ღია მმართველობა საქართველოს ფორუმის პირველი შეხვედრა

სიახლეები | პუბლიკაციები | ღია მმართველობის პარტნიორობა 20 იანვარი 2014

 

2014 წლის 15 იანვარს საქართველოს იუსტიციის სამინისტროში შედგა ღია მმართველობა საქართველოს ფორუმის პირველი შეხვედრა. ღონისძიებას ესწრებოდნენ რამდენიმე საჯარო დაწესებულების და არასამთავრობო ორგანიზაციის წამომადგენლები. ფორუმი ყოველთვიურად შეიკრიბება ღონისძიებების დასაგეგმად და OGP-ს ფარგლებში საქართველოს სამოქმედო გეგმის განხორციელების მიმდინარეობის შესაფასებლად. (იხილეთ შეხვედრის ოქმი)

შეხვედრის პირველ ნაწილში დისკუსია ძირითადად მიმართული იყო განახლებული ფორუმის ფორმატზე. „არასამთავრობო ორგანიზაციების ფორუმს“ გადაერქვა სახელი და გახდა „ღია მმართველობა საქართველოს ფორუმი.“ მოხდა რამდენიმე ცვლილება მის ფორმატში, შემადგენლობასა და სახელმძღვანელო წესებში. ფორუმის მონაწილეებს მიაჩნიათ, რომ წევრობის შეზღუდვა იმის მიხედვით, თუ რომელი დაწესებულებაა უშუალოდ ჩართული OGP-ს ფარგლებში აღებული ვალდებულებების განხორციელების პროცესში, არ არის მიზანშეწონილი. ამის ნაცვლად მონაწილეობის მიღება უნდა შეეძლოს ნებისმიერი საჯარო დაწესებულების წარმომადგენელს. ამას გარდა, ფორუმის ინიციატივაა, რომ წევრებს შორის კერძო სექტორის და აკადემიური წრეების წარმომადგენლებიც იყვნენ. ფორუმის შეხვედრები გაიმართება ყოველი თვის პირველ ოთხშაბათს. შეხვედრის რამდენიმე მონაწილის მიერ ასევე გაჟღერდა ინიციატივა, რომ შეიქმნას ელექტრონული მექანიზმი მათთვის, ვინც ვერ ახერხებს ფორუმზე დასწრებას.

მონაწილეებმა განიხილეს პარტნიორობა ღია მმართველობისთვის 2014-2015 წლების სამოქმედო გეგმის შემუშავებისას საჯარო განხილვების მოწყობის გეგმები. როგორც საჯარო დაწესებულებებმა, ასევე არასამთავრობო ორგანიზაციებმა გამოთქვეს სრული მზადყოფნა რეგიონებში მათ დაქვემდებარებაში მყოფი ქვედანაყოფები, საზოგადოებრივი ცენტრები თუ დარბაზები გამოიყენონ საჯარო კონსულტაციების გამართვისთვის. ამას გარდა, სამოქალაქო საზოგადოება ჩაატარებს შეხვედრას კონსულტაციების გეგმის თავიანთი ხედვის განხილვის მიზნით. ამ ხედვას სამოქალაქო საზოგადოება წარადგენს ფორუმის შემდეგ შეხვედრაზე.

იუსტიციის სამინისტრომ და მის დაქვემდებარებაში მყოფმა სამმა საჯარო სამართლის იურიდიულმა პირმა (სსიპ), მონაცემთა გაცვლის სააგენტომ, იუსტიციის სახლმა და სახელმწიფო სერვისების განვითარების სააგენტომ, კიდევ ერთხელ მოკლედ განიხილეს OGP-ს ფარგლებში ასაღები ვალდებულებები. ფორუმმა ყველა მათგანი მოიწონა. შესაბამისად, შემდეგი ყოველთვიური შეხვედრისთვის ეს დაწესებულებები პარტნიორობის მიერ დადგენილი სახელმძღვანელო წესების შესაბამისად მოამზადებენ ვალდებულებების დეტალურ აღწერას და წარუდგენენ მას ფორუმის დანარჩენ მონაწილეებს.

შეხვედრის მნიშვნელოვანი ნაწილი დაეთმო საჯარო ინფორმაციის პორტალის (data.gov.ge) და მისი სავარაუდო ფორმატის განხილვას. მონაცემთა გაცვლის სააგენტოს წარმომადგენელმა, ირაკლი გვენეტაძემ, ფორუმს წარუდგინა ელექტრონული მმართველობის გაძლიერების Twinning პროგრამის ფარგლებში დაგეგმილი სამუშაო შეხვედრის ინიციატივა გერმანელ და ავსტრიელ ექსპერტებთან ერთად. სამუშაო შეხვედრა შედგება იანვრის ბოლოს და მასზე დასწრების საშუალება არასამთავრობო ორგანიზაციების წარმომადგენლებსაც ექნებათ.

წინა სამოქმედო გეგმის მნიშვნელოვანი პუნქტი იყო სამოქალაქო პორტალის, Ichange.ge-ს შექმნა, რაც თავის დროზე ვერ მოხერხდა და შესაბამისად გახდება ახალი სამოქმედო გეგმის ნაწილი. ინფორმაციის თავისუფლების განვითარების ინსტიტუტმა (IDFI) და საქართველოს ახალგაზრდა იურისტთა ასოციაციამ (GYLA) ცალ-ცალკე მოამზადეს პორტალის კონცეფციები. IDFI და GYLA ფორუმს თავის კონცეფციებს წარუდგენენ ერთ-ერთი შემდგომი შეხვედრის დროს, რომელიც მთლიანად დაეთმობა Ichange.ge-ს განხილვას.

საბოლოოდ, მონაწილეებმა განიხილეს საზოგადოებრივი ცნობიერების ამაღლების პერსპექტივები ღია მმართველობის პარტნიორობასთან მიმართებაში. ახალგაზრდა იურისტთა ასოციაციისა და IDFI-ის ინიციატივაა სხვადასხვა გადაცემები დაეთმოს OGP-ზე საუბარს; ამ საკითხის ორგანიზებაში ისინი დახმარებას პირდებიან ფორუმს.

საქართველოს სამოქმედო გეგმის პირველადი ვერსია უნდა წარედგინოს 2014 წლის 30 აპრილისათვის, ხოლო საბოლოო ვერსია – 15 ივნისისათვის. ფორუმის შემდეგი შეხვედრა ჩატარდება 5 თებერვალს. მასზე განიხილავენ სამოქმედო გეგმის შემუშავებისათვის საჭირო შემდგომ ნაბიჯებს და ზემოთ აღნიშნულ საკითხებს.

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020