პერსონალურ მონაცემთა დაცვის სფეროში ბოლო პერიოდში განვითარებული მოვლენების მოკლე მიმოხილვა

სიახლეები | კვლევები | კანონის უზენაესობა, ადამიანის უფლებები და მედიის თავისუფლება | აქტუალური თემები | ანალიზი | ანგარიში 27 მაისი 2021

2020-2021 წლებში, ალბათ, არცერთი ანგარიშის  შესავალი არ დაწერილა კოვიდ-19-ის ხსენების გარეშე. როგორც ყველგან, გლობალურმა პანდემიამ და მასთან დაკავშირებულმა  შეზღუდვებმა, საპარლამენტო არჩევნებსა და პოლიტიკურ კრიზისთან ერთად, გავლენა იქონია პერსონალურ მონაცემთა დაცვის მდგომარეობაზესაქართველოში, შეაფერხა მოსალოდნელი საკანონდებლო ცვლილებების მიღებისა  და საქართველოს მთავრობის ვალდებულებების შესრულების პროცესი. 

 

ანგარიშში შეფასებულია პერსონალურ მონაცემებთან დაკავშირებით ასოცირების დღის წესრიგით გათვალისწინებული მთავარი პრიორიტეტების დანერგვისა და ადამიანის უფლებების დაცვის სამთავრობო სამოქმედო გეგმის განხორციელების პროგრესი. დოკუმენტში ასევე მოცემულია ძირითადი მიღწევები და გამოწვევები, ცვლილების შესაძლო გზები და რეკომენდაციები პერსონალურ მონაცემთა დაცვის ყველაზე აქტუალურ საკითხებთან დაკავშირებით.

 

ასოცირების შეთანხმების მე-14 მუხლი წარმოადგენს მხარეთა თანამშრომლობის მყარ საფუძველს ევროკავშირის, ევროსაბჭოსა და საერთაშორისო სამართლებრივი ინსტრუმენტებისა და სტანდარტების შესაბამისი პერსონალურ მონაცემთა დაცვის მაღალი ხარისხის უზრუნველყოფისთვის. ასოცირების დღის წესრიგის საშუალოვადიან პრიორიტეტებში შედიოდა სახელმწიფო ინსპექტორის სამსახურის უფლებამოსილების გაძლიერება, პერსონალურ მონაცემთა დაცვის შესახებ სამართლებრივი ჩარჩოს ყველა სექტორში დანერგვის  უწყვეტი გაგრძელება, საქართველოს კანონმდებლობისა და პრაქტიკის უახლეს ევროპულ სტანდარტებთან დაახლოება. მსგავსი პრიორიტეტები აისახა მთავრობის სამოქმედო გეგმაში, ევროპის საბჭოს 108+ კონვენციასთან და ევროკავშირის GDPR-თან შესაბამისობაზე მკაფიო მითითებით.

 

პირადი ცხოვრება კვლავ ის სფეროა, რომელიც მუდმივ და გაძლიერებულ ყურადღებას მოითხოვს. ყველა ბრალდება ფარულ მიყურადებასა და თვალთვალზე, პირად ცხოვრებასთან დაკავშირებული ინფორმაციით შანტაჟზე დროულად და ეფექტურად უნდა იქნას გამოძიებული და სასამართლოს მიერ განხილული. სახალხო დამცველის 2020 წლის ანგარიშის თანახმად, სისხლის სამართლებრივი დევნა არ დაწყებულა პირადი ცხოვრების ხელშეუხებლობის უფლების დარღვევის საქმეებზე, რომლებზეც გამოძიება 2015-2017 წლებში დაიწყო. საქართველოს სახალხო დამცველი კვლავ მოუწოდებს პროკურატურას უზრუნველყოს  პროცესის გამჭვირვალობა, რათა შესაძლებელი იყოს გამოძიების ეფექტურობის ობიექტური შეფასება.

 

108+ კონვენციის დროული ხელმოწერა და რატიფიცირება ქვეყნისთვის პრიორიტეტული უნდა იყოს პირველ რიგში ადამიანის უფლებებისა და კანონის უზენაესობის თვალსაზრისით. ამასთან, გასათვალისწინებელია სხვა მნიშვნელოვანი ფაქტორები, მათ შორის საქართველოს ევროპული ინტეგრაცია, საერთაშორისო და ორმხრივი თანამშრომლობის პერსპექტივები და ეკონომიკური განვითარების ახალი შესაძლებლობები.

 

108+ კონვენციის დროული ხელმოწერა და რატიფიკაცია, GDPR- ის და კონვენციის დებულებების შესაბამისი პერსონალურ მონაცემთა დაცვის შესახებ კანონის მიღება და ეფექტიანი  აღსრულება, ადამიანის უფლებებსა და შეპირისპირებულ ინტერესთა შორის ბალანსის უზრუნველყოფა განიხილება ცვლილების მამოძრავებელ ფაქტორებად, რომლებიც  გააძლიერებს საჯარო და კერძო სექტორებში მონაცემთა დაცვის ეფექტურობას, სახელმწიფო ინსპექტორის უფლებამოსილებებს, ასოცირების შეთანხმებისა და ადამიანის უფლებათა სტრატეგიის პრიორიტეტების განხორციელებას.

 

 

/public/upload/Analysis/GEO - brief_overview_of_recent_developments_in_the_field_of_personal_data_protection.pdf

სხვა მასალები ამ თემაზე
სიახლეები

მედიის ადვოკატირების კოალიციის განცხადება

23.05.2025

შპს პარმას მიერ უკონკურენტოდ მოგებული თბილისის მერიისა და გამგეობების ტენდერები

20.05.2025

სამოქალაქო საზოგადოების ორგანიზაციებმა 2024 წლის ნოებრიდან ჩადენილი ადამიანის უფლებების მძიმე და სისტემური დარღვევების შესახებ დოკუმენტირების ანგარიში წარადგინეს

14.05.2025

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025
განცხადებები

მედიის ადვოკატირების კოალიციის განცხადება

23.05.2025

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025

სამოქალაქო საზოგადოების ორგანიზაციების განცხადება ევროპის დღესთან დაკავშირებით

09.05.2025

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024