მთავრობის წევრთა ხელფასების, პრემიებისა და საკომუნიკაციო ხარჯების შესახებ ინფორმაცია საჯარო ხდება

სიახლეები | კარგი მმართველობა | პუბლიკაციები | სტატია 20 დეკემბერი 2010

 

მთავრობის წევრთა ხელფასების, პრემიებისა და საკომუნიკაციო ხარჯების შესახებ ინფორმაცია საჯარო ხდება
    share

 

16 დეკემბერს საჯარო ინფორმაციის ინტერნეტ პორტალი www.opendata.ge გაიხსნა. ვებ გვერდზე განთავსებულია ინფორმაცია სამინისტროების ბიუჯეტების და სარეზერვო ფონდების, სამინისტროების მიხედვით სახელფასო ფონდების, მინისტრებისა და სხვა სახელმწიფო მოხელეთა პრემიების შესახებ. ვებ გვერდზე შესაძლებელია ასევე მთავრობის წარმომადგენლების საკომუნიკაციო და საწვავზე დახარჯული ხარჯების ოდენობისა და საზოგადოებისთვის საინტერესო სხვადასხვა სახის საჯარო ინფორმაციის მოძიებაც. 

ინტერნეტ ბაზაში განთავსებული მასალა ეყრდნობა მხოლოდ თავად სამინისტროების მიერ ოფიციალურად მოწოდებულ ინფორმაციას. მომავალში  ინფორმაციის მოძიების წყარო, გარდა ოფიციალური სტრუქტურებისა, რიგითი მოქალაქეები და არასამთავრობო ორგანიზაციებიც იქნებიან. 

საჯარო ინფორმაციის ვებ პორტალის იდეის ავტორია ახლად შექმნილი არასამთავრობო ორგანიზაცია "ინფორმაციის თავისუფლების განვითარების ინსტიტუტი", რომელიც პროექტს ფონდ "ღია საზოგადოება-საქართველოს" მხარდაჭერით ახორციელებს. 

ვებ გვერდის შექმნის მიზანი ხელისუფლების მხრიდან მოქალაქეების მიმართ ანგარიშვალდებულებისა და პასუხისმგებლობის გაზრდაა. "ეს არის ის ინფორმაცია, რომელზეც ჩვენ როგორც, საქართველოს მოქალაქეებს უნდა მიგვიწვდებოდეს ხელი. ჩვენ გვინდა, რომ ხელი შევუწყოთ სახელმწიფო მოხელეთა საქმიანობის გამჭვირვალობას და  მათი პასუხისმგებლობისა და ანგარიშვალდებულებისა გაზრდას საზოგადოების წინაშე." -ამბობს ქეთი ხუციშვილი, ფონდ "ღია საზოგადოება-საქართველოს" აღმასრულებელი დირექტორი. 

შეხვედრას პარლამენტის წევრები, სამინისტროების, მედიის, არასამთავრობო და საერთაშორისო ორგანიზაციების წარმომადგენლები ესწრებოდნენ. ღონისძიებაზე დასახელდნენ ის სამინისტროები, რომელთაც გამოთხოვილი ინფორმაცია კანონმდებლობით განსაზღვრულ ვადებსა და მოთხოვნის შესაბამისი შინაარსით გასცეს. გაჟღერდა იმ უწყებათა ვინაობაც, რომლებიც პორტალის შემქმნელთათვის დახურულნი აღმოჩნდნენ და რომელთაგან ინფორმაციის მოპოვება ვერ მოხერხდა. 

"მაგალითად, რეინტეგრაციის სამინისტრო გამოჩნდა, როგორც ყველაზე გამჭვირვალე, რადგან მათ არა მხოლოდ სრულყოფილი ინფორმაცია მოგვაწოდეს, არამედ ეს ინფორმაცია კანონით დადგენილ ვადებში მივიღეთ. ვადები დაარღვია საგარეო საქმეთა სამინისტრომ, თუმცა ინფორმაცია მათაც გადმოგვცეს, რასაც ვერ ვიტყვით პრეზიდენტის ადმინისტრაციაზე, განათლების სამინისტროზე, შსს-სა და ლტოლვილთა და განსახლების სამინისტროზე". ამ პროექტით ჩვენ ვცდილობთ, რომ გავზარდოთ ანგარიშვალდებულებისა და გამჭვირვალობის სტანდარტი. მთავარია, უწყებებმა თავადვე ითავონ ინფორმაციის გამოქვეყნება და ჩვენ არ დაგვჭირდეს ჩვენი მხრიდან ამ ინფორმაციის მოპოვება "- აღნიშნა პროექტის დირექტორმა ლევან ავალიშვილმა. 

ინფორმაციის მოძიებისას "ინფორმაციის თავისუფლების განვითარების ინსტიტუტმა" საინტერესო ტენდენცია გამოავლინა.  არის შემთხვევები, როდესაც  საჯარო მოხელეთა პრემიემის საერთო ოდენობა აღემატება წლიურ ხელფასს ან მისი ტოლია. 

მეტი ინფორმაციისთვის ნახეთ შეხვედრაზე წარმოდგენილი პრეზენტაცია, სადაც დეტალურად არის მოცემული გამოთხოვილი ინფორმაციის მიწოდების ვადები და შინაარსი უწყებათა მხრიდან.

 
 

 

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020