ცვლილებები საქართველოს პარლამენტის რეგლამენტში

სიახლეები | ღია მმართველობის პარტნიორობა | სტატია 24 მაისი 2016

4 თვიანი მუშაობის შედეგად საქართველოს პარლამენტის ღია და გამჭვირვალე მმართველობის მუდმივმოქმედმა საბჭომ და მასთან არსებულმა საკონსულტაციო ჯგუფმა შეიმუშავეს პარლამენტის რეგლამენტის ცვლილებების პროექტი. კანონპროექტის მიზანია ხელი შეუწყოს საპარლამენტო საქმიანობაში მოქალაქეების ჩართულობას და გააძლიეროს პარლამენტის გამჭვირვალობა და ანგარიშვალდებულება. რეგლამენტის ცვლილებების პროექტი შემუშავდა საქართველოს ღია პარლამენტის 2015-2016 წლების სამოქმედო გეგმის საფუძველზე.


ინფორმაციის თავისუფლების განვითარების ინსტიტუტი (IDFI), როგორც საკონსულტაციო ჯგუფის თავმჯდომარე, აქტიურად იყო ჩართული ამ პროცესში. კერძოდ, IDFI-მ, საქართველოს ღია პარლამენტის სამოქმედო გეგმის სამ ვალდებულებაზე დაყრდნობით, შეიმუშავა რეგლამენტში შესატანი ცვლილებები. ეს ვალდებულებებია:


1. კანონპროექტებზე კომენტარის (ელექტრონულად და/ან წერილობით) დატოვების შესაძლებლობა (ვალდებულება 1.1.); 2. პარლამენტისთვის საკანონმდებლო წინადადებისა და საკანონმდებლო ინიციატივის ელექტრონული სახით წარდგენის და მოქალაქეთა მხრიდან მხარდაჭერის მექანიზმის დანერგვა პარლამენტის ვებგვერდის მეშვეობით (ვალდებულება 1.2.) და 3. პარლამენტის ვებგვერდზე დოკუმენტების ადვილად დასამუშავებელ ფორმატში განთავსება (ვალდებულება 3.1.).

 

აღნიშნული ვალდებულებები, ისევე, როგორც ღია და გამჭვირვალე მმართველობის მუდმივმოქმედი საპარლამენტო საბჭოს შექმნის იდეა, ღია პარლამენტის სამოქმედო გეგმაში ინიცირებულია IDFI-ის მიერ.

 

IDFI-ის მიერ შეთავაზებული ცვლილებების მიზანია საქართველოს მოქალაქეებს ჰქონდეთ საკანონმდებლო ინიციატივისა და საკანონმდებლო წინადადების გამარტივებულ რეჟიმში, ელექტრონულად წარდგენისა და მათზე ხელმოწერების შეგროვების შესაძლებლობა, რაც გაუმარტივებს მათ საპარლამენტო საქმიანობასა და საკანონმდებლო პროცესში ჩართულობას.

 

ცვლილებების მიხედვით, დაიხვეწება პარლამენტის ვებგვერდზე დოკუმენტაციის გამოქვეყნების ფორმატი და ვებგვერდზე რეგისტრირებული პირებისთვის შეიქმნება საკანონმდებლო წინადადებასა და საკანონმდებლო ინიციატივაზე კომენტარის დატოვების შესაძლებლობა.


კანონპროექტის მიზანია საქართველოს პარლამენტში დაინერგოს ელექტრონული მმართველობისა და ელექტრონული ჩართულობის თანამედროვე სტანდარტები, გაიზარდოს პარლამენტის ვებგვერდის პოპულარობა, საკანონმდებლო პროცესში ალტერნატივის სახით დაინერგოს ელექტრონული რესურსების გამოყენება და დაინტერესებულ პირებს მიეწოდოს მეტი ინფორმაცია საპარლამენტო საქმიანობის შესახებ.


რეგლამენტში შესატანი ცვლილებების კანონპროექტი შემუშავდა პროექტის „საქართველოს პარლამენტის მხარდაჭერა ღია პარლამენტის სამოქმედო გეგმის განხორციელების პროცესში“ ფარგლებში, რომელსაც ახორციელებს „ინფორმაციის თავისუფლების განვითარების ინსტიტუტი“ (IDFI) და აფინანსებს გაეროს განვითარების პროგრამა (UNDP) და ევროკავშირი (EU).

 

 

/public/upload/Meri/Ammendments to the Law.pdf

 

სხვა მასალები ამ თემაზე
სიახლეები

ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსის გამარჯვებულები გამოვლინდნენ

24.12.2019

კარგი მმართველობის მოდულის მსმენელთა დაჯილდოება

19.12.2019

პროექტს „საჯარო მმართველობის რეფორმის მხარდაჭერა სამოქალაქო მონიტორინგისა და ჩართულობის გზით“ პრეზენტაცია

17.12.2019

კონფერენციის "სახელმწიფო არქივების ღიაობა და მეხსიერების კვლევები" შედეგები

16.12.2019
განცხადებები

კოალიცია საპროკურორო საბჭოს მიერ გენერალური პროკურორის კანდიდატურის შერჩევის პროცესს ეხმიანება

12.01.2020

არასამთავრობო ორგანიზაციები სახელმწიფო ინსპექტორს მოუწოდებენ პროკურატურას წურწუმიას საქმის გადაცემის მოთხოვნით მიმართოს

09.01.2020

არასამთავრობო ორგანიზაციების საგანგებო განცხადება

20.12.2019

არასამთავრობო ორგანიზაციების საგანგებო განცხადება

18.11.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019