ელექტრონული გამჭვირვალობა საქართველოში

სიახლეები | კორუფციასთან ბრძოლა | პუბლიკაციები | სტატია 4 მარტი 2011

28 თებერვალს „ინფორმაციის თავისუფლების განვითარების ინსტიტუტმა" საზოგადოებას წარუდგინა ახალი პუბლიკაცია „ელექტრონული გამჭვირვალობა საქართველოში"     .  
ნაშრომი გამოიცა ინფორმაციის თავისუფლების განვითარების ინსტიტუტის მიერ (IDFI)  პროექტის -"საქართველოს საჯარო დაწესებულებების საინფორმაციო რესურსების მონიტორინგი"- ფარგლებში. პროექტის მთავარი მიზანია კვლევითი საქმიანობებითა და ქართული სამთავრობო ვებ-რესურსების ანალიზით, საქართველოში ტრანსპარენტული ვებ-სივრცის განვითარების მხარდაჭერა.


 

პროექტის ფარგლებში ჩატარდა საქართველოს სამინისტროების და სამინისტროებთან არსებული საჯარო სამართლის იურიდიული პირების (48 ოფიციალური ვებ-გვერდის) საინფორმაციო გამჭვირვალობის დეტალური მონიტორინგი.
პუბლიკაციაში  „ელექტრონული გამჭვირვალობა საქართველოში" გაანალიზებულია საჯარო დაწესებულებების ვებ გვერდების ელექტრონული გამჭვირვალობის ხარისხი, კერძოდ, თუ რამდენად გამჭვირვალე და სრულყოფილია მთავრობის ვებ გვერდებზე განთავსებული საჯარო ინფორმაცია.  საუბარია ასევე ელექტრონული მმართველობის და ელექტრონული გამჭვირვალობის განვითარების ტენდენციებზე საქართველოში და მსოფლიოში.  წარმოდგენილია, ასევე საჯარო დაწესებულებების რეიტინგი ელექტრონული გამჭვირვალობის ხარისხის მიხედვით.


"კვლევის შედეგებმა ცხადყო, რომ სახელმწიფო დაწესებულებები არ იყენებენ ინტერნეტს, როგორც მოქალაქეებთან, მედიასთნ და ბიზნეს სექტორთან ინტერაქტიული ურთიერთობის ეფექტურ საშუალებას. ელექტრონული მმართველობის საერთაშორისო ტენდენციების მიხედვით ელ-ჩართულობა ერთ-ერთი ყველაზე მნიშვნელოვანი პრინციპია თანამედროვე საინფორმაციო საზოგადოების ჩამოყალიბებისათვის. ზოგადად შეიძლება ითქვას, რომ საჯარო საწესებულებები იშვიათი გამონაკლისის გარდა მაგ. გარემოს დაცვისა და ბუნებრივი რესურსების სამინისტრო ყველაზე ნაკლებ ყურადღებას უთმობენ საკუთარი ვებ-გვერდების საჯარო მმართველობის ახალი ფორმების დანერგვას"- აღნიშნა პროექტის ერთ-ერთმა ხელმძღვანელმა ლევან ავალიშვილმა.


წიგნის "ელექტრონული გამჭვირვალობა საქართველოში" გამოცემა ღია საზოგადოების ინსტიტუტმა (Open Society Institute) და ეროვნული უსაფრთხოების არქივმა (The National Security Archive) დააფინანსეს.


არსებული ნაშრომის გამოქვეყნებას წინ უსწრებდა ვებ პორტალის OPENDATA.GE-ს შექმნა და ამოქმედება. ღონისძიებაზე წარმოდგენილ იქნა მეორე გამოცემაც, ბიულეტენში დეტალურად არის გაანალიზებული პროექტის 6 თვიანი საანგარიშო პერიოდის განმავლობაში მიღებული შედეგები და ჩამოყალიბებული პრაქტიკა. მოცემულია სტატისტიკური მონაცემები თუ რომელია ყველაზე გამჭვირვალე და ყველაზე დახურული ადმინისტრაციული ორგანო და რომელმა ორგანოებმა დატოვეს სრულიად უპასუხოდ IDFI-ის მოთხოვნები.


კვლევა პროექტის „საჯარო ინფორმაციის მონაცემთა ბაზა“ ფარგლებში განხორციელდა ფონდის „ღია საზოგადოება საქართველოს“ ფინანსური მხარდაჭერით.

იხილეთ ბმულები:

საინფორმაციო ბიულეტენი

ელექტრონული გამჭვირვალობა საქართველოში

 1.ელ-მმართველობა და ელ-გამჭვირვალობა - საერთაშორისო ტენდენციები და საქართველო

2.საქართველოში ელ-მმართველობასა და ელ-გამჭვირვალობასთან დაკავშირებული სამართლებრივი ბაზის მოკლე მიმოხილვა

3.საქართველოს საჯარო დაწესებულებების საინფორმაციო რესურსების (ოფიციალური ვებ-გვერდების) მონიტორინგი - სამიზნე ობიექტები

სხვა მასალები ამ თემაზე
სიახლეები

IDFI - მ ქედის, სენაკის, ონისა და საგარეჯოს მუნიციპალიტეტების წარმომადგენლებისთვის SDG - ების ლოკალიზების შესახებ ტრენინგები გამართა

24.05.2022

სსო მეტრი - სამოქალაქო საზოგადოების ორგანიზაციების საარსებო გარემოს შეფასება

24.05.2022

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის შეხვედრა

23.05.2022

საჯარო ინფორმაციის ხელმისაწვდომობა საქართველოში 2021

23.05.2022
განცხადებები

კოალიცია ნიკა გვარამიას საქმეზე გამოტანილ გადაწყვეტილებას ეხმაურება

20.05.2022

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022