რა საკითხებს მოიცავს საქართველოსა და ევროკავშირს შორის ასოცირების შესახებ შეთანხმება?

სიახლეები | კორუფციასთან ბრძოლა | პუბლიკაციები | სტატია 27 ივნისი 2014

დღეს საქართველოსა და ევროკავშირს შორის ასოცირების შესახებ შეთანხმებას მოეწერა ხელი. მხარეებს შორის აღნიშნული ხელშეკრულების ტექსტზე მუშაობა თითქმის სამი წელი მიმდინარეობდა, თუმცა ბუნებრივია ის ძალში ხელმოწერისთანავე ვერ  შევა. ასოცირების შესახებ შეთანხმება საერთაშორისო ხელშეკრულებას წარმოდგენს, შესაბამისად მისი  რატიფიცირება უნდა მოხდეს  ერთი მხრივ, საქართველოს პარლამენტის, ხოლო მეორე მხრივ, ევროკავშირის წევრი ქვეყნებსა და ევროპარლამენტის მიერ.

 

უდავოა, რომ ასოცირების შესახებ ხელშეკრულება ისტორიული მნიშვნელობის მატარებელია ჩვენი ქვეყნისთვის. შესაბამისად მნიშვნელოვანია ყველა მოქალაქე ინფორმირებული იყოს იმ ძირითადი საკითხების შესახებ, რომლებსაც შეთანხმება მოიცავს. უპირველეს ყოვლისა ხელშეკრულებაში საუბარია ევროკავშირის მიერ ისეთი პრინციპების პატივისცემაზე, როგორიც არის ადამიანის უფლებების დაცვა, თავისუფალი ვაჭრობა, კანონის უზენაესობა, კარგი მმართველობა, კორუფციასთან ბრძოლა და ა.შ. სხვათა შორის, ხაზგასმულია სახელმწიფო მმართველობის გამჭვირვალობის, ანგარიშვალდებულებისა და აქტიური სამოქალაქო საზოგადოების არსებობის მნიშვნელობა. მხარეები თანხმდებიან განაგრძონ თანამშრომლობა საჯარო მართველობის რეფორმირების, ეფექტიანი, ქმედითი და გამჭვირვალე პროფესიონალური საჯარო სამსხურის შექმნის მიზნით.

 

პოლიტიკური დიალოგისა და რეფორმის ფარგლებში ევროკავშირი აღიარებს საქართველოს ტერიტორიულ მთლიანობას და კვლავაც მზადყოფნას გამოთქვამს დაეხმაროს ქვეყანას კონფლიქტების მოგვარებაში. სტაბილურობა და უსაფრთხოება  მეზობელ სახელმწიფოებში ევროკავშირის ერთ–ერთ პრიორიტეტს წარმოადგენს. 

 

ასოცირების შესახებ ხელშეკრულების უმნიშვნელოვანესი ნაწილი ღრმა და ყოვლისმომცველი თავისუფალი სავაჭრო სივრცის შესახებ შეთანხმებაა. აღნიშნულის საბოლოო მიზანი საქართველოსთვის ევროკავშირში მოქმედ ისეთ თავისუფლებებზე წვდომაა, როგორიც არის საქონლის, მომსახურების და კაპიტალის თავისუფალი გადაადგილება. თავისუფალი სავაჭრო ზონის შექმნის შედეგად  გაუქმდება საბაჟო გადასახადები იმპორტზე, რაც საბოლოო ჯამში გაზრდის საქართველოს ეკონომიკას.

 

ასოცირების შესახებ ხელშეკრულება დეტალურად არ აწესრიგებს ევროკავშირის წვერ ქვეყნებსა და საქართველოს შორის უვიზო მიმოსვლის საკითხებს. აღნიშნული  საქართველოსა და ევროკავშირის შორის ვიზების გაცემის პროცედურის გამარტივების შესახებ ხელშეკრულების საგანია. უდავოა, მანამ სანამ უვიზო მიმოსვლა გახდება შესაძლებელი უნდა მოხდეს საქართველოს კანონმდებლობისა და პრაქტიკის შესაბამისობაში მოყვანა ევროკავშირის მოთხოვნებთან, მათ შორის ეფექტური საიმიგრაციო პოლიტიკის შექმნის გზით, სწორედ ამიტომ ასოცირების ხელშეკრულება ყურადღებას ამახვილებს მხარეთა თანამშრომლობაზე მიგრაციისა და საზღვრის დაცვის სფეროებში.

 

უყურადღებოდ არ უნდა დარჩეს ევროკავშირის მზადყოფნა დაეხმაროს საქართველოს ისეთი სფეროების რეფორმირებასა და განვითარებაში როგორიც არის დასაქმება, სოციალური პოლიტიკა და ჯანდაცვა, რეგიონული განვითარება, თანამშრომლობა ენერგეტიკისა და გარემოს დაცვის სფეროებში, სოფლის მეურნეობის ხელშეწყობა, ტურიზმის განვითარება და სხვა. 

 

ხელშეკრულებაში ნათლად არის დაფიქსირებული ევროკავშირის მზადყოფნა ფინანსური დახმარება გაუწიოს საქართველოს სხვადასხვა რეფორმის დაგეგმვისა და განხორციელების მიზნით. აღსანიშნავია რომ 2011-2013 წებში საქართველოს ევროკავშირისგან დახმარების სახით 180 მლნ ევრო გამოეყო.

 

უნდა ითქვას, რომ  ხელშეკრულება საკმაოდ ზოგადი ხასიათის არის და ეხება სახელმწიფო მმართველობის ბევრ მნიშვნელოვან საკითხს, მხარეთა მიერ განსახორციელებელი კონკრეტული ქმედებები კი  შესაბამის სამოქმედო გეგმაში იქნება გაწერილი. აქვე ხაზგასასმელია ის, რომ ასოცირების შესახებ შეთანხმების  ხელმოწერა ჯერ კიდევ არ ნიშნავს ევროკავშირის წევრობის შეუქცევადი პროცესის დაწყებას. სწორედ, ამიტომ მნიშვნელოვანია საქართველომ არ დაიშუროს ძალ–ღონე ხელშეკრულებაში მითითებული კონკრეტული სფეროების შემდგომი რეფორმირებისათვის.

სხვა მასალები ამ თემაზე
სიახლეები

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022

სამუშაო შეხვედრა ღია მონაცემების ხელმისაწვდომობის გასაუმჯობესებლად საქართველოს საჭიროებებისა და საერთაშორისო კარგი პრაქტიკის შესახებ

22.11.2022

საქართველოს გამოწვევები ღია მონაცემების მართვის კუთხით და საერთაშორისო კარგი პრაქტიკა

22.11.2022

IDFI-ს წარმომადგენლებმა შიდა ქართლში მუშაობის შედეგები წარადგინეს

21.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022