ღია მმართველობა საქართველოს მეორე ფორუმი

სიახლეები | პუბლიკაციები | ღია მმართველობის პარტნიორობა | სტატია 11 თებერვალი 2014

5 თებერვალს იუსტიციის სამინისტროში “ღია მმართველობა საქართველოს” რიგით მეორე ფორუმი შედგა. შეხვედრას ესწრებოდნენ როგორც საჯარო, ასევე ქართული და საერთაშორისო არასამთავრობო სექტორის წარმომადგენლები. “ღია მმართველობა საქართველოს” ფორუმი საკოორდინაციო-საკონსულტაციო მექანიზმია, რომელიც მონაწილეობს სამოქმედო გეგმის შემუშავებასა და აღებული ვალდებულებების შესრულების მონიტორინგში.

 

შეხვედრაზე განხილული იქნა რამდენიმე საკითხი; ის ძირითადად მიეძღვნა სამოქმედო გეგმის შემუშავებასთან დაკავშირებულ დაგეგმილ ღონისძიებებს. კონკრეტულად კი მონაცემთა გაცვლის სააგენტოს წარმომადგენელმა, Twinning-ის პროგრამის ექსპერტმა ისაუბრა www.data.gov.ge პორტალზე და ვორქშოფზე, რომელიც 29-30 იანვარს გაიმართა; ერთ-ერთი ძირითადი განსახილველი თემა იყო ინფორმაციის თავისუფლების ახალი კანონი და ინფორმაციის თავისუფლების კომისარის ინსტიტუტის შექმნა, რაც აღიარებულია მთავრობის მიერ აღებულ ერთ-ერთ უმნიშვნელოვანეს ვალდებულებად. ფონდი ღია საზოგადოება – საქართველოს წარმომადგენელმა, ვაკო ნაცვლიშვილმა ისაუბრა ინფორმაციის თავისუფლების კანონის შემუშავების პროცესზე.

 

მონაწილეებმა იმსჯელეს ინფორმაციის პროაქტიულად გამოქვეყნების დამკვიდრებულ პრაქტიკაზე და ქართული საჯარო უწყებების მიერ ამ კუთხით გაწეულ მუშაობაზე. ასევე განხილული იქნა OGP-ს გვერდის ბანერის იუსტიციის სამინისტროს ვებგვერდის მთავარ გვერდზე განთავსების საკითხი და მოქალაქეთა საჯარო კონსულტაციებში ეფექტური ჩართვის გზები. ფორუმზე გამოითქვა მოსაზრებები, თუ რა სახით უნდა მიეწოდოს მოსახლეობას შემუშავებული სამოქმედო გეგმა და რა სახით უნდა გამოხატოს საკუთარი კომენტარი, კრიტიკა თუ მოსაზრება მოქალაქემ. საქართველოს მთვრობის სამოქმედო გეგმის ირგვლივ საჯარო კონსულტაციების ჩატარების თარიღად დასახელდა 15 მარტიდან 10 აპრილამდე პერიოდი.

 

იუსტიციის სამინისტროს ანალიტიკურმა დეპარტამენტმა შეხვედრის მონაწილეებს გააცნო სამოქმედო გეგმით აღებული ვალდებულებების სამუშაო ვარიანტი.შეხვედრა დასრულდა ფორუმის თანა-თავმჯდომარეების არჩევით. მთავრობის მხრიდან არჩეული იქნა რუსუდან მიხელიძე – იუსტიციის სამინისტროს ანალიტიკური დეპარტამენტის ხელმძღვანელი, სამოქალაქო საზოგადოების მხრიდან – ინფორმაციის თავისუფლების განვითარების ინსტიტუტის დირექტორი გიორგი კლდიაშვილი. თანა-თავმჯრომარეები არჩეულნი არიან სამოქმედო გეგმის იმპლემენტაციის ვადით (ორი წლით).

მომდევნო შეხვედრაზე (რომელიც 5 მარტს გაიმართება), ინფორმაციის თავისუფლების ინსტიტუტი წარმოადგენს ანგარიშს საჯარო დაწესებულებების მიერ ინფორმაციის პროაქტიულად გამოქვეყნებასთან დაკავშირებით. ასევე, ფორუმში მონაწილე არასამთავრობო ორგანიზაციებმა აიღეს ვალდებულება, მოამზადონ რეკომენდაციების პაკეტი მოსახლეობასთან კონსულტაციის სტრატეგიის შემუშავებისთვის და შესთავაზონ ფორუმს სამოქმედო გეგმის საკუთარი ხედვა.

სხვა მასალები ამ თემაზე
სიახლეები

საქართველოს უზენაესი სასამართლოს ინსტიტუციური და სამართლებრივი ჩარჩოს შესახებ ანგარიშის პრეზენტაცია

23.01.2020

ღია მონაცემების პლატფორმის - WWW.DATA.GOV.GE-ის განვითარების გეგმები და პერსპექტივები

21.01.2020

ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსის გამარჯვებულები გამოვლინდნენ

24.12.2019

კარგი მმართველობის მოდულის მსმენელთა დაჯილდოება

19.12.2019
განცხადებები

არასამთავრობო ორგანიზაციების ერთობლივი განცხადება

21.01.2020

კოალიცია დამოუკიდებელი ინსპექტორის შერჩევის პროცესის მიმდინარეობას უარყოფითად აფასებს

19.01.2020

კოალიცია საპროკურორო საბჭოს მიერ გენერალური პროკურორის კანდიდატურის შერჩევის პროცესს ეხმიანება

12.01.2020

არასამთავრობო ორგანიზაციები სახელმწიფო ინსპექტორს მოუწოდებენ პროკურატურას წურწუმიას საქმის გადაცემის მოთხოვნით მიმართოს

09.01.2020
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019