სასერტიფიკატო პროგრამა პროექტ საქართველო 2020-ის ფარგლებში

სიახლეები | ეკონომიკა და სოციალური პოლიტიკა | პუბლიკაციები | სტატია 24 თებერვალი 2015

2015 წლის 21 თებერვალს „ინფორმაციის თავისუფლების განვითარების ინსტიტუტის" (IDFI) და საქართველოს საზოგადოებრივ საქმეთა ინსტიტუტის ერთობლივი სასერტიფიკატო პროგრამის: საქართველო - სტრატეგია 2020 დასკვნითი შემაჯამებელი ღონისძიება ჩატარდა.  სასერტიფიკატო პროგრამაში მონაწილე სტუდენტებმა პროგრამის ფარგლებში შეთავაზებული კურსების საფუძველზე მოამზადეს და წარადგინეს პრეზენტაციები. თითოეული სტუდენტის მიერ შერჩეული საპრეზენტაციო თემა დაფუძნებული იყო პროგრამის განმავლობაში შეთავაზებულ სალექციო კურსებს. სტუდენტების მიერ მომზადებული პრეზენტაციები ყურადღებას ამახვილებდა საზოგადოებისათვის აქტიურ სოციალურ-ეკონომიკურ საკითხებზე.

 

სასერტიფიკატო პროგრამა შეთვაზებული იყო პროექტ „საქართველო 2020 - სამოქალაქო საზოგადოების ჩართულობის გაძლიერების“ ფარგლებში, რომელსაც გერმანიის საგარეო საქმეთა სამინისტროს დაფინანსებით ახორციელებს ინფორმაციის თავისუფლების განვითარების ინსტიტუტი ბრემენის უნივერსიტეტთან ერთად. პროექტი მიზნად ისახავს სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას, საქართველოს მთავრობის მიერ დადგენილებით დამტკიცებული სოციალურ-ეკონომიკური განვითარების სტრატეგია "საქართველო - 2020"-თან დაკავშირებით, რათა ისინი მომავალში უფრო აქტიურად ჩაერთონ საჯარო განხილვების პროცესში.

 

სასერტიფიკატო პროგრამის განმავლობაში შეთავაზებული იყო შემდეგი კურსები:



1. უმაღლესი განათლება მდგრადი განვითარებისათვის (5 საათი) 

კურსი მიმოიხილავს გაერთიანებული ერების ორგანიზაციის ინიციატივას "განათლება მდგრადი განვითარებისათვის", რომელიც წარმოადგენს უმაღლესი განათლების რე-ორიენტირების ადვოკატორების 5-პუნქტიან პროგრამას (გაეროს უ/გ მდგრადობის დეკლარაცია 2012წ., ევროკავშირის მდგრადი განვითარების სტრატეგია 2006წ). კურსის მსმენელები გაეცნობიან გაეროს ზემოთხსენებული ინიციატივის დანერგვაში დღემდე მიღწეულ პროგრესს, ისევე როგორც დაბრკოლებებს, რომელსაც დეკლარაციაზე ხელმომწერი უნივერსიტეტები აწყდებიან უმაღლესი განათლების დაწესებულებების მდგრადობის ამაღლებისკენ მიმართული ინიციატივების რეალიზებაში.

 

Key concepts: EU SDS, UN Higher Education Sustainability Initiative Rio +20, International Sustainable Campus Network



კურსის ლექტორი: თეა გერგედავა (ჰარვარდის უნივერსიტეტის მაგისტრი, თსუ-ს საგარეო ურთიერთობათა დეპ. უფროსი)



2. კულტურის პოლიტიკა ურბანული პოლიტიკის კონტექსტში (5 საათი)

კურსის თემატიკა ეფუძნება ევროკავშირთან ასოცირების ხელშეკრულებას და ხელშეკრულების მოთხოვნებს, ასევე საერთაშორისო სამართლებრივ ნორმებს, რომელიც სავალდებულოა კულტურის პოლიტიკისა და ურბანული პოლიტიკის შემუშავებისას აღსასრულებლად. ყურადღება გამახვილდება ურბანულ სივრცეში კულტურული მრავალფეროვნების შენარჩუნებისა და ხელშეწყობის მექანიზმებზე, ამასთან განიხილება ევროპული ქალაქების წარმატებული მართვის მოდელები. კურსის მიზანია კულტურული და ურბანული პოლიტიკის პრობლემები წარმოაჩინოს ადამიანის უფლებათა ჭრილში, ასევე გამოყოს საზოგადოების როლი კულტურისა და ურბანული პოლიტიკის შემუშავების საქმეში (უფლებები და პასუხისმგებლობები). ძირითადი ფოკუსი მიმართული იქნება ურბანული კულტურის განვითარებასა და ამ მიმართულებით არსებულ ხარვეზებზე საქართველოს რეალობაში.



კურსის ლექტორი: კონსტანტინე ნაცვლიშვილი (ბაზელის უნივერსიტეტის მაგისტრი, კულტურის პოლიტიკისა და მენეჯმენტის ექსპერტი)



3. სამომხმარებლო უფლებების დაცვა და კონკურენციის პოლიტიკა (5 საათი)

კურსის ფარგლებში მსმენელები გაეცნობიან სამომხმარებლო უფლებების დაცვასა და კონკურენციის პოლიტიკაში არსებულ კანონმდებლობას. მიიღებენ ინფორმაციას სამომხმარებლო უფლებების დაცვის კუთხით სახელმწიფოს წინაშე არსებული გამოწვევების შესახებ, კონკურენციის სააგენტოს შესახებ, ასევე, ზოგადად სახელმწიფო სამომხმარებლო უფლებების დაცვისა და კონკურენციის პოლიტიკის შესახებ. კურსი წაკითხულ იქნება ევროპულ კანონმდებლობასთან შედარებითი ანალიზის საფუძველზე. 


კურსის ლექტორი: დავით მაისურაძე (კალიფორნიის უნივერსიტეტის მაგისტრი, თსუ-ს დოქტორანტი)



4. შრომის სამართალი (5 საათი)

კურსის მიზანია, გააცნოს დამსწრეებს საქართველოს მოქმედი კანონმდებლობით დადგენილი დამსაქმებლისა და დასაქმებულის უფლებები, შრომითი ურთიერთობის მარეგულირებელი სამართლებრივი ნორმები როგორც კერძო, ასევე საჯარო სექტორში დასაქმებულ პირთათვის. გამოყოფილი იქნება აქტუალური საკითხები, როგორიცაა, მაგალითად, დასაქმებულის სამსახურიდან გათავისუფლების სამართლებრივი ასპექტები და სხვა. დამსწრეებს ასევე გავაცნობთ საერთაშორისო ხელშეკრულებებით საქართველოს მიერ ნაკისრ 

ვალდებულებებს, შრომის სამართლის გარშემო. დამატებით ვისაუბრებთ პერსონალურ მონაცემთა დაცვის შესახებ კანონის ზეგავლენაზე შრომით ურთიერთობებზე.


კურსის ლექტორი: სოფიო საჩალელი („მასურაშვილისა და საჩალელის იურიდიული ოფისი“-ს პარტნიორი, ტრიერის უნივერსიტეტის დოქტორანტი)



ლექტორებმა დადებითად შეაფასეს სტუდენტების მიერ მომზადებული პრეზენტაციები. პროგრამაში მონაწილე 25 სტუდენტს გადაეცა ბრემენის უნივერსიტეტის, ინფორმაციის თავისუფლების განვითარების ინსტიტუტის და საქართველოს საზოგადოებრივ საქმეთა ინსტიტუტის ერთობლივი სერტიფიკატი.

 

„ინფორმაციის თავისუფლების განვითარების ინსტიტუტი“ მომავალშიც გეგმავს მსგავსი ტიპის სალექციო კურსების შეთავაზებას მსურველებისათვის.

სხვა მასალები ამ თემაზე
სიახლეები

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019

გაეროს მდგრადი განვითარების მიზნების (SDGs) ინტეგრაცია საქართველოს ეროვნულ საჯარო პოლიტიკის სისტემაში

20.09.2019

კორუფციასთან ბრძოლის სასერტიფიკატო პროგრამა

15.09.2019

2019 წელს (იანვარი-ივლისი) დანაშაულის რიცხვი 17,23%-ით გაიზარდა

11.09.2019
განცხადებები

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019

კორუფციასთან ბრძოლის სასერტიფიკატო პროგრამა

15.09.2019

კოალიცია იუსტიციის უმაღლეს საბჭოში უზენაესი სასამართლოს მოსამართლეობის კანდიდატთა შერჩევის პროცესს აფასებს

12.09.2019
ბლოგპოსტები

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019

ინტერესთა შეუთავსებლობა უზენაესი სასამართლოს მოსამართლეთა შერჩევის პროცესში

05.08.2019

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019