ინტერნეტის ხელმისაწვდომობა ადამიანის ფუნდამენტური უფლებაა

სიახლეები | კანონის უზენაესობა | პუბლიკაციები | სტატია 6 ივლისი 2016

ავტორი: გიორგი ლომთაძე

 

1 ივლისს, გაეროს ადამიანის უფლებათა საბჭომ მიიღო რეზოლუცია, რითიც ინტერნეტის ხელმისაწვდომობა ადამიანის ფუნდამენტურ და ძირითად უფლებად აღიარა.


რეზოლუციის პირველი პუნქტის თანახმად, ადამიანები ინტერნეტის გამოყენების დროს (Online) იმავე უფლებებით უნდა სარგებლობდნენ (მაგალითად, გამოხატვის თავისუფლება), რომლებითაც სარგებლობენ კავშირგარეშე (Offline). რეზოლუცია ასევე მოუწოდებს სახელმწიფოებს ხელი შეუწყონ ციფრულ წიგნიერებას (digital literacy) და უზრუნველყონ ინფორმაციაზე ხელმისაწვდომობა ინტერნეტში, რაც განათლების უფლების ხელშეწყობის ეფექტიანი ინსტრუმენტია. 

 

ასევე, რეზოლუციის მე-10 პუნქტი:


„ერთმნიშვნელოვნად გმობს ელექტრონულ ინფორმაციაზე წვდომის ან ელექტრონული ინფორმაციის გავრცელების გამიზნულად შეფერხებასა თუ აღკვეთას.“


გაეროს ადამიანის უფლებათა საყოველთაო დეკლარაციაზე დაყრდნობით, რეზოლუცია მოუწოდებს მთავრობებს დაიცვან მისი 15-ვე პუნქტი, რათა ადამიანის უფლებები ინტერნეტშიც იყოს დაცული.


აღსანიშნავია, რომ რეზოლუციას მხარი არ დაუჭირეს შემდეგმა ქვეყნებმა:


• რუსეთი
• ჩინეთი
• საუდის არაბეთი
• ინდონეზია
• ინდოეთი
• სამხრეთ აფრიკის რესპუბლიკა

 

ამ ქვეყნებისთვის პრობლემური იყო რეზოლუციის მე-10 პუნქტი, რომელიც გმობს ელექტრონულ ინფორმაციაზე წვდომის ან ელექტრონული ინფორმაციის გავრცელების გამიზნულად შეფერხებასა თუ აღკვეთას. წინააღმდეგობის მიუხედავად, რეზოლუციაში მე-10 პუნქტი შენარჩუნდა.


გაეროს ადამიანის უფლებათა საბჭოს რეზოლუციის დაცვა სახელმწიფოებისთვის სამართლებრივი თვალსაზრისით არაა სავალდებულო. თუმცა, რეზოლუცია სახელმწიფოებისთვის ასრულებს ერთგვარი გზამკვლევის ფუნქციას, რათა მათ ჯეროვნად უზრუნველყონ ადამიანის უფლება, ჰქონდეს ინფორმაციაზე ხელმისაწვდომობა ინტერნეტში და თავისუფლად გამოხატოს აზრი ინტერნეტის გამოყენების დროს.

სხვა მასალები ამ თემაზე
სიახლეები

საქართველოს მიერ კორუფციის პრევენციასთან დაკავშირებით მიღებული რეკომენდაციების 70% სრულად შესრულებული არ არის

12.07.2019

საჯარო მმართველობის რეფორმის სამოქმედო გეგმა არსებულ გამოწვევებს ვერ პასუხობს

11.07.2019

რა შეიცვალა საპროკურორო საბჭოს ფუნქცია - მოვალეობებსა და დაკომპლექტების წესში?

11.07.2019

ჩართულობის მხრივ ყველაზე მაღალი ხარისხის მქონე კანონპროექტების ინიციატორი სახელმწიფო უწყებების დაჯილდოება

10.07.2019
განცხადებები

კოალიცია უზენაესი სასამართლოს მოსამართლეობის კანდიდატთა შერჩევის მიმდინარე პროცესს აფასებს

17.07.2019

პარლამენტმა სახელმწიფო ინსპექტორის სამსახურის საგამოძიებო უფლებამოსილების ამოქმედება მეოთხედ გადაავადა

09.07.2019

არასამთავრობო ორგანიზაციების განცხადება 20 ივნისს განვითარებულ მოვლენებზე

21.06.2019

კოალიცია, უზენაესი სასამართლოს მოსამართლეების შერჩევის შემდგომი ეტაპებიდან, საბჭოს ორი წევრის ჩამოცილებას მოითხოვს

20.06.2019
ბლოგპოსტები

რა საფრთხე ემუქრება გამოხატვის თავისუფლებას საქართველოში

13.05.2019

დამოკიდებულება პროკურორებისა და მოსამართლეების ქმედებების მიმართ

22.04.2019

საქართველოს მოსახლეობას განსხვავებული დამოკიდებულება აქვს საქართველოს პროკურატურის მიმართ

10.04.2019

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019