ღია მმართველობა საქართველოს ფორუმმა 2016-2017 წლების სამოქმედო გეგმის ვალდებულებებზე იმსჯელა

სიახლეები | პუბლიკაციები | ღია მმართველობა და კორუფციასთან ბრძოლა | სტატია 15 მარტი 2016

საქართველოს იუსტიციის სამინისტროში 2016 წლის 2 მარტს, „ღია მმართველობა საქართველოს“ ფორუმის მეჩვიდმეტე სამუშაო შეხვედრა გაიმართა. შეხვედრას ფორუმის წევრი საჯარო უწყებები, არასამთავრობო და საერთაშორისო ორგანიზაციები ესწრებოდნენ. შეხვედრაში, ასევე, მონაწილეობა მიიღეს ,,ინფორმაციის თავისუფლების განვითარების ინსტიტუტის” (IDFI) წარმომადგენლებმა, მათ შორის დირექტორმა გიორგი კლდიაშვილმა, პროექტის კოორდინატორმა საბა ბუაძემ და საპარლამენტო მდივანმა დავით მაისურაძემ. შეხვედრას გაუძღვნენ ფორუმის თანამომხსენებლები ზურაბ სანიკიძე, საქართველოს იუსტიციის სამინისტროს ანალიტიკური დეპარტამენტის უფროსი და IDFI-ის დირექტორი, გიორგი კლდიაშვილი.


შეხვედრაზე მონაწილეებმა ძირითადად განიხილეს 2016-2017 წლების ღია მმართველობის პარტნიორობის სამოქმედო გეგმის შესაძლო ვალდებულებები და ფორუმის ახალი მონაწილეების დამატების საკითხი.


ღია მმართველობა საქართველოს 2016-2017 წლების სამოქმედო გეგმის შესაძლო ვალდებულებებად დასახელდა საჯარო სამსახურის ბიუროს თანამდებობის პირთა ქონებრივი დეკლარაციების მონიტორინგის სისტემის დანერგვა, შინაგან საქმეთა სამინისტროს არქივში დაცული დოკუმენტების ელექტრონული ანბანურ-სახელობითი და თემატური კატალოგების შექმნა, სსიპ „112“-ის მობილური აპლიკაციის შექმნა, ფინანსთა სამინისტროს საბიუჯეტო პროცესთან დაკავშირებით საზოგადოების ინფორმირების ეფექტური მექანიზმის ჩამოყალიბება, პირადობის ელექტრონული მოწმობის ფუნქციონალური დახვეწა, გენეალოგიის კვლევის სისტემის შექმნა, მომხმარებლის ხმის პროექტის ფარგლებში ონლაინ აპლიკაციის შექმნა და სხვა ვალდებულებები.


ამავდროულად შეხვედრის მონაწილეებმა იმსჯელეს ისეთ საკითხებზე როგორიცაა ღია მმართველობა საქართველოს 2016-2017 წლების სამოქმედო გეგმის შემუშავების მიზნით ჩასატარებელი საჯარო კონსულტაციების დაგეგმვა და განიხილეს 2014-2015 წლების სამოქმედო გეგმის ბოლო ორი თვის მონიტორინგის შედეგები.


ღია მმართველობა საქართველოს ფორუმის წევრებს აქვთ შესაძლებლობა, რომ 14 მარტის ჩათვლით წარმოადგინონ ახალი ვალდებულებები და მოითხოვონ ფორუმის წევრებად ახალი უწყებების დამატება.


საქართველომ „ღია მმართველობა საქართველოს“ მესამე სამოქმედო გეგმა „ღია მმართველობის პარტნიორობას“ 2016 წლის ივნისის ბოლოს უნდა წარუდგინოს.

სხვა მასალები ამ თემაზე
სიახლეები

ცენტრალურ აზიამდე თუ რუსეთში? - ავტომობილების რეექსპორტის რეკორდული ზრდა

30.07.2025

უვიზო მიმოსვლისათვის საფრთხის შექმნაზე პასუხისმგებელი სრულად ივანიშვილის ხელისუფლებაა

16.07.2025

ICT სექტორის გავლენა ეკონომიკური ზრდის მაჩვენებლებზე

10.07.2025

„საერთო სასამართლოების შესახებ” საქართველოს ორგანულ კანონში შეტანილი ცვლილებები სასამართლო სისტემის საზოგადოებისადმი ანგარიშვალდებულებას სრულად გამორიცხავს

27.06.2025
განცხადებები

უვიზო მიმოსვლისათვის საფრთხის შექმნაზე პასუხისმგებელი სრულად ივანიშვილის ხელისუფლებაა

16.07.2025

„საერთო სასამართლოების შესახებ” საქართველოს ორგანულ კანონში შეტანილი ცვლილებები სასამართლო სისტემის საზოგადოებისადმი ანგარიშვალდებულებას სრულად გამორიცხავს

27.06.2025

საქართველოს სამოქალაქო საზოგადოების ორგანიზაციების განცხადება წამების მსხვერპლთა მხარდაჭერის საერთაშორისო დღესთან დაკავშირებით

26.06.2025

მედიის ადვოკატირების კოალიციის განცხადება

03.06.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024