2010 წელს გამოქვეყნდა გაერთიანებული ერების ორგანიზაციის მიერ ჩატარებული კვლევა "ელექტრონული მთავრობა 2010". კვლევაში ასახულია ელექტრონული მთავრობის მნიშვნელობა და როლი გლობალური ეკონომიკური და ფინანსური კრიზისის პირობებში, ასახულია განვითარების დინამიკა და პერსპექტივები. კვლევის მიხედვით ელექტრონული მთავრობის განვითარების ინდექსით (E–Government Development Index) მსოფლიოს პირველი სამეული გამოიყურება შემდეგნაირად: 1. კორეის რესპუბლიკა, 2. აშშ, 3. კანადა. წამყვან ოცეულში პოსტსაბჭოთა ქვეყნებიდან მოხვდა მხოლოდ ესტონეთი, რომელმაც რეიტინგში მე-20 ადგილი დაიკავა. ელექტრონული ჩართულობის ინდექსის მიხედვით (E–Participation Index) მსოფლიოს პირველი სამეულია კორეის რესპუბლიკა, ავსტრალია და ესპანეთი. წამყვან ოცეულში სამი პოსტსაბჭოთა ქვეყნა მოხვდა ესტონეთი (მე-9 ადგილი), ყაზახეთი (მე-18 ადგილი) და ლიტვა (მე-19 ადგილი). საქართველომ ელექტრონული მთავრობის განვითარების ინდექსით მსოფლიოს 192 ქვეყანას შორის მხოლოდ მე-100 ადგილი დაიკავა, ამ მაჩვენებლით პოსტსაბჭოთა ქვეყნებს შორის საქართველო მხოლოდ 3 ქვეყანას უსწრებს (სომხეთი 110-ე, ტაჯიკეთი 122-ე და თურქმენეთი 130-ე). საქართველო ასევე მე-100 ადგილს იკავებს ონლაინ სერვისის და მისი კომპონენტების (Online service index)  რეიტინგში, სატელეკომუნიკაციო ინფრასტრუქტურის  განვითარების  ინდექსით (Telecommunication infrastructure index) საქართველო მხოლოდ 115-ე ადგილზეა. ადამიანური რესურსების პოტენციალის (Human capital index) ინდექსით საქართველო 52-ე ადგილს იკავებს 190 ქვეყანას შორის. ყველაზე დაბალი მაჩვენებელი კი საქართველოს ელექტრონული ჩართულობის (E-participation index)  რეიტინგში აქვს (127-ე ადგილი).

სრული მოხსენება შეგიძლიათ იხილოთ შემდეგ ბმულზე http://unpan3.un.org/egovkb/en-us/Reports/UN-E-Government-Survey-2010