2013 წლის 8 მაისს “Works in Progress”-ის ფორმატის ფარგლებში გაიმართა საჯარო დისკუსია სახელმწიფო უნივერსიტეტების გამჭვირვალობის შესახებ. მოხსენება გააკეთა IDFI-ის ანალიტიკოსმა თამარ იაკობიძემ, პროექტ „საჯარო ინფორმაციის მონაცემთა ბაზის“ ფარგლებში 2010-2013 წლებში მიღებული საჯარო ინფორმაციის ანალიზის საფუძველზე. მოხსენებას ესწრებოდნენ აკადემიური სფეროს ქართველი და უცხოელი წარმომადგენლები.

მოხსენებაზე წარმოდგენილი იყო 2010-2013 წლებში ათი სახელმწიფო უნივერსიტეტიდან მიღებული საჯარო ინფორმაციის ანალიზი:

• ივანე ჯავახიშვილის სახელობის თბილისის სახელმწიფო უნივერსიტეტი
• საქართველოს ტექნიკური უნივერსიტეტი
• ილიას სახელმწიფო უნივერსიტეტი
• სოხუმის სახელმწიფო უნივერსიტეტი
• თბილისის სახელმწიფო სამედიცინო უნივერსიტეტი
• გორის სახელმწიფო სასწავლო უნივერსიტეტი
• ი. გოგებაშვილის სახელობის თელავის სახელმწიფო უნივერსიტეტი
• შ. მესხიას სახელობის ზუგდიდის სახელმწიფო უნივერსიტეტი
• შოთა რუსთაველის სახელმწიფო უნივერსიტეტი
• აკაკი წერეთლის სახელმწიფო უნივერსიტეტი

“Works in Progress” წარმოადგენს მიმდინარე აკადემიური დისკუსიების სერიას და ორგანიზებულია კავკასიის კვლევითი რესურსების ცენტრის (CRRC), საერთაშორისო განათლების ამერიკული საბჭოების: ACTR/ACCELS და სამხრეთ კავკასიის ამერიკული კვლევითი ინსტიტუტის (ARISC) მიერ. “Works in Progress”-ის მიზანს წარმოადგენს კავკასიის რეგიონში მიმდინარე კვლევების მხარდაჭერა და პროდუქტიული კრიტიკა. 

იხილეთ პრეზენტაცია - სახელმწიფო უნივერსიტეტების ღიაობა