საქართველოს სასამართლო სისტემის ელ-გამჭვირვალობა

სიახლეები | კანონის უზენაესობა | კარგი მმართველობა | მედია,ინტერნეტი და ტელეკომუნიკაცია | პუბლიკაციები | ანგარიში 25 ოქტომბერი 2012

 

პროექტი „საქართველოს სასამართლო სისტემის საზოგადოებრივი ანგარიშვალდებულებისა და გამჭვირვალობის ხარისხის გაუმჯობესება“ განხორციელდა ევრაზიის თანამშრომლობის ფონდის (EPF) „სამოქალაქო ინიციატივა დამოუკიდებელი სასამართლოსთვის“ პროგრამის ფარგლებში, რომელიც დაფინანსებულია ამერიკის შეერთებული შტატების საერთაშორისო განვითარების სააგენტოს (USAID) მიერ აღმოსავლეთ-დასავლეთის მართვის ინსტიტუტის (EWMI) მეშვეობით.

კვლევის ფარგლებში მონიტორინგი ჩაუტარდა საქართველოს სასამართლო სისტემაში შემავალი 16 სასამართლოს ოფიციალურ ვებ-გვერდს და შეფასდა მათი ინფორმაციული გამჭვირვალობა და ტექნიკური გამართულობის ხარისხი.

მონიტორინგის შედეგად გამოვლენილი ტენდენციები და პრობლემები:

საქართველოს სასამართლო ხელისუფლების 41 ორგანოდან ოფიციალური ვებ გვერდი მხოლოდ 16-ს აქვს. კვლევამ აჩვენა, რომ საქართველოს სასამართლო ხელისუფლების ორგანოთა ვებ-გვერდების უმეტესობა ელ-გამჭვირვალობის შეფასების კუთხით ნაკლებად ინფორმაციულია მომხმარებლისთვის, ხოლო ტექნიკური გამართულობის ინდექსით აბსოლუტურად არ შეესაბამება თანამედროვე ვებ-სტანდარტებს.

ინფორმაციულად ყველაზე გაუმჭვირვალე და ტექნიკურად გაუმართავია საქალაქო და რაიონული სასამართლოების ვებ-გვერდები. ხოლო ყველაზე მაღალი მაჩვენებელი საქართველოს უზენაესი სასამართლოს ვებ-გვერდს აქვს.

ამავე დროს, დადასტურდა რომ ვებ-გერდებზე ყველაზე ნაკლებად სასამართლოების ფინანსური ინფორმაციაა წარმოდგენილი და ხელმისაწვდომი.

გამოვლენილი პრობლემების გადასაჭრელად და ვებ-გვერდების ინფორმაციული და ტექნიკური სრულყოფისათვის, გაიმართა კონსულტაციები სამართლის სპეციალისტებთან, განხორციელდა საქართველოსა და უცხოეთის 11 ქვეყნის შედარებითი ანალიზი და საერთაშორისო პრაქტიკის გათვალისწინებით დადგენილ იქნა საქართველოს სასამართლოების ვებ-გვერდებზე პროაქტიულად გამოსაქვეყნებელი საჯარო ინფორმაციის სტანდარტი.

შეიქმნა სასამართლო სტატისტიკის ელექტრონული მოდული - განხორციელდა სისტემაში არსებული მნიშვნელოვანი სტატისტიკური და დინამიური ინფორმაციის კატეგორიზაცია და ვიზუალიზაცია, რაც საკმაოდ დიდი მოცულობის ინფორმაციას ადვილად აღქმადს ხდის და მომხმარებელს მონაცემების ურთიერთშედარებას უადვილებს. აღნიშნული სასამართლო სტატისტიკის ელექტრონული მოდული მომხმარებლისთვის ხელმისაწვდომია საქართველოს უზენაესი სასამართლოსა www.supremecourt.ge და  ინფორმაციის თავისუფლების განვითარების ინსტიტუტის www.idfi.ge ვებ-გვერდებზე.

 კვლევა - სასამართლო სისტემის ელ-გამჭვირვალობა 2012

 კვლევა - სასამართლო სისტემის ელ-გამჭვირვალობა 2012

 

/public/upload/Reports/sasamartlo-sistemis-el-gamchvirvaloba-2012.pdf

სხვა მასალები ამ თემაზე
სიახლეები

IDFI აზარტული თამაშების წინააღმდეგ ელექტრონული პეტიციის განხილვას დააკვირდება

09.12.2019

რიგით მეორე საერთაშორისო კონფერენცია - სახელმწიფო არქივების ღიაობა და მეხსირების კვლევები

06.12.2019

საპროცესო შეთანხმების შესახებ კანონმდებლობისა და პრაქტიკის ანალიზის პრეზენტაცია

04.12.2019

კარგი მმართველობის ფორუმი (GGF)

30.11.2019
განცხადებები

არასამთავრობო ორგანიზაციების საგანგებო განცხადება

18.11.2019

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019