საჯარო კონსულტაციები ღია მმართველობა საქართველოს 2016-2017 წლების სამოქმედო გეგმის შესამუშავებლად

სიახლეები | პუბლიკაციები | ღია მმართველობის პარტნიორობა | სტატია 8 აპრილი 2016

7-8 აპრილს ოზურგეთსა და ბათუმში გაიმართა საჯარო კონსულტაციები ღია მმართველობა საქართველოს რიგით მესამე სამოქმედო გეგმის (2016-2017) შემუშავების მიზნით.


მონაწილეებს შორის იყვნენ მუნიციპალიტეტის, არასამთავრობო ორგანიზაციების, მედიის წარმომადგენლები და სტუდენტები. ისინი გაეცნენ ღია მმართველობის პარტნიორობის (Open Government Partnership, OGP) მიზნებს და წამოაყენეს სამოქმედო გეგმაში შესატანი ინიციატივები.


ინფორმაციის თავისუფლების განვითარების ინსტიტუტის (IDFI) ანალიტიკოსმა თამარ ნადიბაიძემ ისაუბრა OGP-ში ინტიტუტის ჩართულობაზე და დამსწრეებს გააცნო IDFI-ის რეკომენდაციები (იხილეთ ბმული).


კონსულტაციების დროს მონაწილეებმა ისაუბრეს მონაწილეობითი ბიუჯეტირების დანერგვის აუცილებლობაზე. მათი თქმით, სამოქალაქო ჩართულობის გასაზრდელად საჭიროა მოსახლეობის ცნობიერების ამაღლება და ადგილობრივი წარმომადგენლობითი ორგანოს ვებ-გვერდის სისტემატიური, დროული განახლება.

 

დამსწრე მოქალაქეებმა მრავალი ინიციატივა გამოთქვეს, მათ შორის:

 

  • კულტურული მემკვიდრეობის ძეგლების ერთიანი ბაზის შექმნა, რაც მოიცავს ინფორმაციას იმის შესახებ, თუ როგორ უვლის სახელმწიფო აღნიშნულ ძეგლებს;
  • სამშენებლო ნებართვებისთვის ერთიანი პორტალის შექმნა, სადაც განთავსდება ინფორმაცია კონკურსების, რეკონსტრუქციების და ნებართვის მიღების პროცესის შესახებ;
  • სამთავრობო უწყებების ვებ-გვერდებზე ონლაინ ოპერატორის დახმარების დამატება;
  • სასამართლო და ადმინისტრაციულ ორგანოებში საქმისწარმოების შესახებ პერსონალური ინფორმაციის მიღება ერთ პორტალზე საიდენტიფიკაციო ბარათის/სპეციალური კოდის მეშვეობით;
  • სახელმწიფო და კერძო დაზღვევის მომსახურების ერთ პორტალში თავმოყრა, დაზღვევის მიღებისთვის საჭირო პროცედურების გაწერა და პროვაიდერების ჩამონათვალის განთავსება;
  • აჭარის მთავრობის დოკუმენტების სრული გაციფრულება და დოკუმენტებზე წვდომის უზრუნველყოფა.


დაფიქსირებული მოსაზრებები და ინიციატივები შესაბამის სახელმწიფო უწყებებს გაეგზავნებათ, რომლებიც იმსჯელებენ მათი შესრულების შესაძლებლობაზე. მსჯელობის დროს უპირატესობა მიენიჭება მოქალაქეთა ისეთ ინიციატივებს, რომლებიც შეესაბამება OGP-ის 4 ძირითად პრინციპს:


1. ადგილობრივი და ცენტრალური მმართველობის ღიაობა;
2. ხელისუფლების წარმომადგენლების ანგარიშვალდებულება;
3. მოქალაქეთა ჩართულობა გადაწყვეტილების მიღების პროცესში;
4. და საჯარო სერვისების ინოვაციური და ტექნოლოგიური განვითარება.

 

საჯარო კონსულტაციები მაისის ბოლომდე გაგრძელდება და მოიცავს საქართველოს ყველა რეგიონს. რეგიონებში მოსახლეობასთან შეხვედრები ხორციელდება აშშ-ს განვითარების სააგენტოს „კარგი მმართველობის ინიციატივის“ (USAID/Georgia Good Governance Initiative) მხარდაჭერით.


ღია მმართველობის პარტნიორობა (Open Government Partnership, OGP) 2011 წელს შექმნილი საერთაშორისო ინიციატივაა, რომლის წევრი ქვეყნებიც იღებენ ვალდებულებას ებრძოლონ კორუფციას, დანერგონ ახალი ტექნოლოგიები მმართველობით პროცესში და უზრუნველყონ გამჭვირვალობა და მოქალაქეთა მეტი ჩართულობა.


საქართველო OGP-ს 2011 წელს შეუერთდა და უკვე რიგით მესამე სამოქმედო გეგმაზე მუშაობს. ამ პროცესს წინ უძღვება ღია მმართველობა საქართველოს ფორუმი, რომლის თანა-თავმჯდომარე ორგანიზაციაც არის ინფორმაციის თავისუფლების განვითარების ინსტიტუტი (IDFI).

სხვა მასალები ამ თემაზე
სიახლეები

Covid-19 და პასუხისმგებლობის ზომები: კონსტიტუციურობის სისტემური პრობლემა

27.10.2020

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020