IDFI: მკვლელობის მაჩვენებელმა 2006 წლის შემდეგ ყველაზე მაღალ ნიშნულს 2007 წელს მიაღწია

IDFI მედიაში 28 ნოემბერი 2014

მკვლელობის შემთხვევების მაჩვენებელმა ყველაზე მაღალ ნიშნულს 2007 წელს მიაღწია, როდესაც საქართველოს მასშტაბით აღნიშნული დანაშაულის 249 შემთხვევა დარეგისტრირდა, - მკვლელობების სტატისტიკას საქართველოში „ინფორმაციის თავისუფლების განვითარების ინსტიტუტი" (IDFI) შინაგან საქმეთა სამინისტროდან მიღებული საჯარო ინფორმაციის საფუძველზე ავრცელებს.


როგორც ორგანიზაცია წერს, მომდევნო წლებში მაჩვენებელი ეტაპობრივად იკლებდა და 2011 წელს საქართველოში 90 ადამიანი მოკლეს.


„2012 წელს კვლავ შეინიშნება აღნიშნული დანაშაულის მატების ტენდენცია, როდესაც 2011 წელთან შედარებით 13 შემთხვევით იმატა. სამწუხაროდ, შეუძლებელია, მოცემული ტენდენციის უტყუარი შეფასება 2013–2014 წლებისთვის იქიდან გამომდინარე, რომ ინფორმაცია ხელმისაწვდომია მხოლოდ მოცემული წლების პირველი 10 თვის მდგომარეობით, თუმცა აღნიშნული მონაცემებით, შესაძლებელია გარკვეული დასკვნების გამოტანა ქვეყნის მასშტაბით დაფიქსირებული მკვლელობების შესახებ. მაგალითად, 2013 წლის 10 თვის განმავლობაში დაფიქსირებულია დაახლოებით იმავე ოდენობის მკვლელობის შემთხვევა, რაც 2012 წლის განმავლობაში სრულად. აღნიშნულიდან გამომდინარე, შეიძლება დავასკვნათ, რომ 2013 წელს, 2012 წელთან შედარებით, მკვლელობების რაოდენობა გაიზრდებოდა. განსხვავებული მდგომარეობაა 2014 წლის შემთხვევაში, როდესაც 2013 წლის ანალოგიურ პერიოდთან შედარებით 2014 წელს დაფიქსირებული მკვლელობების რაოდენობა შემცირებულია 20 ერთეულით“, - ვკითხულობთ IDFI-ის განცხადებაში.

 

განსხვავებული სურათი შეინიშნება მკვლელობის მცდელობასთან დაკავშირებით. კერძოდ, როგორც ეს ქვემოთ მოცემულ გრაფიკზეა ასახული 2007 წლიდან 2010 წლამდე შეინიშნება მკვლელობის მცდელობის შემთხვევების კლებადი ტენდენცია. 2010 წლიდან 2012 წლამდე ის კვლავ ეტაპობრივად იმატებდა. რაც შეეხება 2013 და 2014 წლებს 10 თვის მონაცემებით შეიძლება დავასკვნათ, რომ აღნიშნული ხასიათის დანაშაულის შემთხვევები წინა წლებთან შედარებით მნიშვნელოვნად შემცირებულია.


ორგანიზაციის თქმით, როგორც ამას მოწოდებული ინფორმაცია ცხადყოფს, მკვლელობის შემთხვევათა გახსნის ყველაზე მაღალი პროცენტული მაჩვენებელი 2013 და 2014 წლების საწყისი 10 თვის განმავლობაში ფიქსირდება.


საქართველოს შინაგან საქმეთა სამინისტროდან მიღებული მონაცემებიდან დგინდება, რომ თბილისში რეგისტრირებული მკვლელობის ისევე, როგორც მკვლელობის მცდელობის მაჩვენებელი, არის საგრძნობლად მაღალი ყველა სხვა რეგიონში არსებულ დანაშაულის მაჩვენებელთან შედარებით. 2006-2014 წლებში თბილისში სულ ფიქსირდება 436 მკვლელობისა და 1121 მკვლელობის მცდელობის შემთხვევა (აღნიშნულ მონაცემებში 2013 და 2014 წლის მონაცემები შესულია მხოლოდ 8 თვის მდგომარეობით).

 

იხილეთ ბმული

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022