„არ არსებობს სახელფასო დანამატის არანაირი ლიმიტი, არც არანაირი პრინციპი, რის გამო შეიძლება, გაიცეს სახელფასო დანამატი“, - განმარტავს „ლიბერალთან“ საუბარში ინფორმაციის თავისუფალი განვითარების ინსტიტუტის (IDFI) აღმასრულებელი დირექტორი გიორგი კლდიაშვილი.

კანონპროექტი მუნიციპალური ორგანოების თანამდებობის პირებზე პრემიების გაცემის შესახებ პარლამენტში საკომიტეტო მოსმენებს გადის, თუმცა კანონპროექტში სახელფასო დანამატის შესახებ არაფერია ნათქვამი.

„ანაზღაურების სისტემა ერთიანი პრინციპით უნდა დარეგულირდეს, კანონში გაიწეროს, როგორი უნდა იყოს ის საჯარო სამსახურში. დანამატები არც ერთი დოკუმენტით დარეგულირებული არ არის. მთავრობა და უწყებები დანამატის გაცემის საკითხს თავისით აწესებენ და ეს პრობლემად რჩება. მაგალითისთვის, სახელფასო დანამატი შეიძლება, გაიცემოდეს ნამსახურევი წლების, ოჯახის მდგომარეობის მიხედვით, ვთქვათ თუ 10 შვილი გყავს. კონკრეტული წესი არ გვაქვს. არსებობს საჯარო სამსახურის რეფორმის კონცეფცია, USAID-ის მხარდაჭერილი პროგრამა, რომელზეც 1 წლის განმავლობაში მთავრობასთან ერთად ექსპერტები და არასამთავრობო ორგანიზაციები ვმუშაობდით. დაიწერა მთლიანი კონცეფცია. მათ შორის იყო ანაზღაურების სისტემაც. დანამატი ეს არის ანაზღაურების სისტემის შემადგენელი ნაწილი. ჩვენი რეკომენდაცია იყო, რომ შემოიღონ ანაზღაურების სისტემის ერთიანი სტანდარტი, ეს იქნება თვითმმართველობა, სსიპ თუ სამინისტრო“, - აცხადებს გიორგი კლდიაშვილი.

იხილეთ ბმული