზით რევოლუციური იდეების გაღვივებას. აღსანიშნავია, ასევე ქალთა წარმომადგენლობა საქართველოს დემოკრატიული რესპუბლიკის დამფუძნებელი კრების არჩევნებშიც, რაც მათ აქტიურ საზოგადოებრივ და პოლიტიკურ ცხოვრებაზე მიუთითებს.

 

ყოველკვირეული სამეცნიერო, ლიტერატურული და პოლიტიკური გაზეთის „ხმა ქართველი ქალისა“ პირველი ნომერი 1917 წლის 5 აპრილს გამოქვეყნდა, ქართველი ფემინისტისა და საზოგადო მოღვაწის, კატო მიქელაძის რედაქტორობით. გაზეთი მოითხოვდა ქალთა გათანაბრებას მამაკაცებთან, კანონმდებლობაში სქესობრივი პრივილეგიების გაუქმებას, მხარს უჭერდა სუფრაჟისტულ მოძრაობას და ქალებს ემანსიპაციისათვის ბრძოლისკენ მოუწოდებდა. გაზეთის ყველა ნომერს ქალთა გაერთიანების იდეის შემცველი მოწოდებები გასდევდა: „ქალებო მთელი ქვეყნისა, შეერთდით“, „თანასწორობა სქესთა წინაშე კანონისა!“, „გაუმარჯოს ქალთა სოლიდარობას“ და სხვა.

 

ზემოაღნიშნულის მნიშვნელობის გააზრებისა და ამ საკითხზე საზოგადოებრივი ინფორმირებულობის გაზრდის მიზნით, საქართველოს პარლამენტის ეროვნული ბიბლიოთეკის თაოსნობითა და IDFI-ს ჩართულობით, ბიბლიოთეკის მარო მაყაშვილის სახელობის ბაღში გაიმართა გამოფენა, რომელიც მიეძღვნა გაზეთის „ხმა ქართველი ქალისა“ იუბილეს და ერთი საუკუნის წინ მოღვაწე ქალებს. გამოფენის ნაწილი იყო „დემოკრატიული ჩართულობის ცენტრის ქსელის (NCCE)” მიერ მომზადებული პუბლიკაციაც: „ქალები გასული საუკუნიდან 1918-1921“. პუბლიკაციის მიზანია, ქართველ ქალთა ისტორიული როლის ხაზგასმა მათი მიღწევებისა და წარმატებების წარმოჩენის გზით.  გამოფენაზე სიტყვით წარსდგა IDFI-ის მეხსიერებისა და დეზინფორმაციის კვლევების მიმართულების ხელმძღვანელი, ანტონ ვაჭარაძე, რომელმაც საქართველოს ისტორიაში ქალების ფასდაუდებელი როლის შესწავლის სამომავლო გეგმებსა და ამ მიმართულებით კვლევის გაღრმავების მნიშვნელობაზე ისაუბრა.

 

ღონისძიებას მასპინძლობდა საქართველოს პარლამენტის ეროვნული ბიბლიოთეკა, ღონისძიების პარტნიორები იყვნენ: თბილისის მერია, ივანე ჯავახიშვილის სახელობის თბილისის სახელმწიფო უნივერსიტეტი, ინფორმაციის თავისუფლების განვითარების ინსტიტუტის (IDFI) და შვედეთის საერთაშორისო განვითარების თანამშრომლობის სააგენტო (Sida), დემოკრატიული ჩართულობის ცენტრების ქსელი (NCCE).

 

სხვა მასალები ამ თემაზე
სიახლეები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

კორონავირუსის პანდემიასთან დაკავშირებით გაგზავნილი სადეპუტატო კითხვების მიმოხილვა

13.05.2021

IDFI-ის პანელური დისკუსია აზიის განვითარების ბანკის 54-ე წლიურ შეხვედრაზე - მდგრადი განვითარების მიზნები

07.05.2021

მოქალაქეებს აჭარის უმაღლესი საბჭოსთვის პეტიციით მიმართვა შეუძლიათ

06.05.2021
განცხადებები

IDFI-სა და GYLA-ს ერთობლივი განცხადება საჯარო მმართველობის რეფორმისა და ანტიკორუფციული სტრატეგიული დოკუმენტების დაგვიანებასთან დაკავშირებით

10.05.2021

IDFI-ის პარტნიორი ორგანიზაცია რუსეთში კვლავ ზეწოლის ქვეშაა

01.05.2021

IDFI-ს განცხადება პოლიტიკური პარტიების შეთანხმების თაობაზე

19.04.2021

IDFI ნამახვანი ჰესის პროექტთან დაკავშირებით განვითარებულ მოვლენებს ეხმიანება

12.04.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021