სამუშაო შეხვედრა ციფრული კონტენტის რეგულირების შესახებ

სიახლეები | ინტერნეტი და ინოვაციები | სტატია | მედია და გამოხატვის თავისუფლება 28 იანვარი 2022

2022 წლის 26 იანვარს, IDFI-მ გამართა სამუშაო შეხვედრა საქართველოში ციფრული კონტენტის რეგულირების გამოწვევებსა და მათ საპასუხოდ გასატარებელ ღონისძიებებზე. 

 

სამუშაო შეხვედრაზე IDFI-ის წარმომადგენლებმა დაინტერესებული მხარეებისთვის განსახილველად წარმოადგინეს IDFI-ის მიერ მომზადებული რეკომენდაციები, რომლებიც ქვეყანაში ინტერნეტის თავისუფლებისა და ციფრული უფლებების უკეთ დაცვისკენ არის მიმართული.  

 

 

 

რეკომენდაციები მომზადდა ანალიზის საფუძველზე, სადაც მიმოხილულია ციფრულ უფლებებთან დაკავშირებული ძირითადი გამოწვევები, მათ შორის ინტერნეტზე წვდომა და ციფრული უსაფრთხოება, ასევე, ადამიანის პირადი ცხოვრების დაცვა და გამოხატვის თავისუფლება.

 

სამუშაო შეხვედრაზე მონაწილეებმა გამოყვეს რამდენიმე მნიშვნელოვანი გარემოება და პრობლემური საკითხი:

„ელექტრონული კომუნიკაციების სფეროში მომსახურების მიწოდებისა და მომხმარებელთა უფლებების დაცვის შესახებ რეგლამენტის დამტკიცების თაობაზე“ საქართველოს კომუნიკაციების ეროვნული კომისიის 2006 წლის 17 მარტის №3 დადგენილება და დაუშვებელი პროდუქციის განმარტების პრობლემური საკითხები, ამავე საკითხზე საკონსტიტუციო კომისიის მიერ მიღებული გადაწყვეტილება და მისი არსი, დაბლოკილი ან სხვადასხვა მიზეზით შეზღუდული ვებგვერდების სტატისტიკის წარმოება და მათი საჯაროობის უზრუნველყოფა, ელექტრონული კომუნიკაციების ტერმინების დეფინიციის განახლების საჭიროება, კომუნიკაციების კომისიის ბოლოდროინდელი გადაწყვეტილებები და ა.შ. 

 

Სამუშაო შეხვედრას ესწრებოდნენ სამოქალაქო საზოგადოების, კერძო სექტორისა და მედიის წარმომადგენლები. ღონისძიებაზე გამოთქმული მოსაზრებები გათვალისწინებულ იქნება IDFI-ის ანგარიშში, რომელიც საქართველოში ინტერნეტის თავისუფლებისა და ციფრული უფლებების დაცვის კუთხით სისტემურ გამოწვევებს ეხება. 

 

სამუშაო შეხვედრა ჩატარდა პროექტის - მონიტორინგის, ანალიზისა და ადვოკატირების გზით ციფრული უფლებების გაძლიერება - ფარგლებში, რომელსაც IDFI შავი ზღვის ფონდი რეგიონული თანამშრომლობისთვის (BST) მხარდაჭერით ახორციელებს. 

სხვა მასალები ამ თემაზე
სიახლეები

IDFI-მ კასპში, ბორჯომსა და გორში რეპრესირებულთა შესახებ პრეზენტაცია და ფილმის ჩვენება გამართა

04.10.2022

რუსეთის მოქალაქეებზე გაცემული ბინადრობის ნებართვები (მარტი-ივლისი)

30.09.2022

IDFI-ის ღია ლექცია: საჯარო ინფორმაციის ხელმისაწვდომობა და ხელისუფლების კონტროლის მექანიზმები

30.09.2022

კორუფციასთან ბრძოლის სასერტიფიკატო პროგრამა დაიწყო

29.09.2022
განცხადებები

კომუნიკაციების კომისიამ „პოსტვ”-ის წილების გასხვისების საკითხი უნდა შეისწავლოს

04.10.2022

IDFI ეხმიანება მთავრობის სხდომაზე თელარა გელანტიას მეორედ არდაშვების ფაქტს

29.09.2022

არასამთავრობო ორგანიზაციებმა შეარჩიეს სახალხო დამცველობის კანდიდატები, რომლებსაც მხარს დაუჭერენ

27.09.2022

სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს

22.09.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022