IDFI-ს დირექტორმა მონაწილეობა მიიღო რეგიონულ კონფერენციაში - ღია პარლამენტები, მოქალაქეთა ჩართულობა

სიახლეები | პუბლიკაციები | ღია მმართველობა | სტატია 29 თებერვალი 2016

24-26 თებერვალს სლოვაკეთში გაიმართა კონფერენცია ღია პარლამენტისა და მოქალაქეთა ჩართულობის თემაზე. კონფერენციას ესწრებოდნენ ინფორმაციის თავისუფლების განვითარების ინსტიტუტის (IDFI) დირექტორი გიორგი კლდიაშვილი და დეპუტატი - ღია და გამჭვირვალე მუდმივმოქმედი საპარლამენტო საბჭოს თავმჯდომარე გუგული მაღრაძე. მათ კონფერენციის მონაწილეებს საქართველოს გამოცდილება გააცნეს და ისაუბრეს საქართველოს საკანონმდებლო ღიაობის პროგრესზე ღია მმართველობის პარტნიორობის ფარგლებში.


კონფერენცია ,,ღია პარლამენტები, მოქალაქეთა ჩართულობა“ აშშ-ს ეროვნულ დემოკრატიული ინსტიტუტისა (NDI) და სლოვაკეთის რესპუბლიკის ეროვნული საბჭოს ორგანიზებით გაიმართა. აღსანიშნავია, რომ ორგანიზატორების ინიციატივით კონფერენციის მონაწილეებს საქართველოს ღია პარლამენტის სამოქმედო გეგმა 2015-2016 დაურიგდათ. აღნიშნული სამოქმედო გეგმა 18 ვალდებულებას მოიცავს, რომელიც ინფორმაციის ხელმისაწვდომობის, ანგარიშვალდებულების, მოქალაქეთა ჩართულობის, ტექნოლოგიებისა და ინოვაციური მიდგომის პრინციპებს ემყარება და საქართველოს პარლამენტის ინტერ-ფრაქციული ჯგუფისა და ღია პარლამენტის სამუშაო ჯგუფის თანამშრომლობით შემუშავდა. ღია პარლამენტის სამუშაო ჯგუფში წარმოდგენილი იყვნენ 14 არასამთავრობო და საქართველოში მოქმედი საერთაშორისო ორგანიზაცია.


გიორგი კლდიაშვილმა და გუგული მაღრაძემ საქართველოს გამოცდილებაზე შემდეგ სესიებში ისაუბრეს: საკანონმდებლო ღიაობის სამოქმედო გეგმები და სამოქალაქო სექტორთან თანამშრომლობის მექანიზმები, და საკანონმდებლო პროცესებში სამოქალაქო სექტორის ჩართულობის მექანიზმები. 

 

გიორგი კლდიაშვილმა კონფერენციაზე განიხილა OGP-ში საქართველოს წარმატებული ჩართულობისა და პარლამენტის ღიაობის უზრუნველსაყოფად სამოქალაქო სექტორისა და პარლამენტის თანამშრომლობა. მან ყურადღება გაამახვილა სამოქმედო გეგმით გათვალისწინებულ ვალდებულებებზე, სამოქმედო გეგმის შემუშავების პროცესსა და განხორციელების ეტაპზე. გიორგი კლდიაშვილმა ასევე მიმოიხილა საქართველოში საპარლამენტო ღიაობის უზრუნველყოფის პერსპექტივები და ამ მიზნით განსახორციელებელი ნაბიჯები.

 

გუგული მაღრაძემ ხაზი გაუსვა საქართველოს პარლამენტის პოლიტიკური ნების არსებობას, რათა წარმატებით და აქტიურად განხორციელდეს სამოქმედო გეგმა. დეპუტატმა ისაუბრა ახლადშექმნილი ღია და გამჭვირვალე მუდმივმოქმედი საპარლამენტო საბჭოს არსებობის მნიშვნელობაზე საპარლამენტო ღიაობის სამომავლო განვითარებისთვის.


ამჟამად, IDFI ახორციელებს პროექტს ,,საქართველოს პარლამენტის მხარდაჭერა ღია პარლამენტის სამოქმედო გეგმის განხორციელების პროცესში,“ რომელიც ევროკავშირისა და UNDP-ის ფინანსური მხარდაჭერით ხორციელდება. პროექტის მიზანია ღია და გამჭვირვალე მუდმივმოქმედი საპარლამენტო საბჭოსა და მასთან არსებული საკონსულტაციო ჯგუფის მუშაობის ფინანსური და ტექნიკური მხარდაჭერა. საკონსულტაციო ჯგუფის თავმჯდომარე არის ინფორმაციის თავისუფლების განვითარების ინსტიტუტი (IDFI), რომელიც საკონსულტაციო ჯგუფს წარმოადგენს საქართველოს პარლამენტთან ურთიერთობაში და ქვეყნის შიგნით და გარეთ გამართულ ღონისძიებებში.

სხვა მასალები ამ თემაზე
სიახლეები

სემინარი საჯარო მოსამსახურეებისთვის თემაზე - საჯარო მმართველობა და პოლიტიკის შემუშავების საუკეთესო პრაქტიკა

06.12.2021

IDFI გიწვევთ კარგი მმართველობის ფორუმზე 2021

04.12.2021

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021
განცხადებები

არასამთავრობო ორგანიზაციების განცხადება: ღია მმართველობის პარტნიორობის (OGP) შეჩერებული პროცესი საქართველოში

07.12.2021

კოალიცია მედიის ადვოკატირებისთვის კახი ბექაურის განცხადებას ეხმიანება

06.12.2021

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021