IDFI-მ ონლაინ კონფერენცია - კიბერუსაფრთხოების საერთაშორისო სტანდარტები და საქართველო გამართა

სიახლეები | ინტერნეტი და ინოვაციები | სტატია 24 სექტემბერი 2020

2020 წლის 22 სექტემბერს, ინფორმაციის თავისუფლების განვითარების ინსტიტუტმა (IDFI) ონლაინ კონფერენცია სახელწოდებით - კიბერუსაფრთხოების საერთაშორისო სტანდარტები და საქართველო გამართა. კონფერენციის მიზანს კიბერუსაფრთხოების მიმართულებით არსებული თანამედროვე ტენდენციების, და ამ ჭრილში საქართველოს წინაშე არსებული გამოწვევებისა და საჭირო რეფორმების განხილვა წარმოადგენდა. დისკუსია გაიმართა საქართველოს პარლამენტში ინიცირებული კანონპროექტის ირგვლივ - „ინფორმაციული უსაფრთხოების შესახებ“ საქართველოს კანონში ცვლილების შეტანის თაობაზე. ღონისძიება IDFI-ის აღმასრულებელმა დირექტორმა, გიორგი კლდიაშვილმა გახსნა.

 

კიბერუსაფრთხოების რეფორმის გატარების დროს მნიშვნელოვანია არსებობდეს კონსესუსი, ინსტიტუციურ მოწყობასა და სახელმწიფო დაწესებულებებს შორის ფუნქციათა განაწილებასთან დაკავშირებით. ამავდროულად, სასიცოცხლოდ მნიშვნელოვანია ადამიანის ფუნდამენტური უფლებების დაცვა, რაც ინტერნეტ თავისუფლებებსა და უსაფრთხოებას შორის ოპტიმალური ბალანსის დაცვით მიიღწევა.“ - განაცხადა გიორგი კლდიაშვილმა.

 

კონფერენციას ესწრებოდა საქართველოს პარლამენტის თავდაცვისა და უშიშროების კომიტეტის თავმჯდომარე, ირაკლი სესიაშვილი. დეპუტატმა ზემოხსენებულ კანონპროექტზე ისაუბრა და ხაზი სწორედ იმ პუნქტებს გაუსვა, რომლებსაც სამოქალაქო საზოგადოების მხრიდან კრიტიკა მოყვა.

 

IDFI-მ დამსწრე საზოგადოებას ბოლო პერიოდში მომზადებული კვლევის - კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები -ს მთავარი მიგნებებიც წარუდგინა. IDFI-ის სპეციალური მოწვევით, პოლიტიკისა და ადვოკატირების მრჩეველმა, ხავიერ რუიზ დიაზმა კიბერუსაფრთხოების საერთაშორისო სტანდარტები მიმოიხილა.

 

ღონისძიებას კიბერუსაფრთხოების ადგილობრივი და უცხოელი ექსპერტები, საჯარო დაწესებულებების, მედიის, აკადემიის, კერძო და სამოქალაქო საზოგადოების, აგრეთვე საელჩოების წარმომადგენლები ესწრებოდნენ. ონლაინ კონფერენცია პირდაპირი ტრანსლაციის გზით IDFI-ის ოფიციალური Facebook-ის ვებგვერდის მეშვეობით გადაეცემოდა.

 

ინფორმაციის თავისუფლების განვითარების ინსტიტუტმა (IDFI) კონფერენცია პროექტის - „ციფრული უფლებების სამართლებრივი გარანტიების უზრუნველყოფა საქართველოში“ - ფარგლებში გამართა. ინიციატივის მიზანს საქართველოში საკანონმდებლო დონეზე ციფრული უფლებების სამართლებრივი გარანტიების უზრუნველყოფა და გაძლიერება წარმოადგენს.

 

IDFI-ის მიერ მომზადებული კვლევა იხილეთ აქ.

სხვა მასალები ამ თემაზე
სიახლეები

IDFI- მ საბჭოთა ოკუპაციისადმი მიძღვნილი ღონისძიების ფარგლებში ხაშურის N8 საჯარო სკოლას უმასპინძლა

23.02.2024

ქართული საზოგადოებრივი აზრი ისტორიული მეხსიერების ფორმირების საწყისებთან: 1924 წლის ანტისაბჭოთა აჯანყების რეპრეზენტაცია ქართულ ეროვნულ-განმათავისუფლებელ მოძრაობაში

23.02.2024

ოთხი ქართული ორგანიზაცია ევროკავშირის წარმომადგენლობის მხარდაჭერით საქართველოში მართლმსაჯულების სისტემის გაუმჯობესებასთან დაკავშირებულ პროექტს იწყებს

21.02.2024

რეალობის ხელახალი ფორმირება: დეზინფორმაციის როლი ისტორიული ჭეშმარიტების დამახინჯებაში

16.02.2024
განცხადებები

IDFI ეხმიანება ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიის დამტკიცების მიმდინარე პროცესს

08.02.2024

"კოალიცია ინფორმაციის სანდოობისთვის" სამოქალაქო ორგანიზაციებზე განხორციელებულ თავდასხმებს ეხმიანება

24.01.2024

კოალიციის განცხადება კეკელიძის ქუჩაზე გამოსახლების გაშუქებისას ჟურნალისტებზე ძალადობისა და დაკავების ფაქტების შესახებ

24.01.2024

სამოქალაქო ორგანიზაციები ეხმაურებიან ევროკომისიის რეკომენდაციების შესასრულებლად სამთავრობო გეგმის დამტკიცებას

09.01.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023