საჯარო ინფორმაციის ხელმისაწვდომობა საქართველოში

წინამდენარე ნაშრომი წარმოადგენს „ინფორმაციის თავისუფლების განვითარების ინსტიტუტის“ პროექტის „საჯარო ინფორმაციის მონაცემთა ბაზი”-ს ფარგლებში განხორციელებულ კვლევას, რომელიც ეხება საჯარო ინფორმაციის ხელმისაწვდომობას საქართვლოში. ბიულეტენში მოცემულია საქართველოს საჯარო დაწესებულებებიდან პროექტის ფარგლებში ოფიციალურად გამოთხოვნილი და მიღებული საჯარო ინფორმაციის სტატისტიკური ანალიზი.

საინფორმაციო ბიულეტენი დაყოფილია სამ ნაწილად. პირველ ნაწილში მოცემულია პროექტის „საჯარო ინფორმაციის მონაცემთა ბაზის“ მოკლე აღწერა, მისი მიზნები და განხორციელების გზები. მეორე ნაწილში განხილულია ინფორმაციის თავისუფლების საკითხებზე საქართველოს საკანონმდებლო მარეგულირებელი აქტები, თუ რას წარმოადგენს საჯარო ინფორმაცია, როგორ განმარტავს პირის პერსონალურ მონაცემებს საქართველოს კანონმდებლობა და რა სახის ინფორმაცია განეკუთვნება სახელმწიფო, კომერციულ და პირად საიდუმლოებას. აქვე მოცემულია ადმინისტრაციული ორგანოების დამოკიდებულება და ზოგადი ტენდენციები საჯარო ინფორმაციის ხელმისაწვდომობის უზრუნველყოფასთან დაკავშირებით, თუ რა ვადებში გასცემენ ისინი გამოთხოვნილ საჯარო ინფორმაციას და როგორია ინფორმაციის ზოგადი გაცემის მაჩვენებელი საქართველოში. განსაკუთრებით მნიშვნელოვანია საჯარო დაწესებულებების განმარტებები და დამოკიდებულება საჯარო მოსამსახურის შრომითი ანაზღაურების, პრემიის და სამივლინებო ხარჯების საჯაროობასთან დაკავშირებით. გამოცემის მესამე ნაწილში უფრო დეტალურად არის გაანალიზებული პროექტის 6 თვიანი საანგარიშო პერიოდის განმავლობაში მიღებული შედეგები და ჩამოყალიბებული პრაქტიკა, გაგზავნილი ინფორმაციის გამოთხოვნის განცხადებების და მიღებული პასუხების სტატისტიკური მონაცემები კონკრეტული საჯარო დაწესებულებების მიხედვით, თუ რომელია ყველაზე გამჭვირვალე და ყველაზე დახურული ადმინისტრაციული ორგანო და რომელმა მათგანმა დატოვა სრულიად უპასუხოდ IDFI-ის მოთხოვნები.

უფრო დაწვრილებით იხილეთ შემდეგი ბმული:

საჯარო ინფორმაციის ხელმისაწვდომობა საქართველოში - საინფორმაციო ბიულეტენი №2