IDFI-ს დირექტორის სტატია EBRD-ის სამართლებრივ ჟურნალში

სიახლეები 10 დეკემბერი 2015

მიმდინარე წელს ევროპის რეკონსტრუქციისა და განვითარების ბანკის (EBRD) სამართლებრივი ჟურნალის (Law In Transition Online 2015) ოქტომბრის ნომერში გამოქვეყნდა ინფორმაციის თავისუფლების განვითარების ინსტიტუტის დირექტორის, გიორგი კლდიაშვილის სტატია სახელწოდებით „ინფორმაციის თავისუფლება საქართველოში: მიღწევები და გამოწვევები“. ჟურნალის აღნიშნული გამოშვების მიზანია ინფორმაციის ხელმისაწვდომობის სტანდარტების მიმოხილვა სამართლებრივი რეფორმების გარდამავალ პროცესში მყოფ აღმოსავლეთ ევროპის ქვეყნებში.


გიორგი კლდიაშვილის სტატიაში საუბარია საქართველოში საჯარო ინფორმაციის ხელმისაწვდომობის მხრივ განხორციელებულ მნიშვნელოვან რეფორმებზე და არსებულ გამოწვევებზე. ბოლო პერიოდში გადადგმულ განსაკუთრებით პროგრესულ ნაბიჯებს შორის სტატიაში მიმოხილულია ისეთი საკითხები როგორიცაა: საჯარო ინფორმაციის პროაქტიულად გამოქვეყნების სტანდარტის შემუშავება, საჯარო ინფორმაციის ელექტრონული ფორმით მოთხოვნის უფლების კანონმდებლობით განმტკიცება, ქონებრივი მდგომარეობის დეკლარაციების წარმდგენ თანამდებობის პირთა წრის გაფართოება, გამარტივებული სახელმწიფო შესყიდვების გამჭვირვალე სისტემის დანერგვა.

 

განსაკუთრებული ყურადღებაა გამახვილებული 2014-2015 წლების განმავლობაში ინფორმაციის თავისუფლების არსებულდავებზე სასამართლოსპრეცედენტულ გადაწყვეტილებებზე, როდესაც წლების განმავლობაში დამკვიდრებული პრაქტიკა ადმინისტრაციული ორგანოების სასარგებლოდ გამოტანილი გადაწყვეტილებებისა შეიცვალა გამჭირვალობისა და ობიექტურობის სასარგებლოდ.


სტატიაში კიდევ ერთხელ არის დადებითად შეფასებული ღია მმართველობის პარტნიორობის (OpenGovernmentPartnership) ფარგლებში საქართველოს მთავრობის მიერ აღებული ვალდებულება შეიმუშაოს ინფორმაციის თავისუფლების შესახებ დამოუკიდებელი საკანონმდებლო აქტი. ხაზგასასმელია, რომ აღნიშნული სამართლებრივი აქტის შემუშავება გათვალიწინებულია ასევე საქართველოს 2015-2016 წლების ანტიკორუფციული სამოქმედო გეგმითა და სტრატეგიით. მოკლედ არის განხილული ინფორმაციის თავისუფლების შესახებ საქართველოს კანონისპროექტიც, რომელიც მომზადებულ იქნა სამუშაო ჯგუფის მიერ ექსპერტებისა და IDFI-ის წარმომადგენლების აქტიური ჩართულობით.

 

განხილულია ისეთი მნიშვნელოვანი ახალი ინსტიტუტის შექმნის ინიციატივა, როგორიც არის ინფორმაციის თავისუფლების კომისიონერი. მნიშვნელოვანია კიდევ ერთხელ აღინიშნოს, რომ საქართველოში მოქმედი ინფორმაციის ხელმისაწვდომობის მარეგულირებელი კანონმდებლობა საერთაშორისო რეიტინგის - RTI მიხედვით 97 ქულით არის შეფასებული და 102 ქვეყანას შორის 32-ე ადგილს იკავებს. ინფორმაციის თავისუფლების შესახებ ახალი კანონის პროექტით გათვალისწინებული საუკეთესო საერთაშორისო პრაქტიკა და გამოცდილება კი უზრუნველყოფს საქართველოს პოზიციის მნიშვნელოვან გაუმჯობესებას აღნიშულ რეიტინგში.

 

სტატია ხელმისაწვდომია ინგლისურ ენაზე

სხვა მასალები ამ თემაზე
სიახლეები

სამუშაო შეხვედრა პედაგოგებთან: მოწყვლადი ჯგუფების საჭიროებების იდენტიფიცირება საქართველოს განათლების სისტემაში, COVID-19 პანდემიის განმავლობაში

29.06.2022

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022
განცხადებები

მიხეილ ჩინჩალაძის მეორე ვადით დანიშვნა ევროპული ინტეგრაციის პროცესს აზიანებს

29.06.2022

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022