ბარაკ ობამამ თავის განცხადებაში OGP-ს მნიშვნელობას გაუსვა ხაზი

სიახლეები | პუბლიკაციები | ღია მმართველობა | სტატია 16 დეკემბერი 2013

 

27 ოქტომბერს მშვიდობიანი და დემოკრატიული საპრეზიდენტო არჩევნების შედეგად გამარჯვებული გიორგი მარგველაშვილის ინაუგურაციის ცერემონიალი 17 ნოემბერს შედგა. ინაუგურაციის დღესვე გავრცელდა მსოფლიოს სხვადასხვა ქვეყნის ლიდერების განცხადებები, რომლებიც ახალ პრეზიდენტს გამარჯვებას ულოცავდნენ. მათ შორის იყო ამერიკის შეერთებული შტატების პრეზიდენტის, ბარაკ ობამას განცხადება, სადაც მან ისაუბრა იმ მნიშვნელოვანი პროგრესის შესახებ, რომელიც საქართველომ ბოლო რამდენიმე წლის მანძილზე განიცადა. მიღწევებს შორის დასახელდა საქართველოს მონაწილეობა „ღია მმართველობის პარტნიორობაში“ (OGP): „საქართველოს მნიშნელოვანი პროგრესი განიცადა დემოკრატიული ინსტიტუტების გამყარების კუთხით, „ღია მმართველობის პარტნიორობის“ ფარგლებში აღებული ვალდებულებების, საზოგადოებრივ ცხოვრებაში ქალთა დაწინაურებისა და ევრო-ატლანტიკური ინტეგრაციისკენ სწრაფვით.“

 

OGP სწორედ ობამას ინიციატივით დაიწყო, როდესაც მან 2010 წლის 23 სექტემბრის მიმართვაში, გაეროს გენერალურ ასამბლეას მოუწოდა ჩამოეყალიბებინათ „კონკრეტული ვალდებულებები გამჭვირვალობის ხელშესაწყობად“ და მიიწვია მსოფლიოს სხვადასხვა ქვეყნის ლიდერები შეერთებოდნენ მას დემოკრატიული მთავრობების ღიაობის გაზრდაში, კორუფციასთან ბრძოლასა და სამოქალაქო ჩართულობის ამაღლებაში. თავის განცხადებაში ობამამ საქართველოს პოლიტიკურ ლიდერებს მოუწოდა გაეგრძელებინათ სამოქალაქო საზოგადოებასთან თანამშრომლობა მეტი გამჭვირვალობის, ანგარიშვალდებულებისა და ღიაობის განვითარების მიზნით.

 

საქართველოს სამოქალაქო საზოგადოება მართლაც ძალიან აქტიურად იყო ჩართული „ღია მმართველობის პარტნიორობასთან“ დაკავშირებულ ყველა პროცესში. შეერთებული შტატების საერთაშორისო განვითარების სააგენტოს (USAID) „დემოკრატიული მმართველობა საქართველოში“ (G-3) პროგრამის მხარდაჭერით, OGP-ის სამოქმედო გეგმის შექმნისა და გაუმჯობესებისთვის, IDFI თანამშრომლობდა სხვა არასამთავრობო ორგანიზაციასთან და იუსტიციის სამინისტროსთან, აწოდებდა მთავრობას რეკომენდაციებს და ეხმარებოდა მას მათ იმპლემენტაციაში, რამაც, თავის მხრივ, საქართველო OGP-ის ფარგლებში მიღწეულ წარმატებამდე მიიყვანა.

 

საქართველოს წარმატების საუკეთესი მაგალითია ის ფაქტი, რომ ახლახან ძალაში შესული ინფორმაციის პროაქტიული გამოქვეყნების კანონმდებლობა შერჩეული იქნა Bright Spots Prize-ის ერთ-ერთ ნომინანტად ღია მმართველობის პარტნიორობის ყოველწლიურ სამიტზე ლონდონში, რომელიც 31 ოქტომბერს-1 ნოემბერს გაიმართა. პროექტი სამიტზე IDFI-ის დირექტორმა, გიორგი კლდიაშვილმა წარადგინა. მან სამიტზე ისაუბრა საერთაშორისო ინიციატივის ფარგლებში საქართველოს მიერ მიღწეული წარმატების შესახებ.

პრეზიდენტ ობამას განცხადების სრული ვერსიის სანახავად გადადით შემდეგ ბმულზე.

სხვა მასალები ამ თემაზე
სიახლეები

IDFI გიწვევთ კარგი მმართველობის ფორუმზე 2021

04.12.2021

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021
განცხადებები

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021