PACE-ს დადგენილება საზოგადოების ინტერესების დაცვისა და გამჭვირვალობის სასარგებლოდ

სიახლეები | კანონის უზენაესობა | კარგი მმართველობა | პუბლიკაციები | სტატია 25 ოქტომბერი 2013

 2013 წლის 2 ოქტომბერს, ევროპის საბჭოს საპარლამენტო ასამბლეამ (PACE) საკუთარი დადგენილებით გაიზიარა  სამოქალაქო საზოგადოების მიერ შედგენილი რეკომენდაციათა პაკეტი  ,,ეროვნული უსაფრთხოებისა და ინფორმაციის ხელმისაწვდომობის  უფლების გლობალური პრინციპების შესახებ.“  სარეკომენდაციო პაკეტი 50 მუხლისგან შედგება, მასზე ორწლიანი მუშაობის პროცესი სამხრეთ აფრიკაში, ცვანეში დასრულდა და სახელწოდება ,,ცვანეს პრინციპები“  სიმბოლურად აქედან მომდინარეობს. ცვანეს რეკომენდაციათა პაკეტის შემუშავებაში 70 ქვეყნის 22 საზოგადოებრივი ორგანიზაციის, აკადემიური წრეების 500 მეტი ექსპერტი მონაწილეობდა.

ცვანეს პრინციპების მიღებით, საპარლამენტო ასამბლეა აღიარებს გამჭვირვალობისა და საჯარო ინფორმაციაზე ხელმისაწვდომობის უფლების უპირატეს მნიშვნელობას დემოკრატიისა და ღია მმართველობის, მათ შორის კორუფციის წინააღმდეგ საჭირო ზომების გასატარებლად. აღნიშნული  რეკომენდაციათა პაკეტი საერთაშორისო და ეროვნულ კანონმდებლობებსა და პრაქტიკას ეფუძნება.  ცვანეს პრინციპების გათვალისწინებით  ასამბლეა მოუწოდებს ევროპელ კანონმდებლებს  ტერმინის „ეროვნული უსაფრთხოებისთვის,“ გამოყენებით  შეძლებისდაგვარად არ  მოახდინონ იმ ინფორმაციის საიდუმლოდ კლასიფიცირება, რაც შესაძლოა ან/და უნდა იყოს საჯარო.

წარმოდგენილ პრინციპებს შორის მნიშვნელოვანი ადგილი უკავია ისეთ საკითხებს, როგორიცაა ჟურნალისტთა და მამხილებელთა უფლებების დაცვა, უფლებადამცველთა საქმიანობის მიყურადების წესები, კონფიდენციალური წყაროების დაცვა.  ასამბლეის მიერ მიღებულ რეკომენდაციებში ხაზგასმულია ბიზნესს კომპანიების, მათ შორის სამხედრო და უსაფრთხოების კომპანიების, პასუხისმგებლობა ინფორმაციის გაცემასთან მიმართებაში, თუ ეს ინფორმაცია პირდაპირ კავშირშია ადამიანის უფლებების დაცვასთან. ასამბლეის გადაწყვეტილება, იცავს ჟურნალისტთა უფლებას ინფორმაციის კონფიდენციალური წყაროს გამჟღავნებასთან მიმართებაში, მათ შორის  როდესაც ინფორმაციას მოპოვებულია საიდუმლო წყაროებიდან ან მიყურადების შედეგად.

PACE-ს რეკომენდაცია აღნიშნავს, რომ დემოკრატიულ საზოგადოებაში ინფორმაციის საჯაროობის შეზღუდვა ეროვნული უსაფრთხოების მიზნით, კანონმდებლობით გათვალისწინებული ფარგლების დაცვით უნდა  რეგულირდებოდეს; ინფორმაციის გაცემაზე პასუხისმგებელი პირების  ვალდებულებები უნდა იყოს გარკვეული; დასაშვებია ინფორმაციის დახურვა ეროვნული უსაფრთხოების გათვალისწინებით, თუმცა პერიოდულად უნდა ხდებოდეს ამ ინფორმაციის გადახედვა მინიჭებული სტატუსის (გრიფის) აქტუალობის დასადგენად. 

იხილეთ ევროპის საბჭოს საპარლამენტო ასამბლეის დადგენილების სრული ტექსტი

 

წყარო: EuropeanVoice

სხვა მასალები ამ თემაზე
სიახლეები

IDFI აზარტული თამაშების წინააღმდეგ ელექტრონული პეტიციის განხილვას დააკვირდება

09.12.2019

რიგით მეორე საერთაშორისო კონფერენცია - სახელმწიფო არქივების ღიაობა და მეხსირების კვლევები

06.12.2019

საპროცესო შეთანხმების შესახებ კანონმდებლობისა და პრაქტიკის ანალიზის პრეზენტაცია

04.12.2019

კარგი მმართველობის ფორუმი (GGF)

30.11.2019
განცხადებები

არასამთავრობო ორგანიზაციების საგანგებო განცხადება

18.11.2019

არასამთავრობო ორგანიზაციათა საგანგებო განცხადება

14.11.2019

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019