აჭარის უმაღლესი საბჭოს ღია მმართველობის 2020-2021 წლების სამოქმედო გეგმით გათვალისწინებული ვალდებულება - აჭარის უმაღლესი საბჭოსთვის წერილობითი პეტიციით მიმართვა ამოქმედდა.
პეტიცია არის მოქალაქეთა ჯგუფის მიმართვა ხელისუფლების უმაღლესი ორგანოების მიმართ, რომელიც შეეხება სახელმწიფოებრივი ან/და საზოგადოებრივი საჭიროებების გადაწყვეტას. მსოფლიოს საკანონმდებლო ორგანოების უმრავლესობას დანერგილი აქვთ პეტიციით მიმართვის პლატფორმები.
1 მაისიდან უკვე შესაძლებელია მოქალაქეების მიერ უმაღლესი საბჭოს თავმჯდომარისთვის წერილობითი პეტიციით მიმართვა.
პეტიციის განაცხადის წარსადგენად საჭიროა არანაკლებ 200 პირის მხარდაჭერა.
აღსანიშნავია, რომ სამოქმედო გეგმით გათვალისწინებულია ელექტრონული პეტიციის დანერგვაც, რომლის ამოქმედებაც დაგეგმილია 2022 წლის 1 იანვრიდან.
პეტიციების დანერგვა მნიშვნელოვანია გადაწყვეტილებების მიღების პროცესში მოქალაქეთა ჩართულობისთვის და ღია მმართველობის პრინციპების განვითარებისთვის.
პეტიციის ინსტიტუტი აჭარის უმაღლეს საბჭოში დაინერგა ევროკავშირისა (EU) და გაეროს განვითარების პროგრამის (UNDP) პროექტის - „საპარლამენტო დემოკრატიის კონსოლიდაცია საქართველოში“ ფარგლებში. პროექტი მჭიდროდ თანამშრომლობს ინფორმაციის თავისუფლების განვითარების ინსტიტუტთან (IDFI), საქართველოს პარლამენტსა და აჭარის უმაღლეს საბჭოში ღია მმართველობის პრინციპების დანერგვის ხელშეწყობის მიზნით.
მედიის ადვოკატირების კოალიციის განცხადება
03.06.2025მედიის ადვოკატირების კოალიციის განცხადება
23.05.2025
სიახლეების გამოწერა
