1 ივლისს თბილისსა და მის შემოგარენში ანალოგური სიგნალი გამოირთვება

სიახლეები | ვიზუალიზაცია | ინტერნეტი და ინოვაციები | პუბლიკაციები 25 ივნისი 2015

 2015 წელს ანალოგური სიგნალის გამორთვის გრაფიკი მთელი საქართველოს მასშტაბით

 

საქართველო ციფრულ მაუწყებლობაზე ეტაპობრივად გადადის. ანალოგური სიგნალი 1 ივლისს თბილისსა და მის შემოგარენში, რუსთავში, გარდაბანში, მარნეულსა და საგარეჯოში გაითიშება, რასაც მოჰყვება სხვა რეგიონებიც მთავრობის მიერ დადგენილი გრაფიკის შესაბამისად. 25 აგვისტომდე საქართველო ციფრულ მაუწყებლობაზე სრულად გადავა.


ანალოგური სიგნალის გამორთვამდე, 24 ივნისს საქართველოს კომუნიკაციების ეროვნულ კომისიაში გაიმართა შეხვედრა, სადაც პროცესში ჩართულმა ყველა მხარემ წარადგინა ანგარიში არსებული სიტუაციის შესახებ. შეხვედრაში მონაწილეობას იღებდნენ ეკონომიკისა და მგდრადი განვითარების სამინისტროს, ციფრული მაუწყებლობის სააგენტოს, ტელევიზიების, არასამთავრობო სექტორის, რეგიონულ მაუწყბელთა ასოციაციის წარმომადგენლები, GNCC-ის წევრები და სამაუწყებლო ქსელის ოპერატორები. შეხვედრას დაესწრო „ინფორმაციის თავისუფლების განვითარების ინსტიტუტის“ (IDFI) მედიისა და ტელეკომუნიკაციების მიმართულების ხელმძღვანელი უჩა სეთურიც.


შეხვედრაზე იმ კომპანიების წარმომადგენლებმა, რომლებმაც ციფრული სამაუწყებლო ქსელის აგება უნდა უზრუნველყონ, განაცხადეს, რომ ყველა სამუშაო დადგენილი გრაფიკით მიმდინარეობს და სერიოზულ გართულებებს საქსელო დონეზე არ ელოდებიან. ციფრული მაუწყებლობის სააგენტოს ხელმძღვანელის ნინო ქუბინიძის თქმით, სოციალურად დაუცველი მოსახლეობისთვის უკვე დარიგებულია 150 000 მდე სეტ ტოპ ბოქსი - მოწყობილობა, რომელიც ციფრული სიგნალის მისაღებად უერთდება ტელევიზორს.


IDFI-ს ინფორმაციით კი ბაზარზე საცალო ქსელში გატანილია 35 000 ცალამდე სეტ ტოპ ბოქსი და დღიური გაყიდვები ყველაზე მსხვილი იმპორტიორების შემთხვევაში 1800-2000 ცალამდე მერყეობს. ბაზარზე საცალო ქსელში წარმოდგენილია 10-მდე სხვადასხვა ტიპის და ფასის რისივერი. შესაბამისად მომხმარებელს, ვისაც სეტ ტოპ ბოქსი სჭირდება, აქვს საშუალება ანალოგური სიგნალის გამორთვამდე შეიძინოს სასურველი მოდელი და მოემზადოს ციფრულ მაუწყებლობაზე გადასასვლელად.


კომისიაში გამართულ შეხვედრაზევე აღინიშნა, რომ საინფორმაციო კამპანიის გაძლიერების ფარგლებში დაგეგმილია დამატებითი სახსრების გამონახვა და საკომუნიკაციო საშუალებების გააქტიურება უახლოესი ორი თვის ფარგლებში.

 

სხვა მასალები ამ თემაზე
სიახლეები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

მანიფესტანტების მასიური თვალთვალი და პერსონალურ მონაცემთა დაცვის სამსახურის არასათანადო რეაგირება

15.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

საიამ, IDFI-მ და უფლებები საქართველომ ეუთოს ვენის მექანიზმს წერილობითი ინფორმაცია წარუდგინეს

10.04.2025
განცხადებები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

არალეგიტიმური მთავრობა ქართველი ხალხის დევნის აქტს იღებს

08.04.2025

ვეხმიანებით დიდი ბრიტანეთის მიერ გავლენიან მოსამართლეთა დასანქცირებას მართლმსაჯულებით ვაჭრობისთვის

04.04.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024