ინფორმაციის თავისუფლების განვითარების ინსტიტუტი (IDFI) გიწვევთ გამჭვირვალე სახელმწიფო შესყიდვების რეიტინგის (Transparent Public Procurement Rating - TPPR) 2020 წლის ანგარიშის პრეზენტაციასა და ონლაინ დისკუსიაზე

თარიღი: 28 იანვარი
დრო: 13:00 – 15:00 ცენტრალური ევროპის დრო GMT +1 (საქართველოს დროით 16:00 – 18:00).
ადგილი: Zoom, live stream IDFI-ს Facebook გვერდზე
სამუშაო ენა: ინგლისური

ღონისძიებას დაესწრებიან გამჭირვალე სახელმწიფო შესყიდვების რეიტინგის ქსელის წევრები, ისევე როგორც სამოქალაქო საზოგადოების, საერთაშორისო ორგანიზაციებისა და სახელწმიფო დაწესებულებათა წარომადგენლები მსოფლიო სხვადასხვა რეგიონიდან, რომლებიც საქმიანობენ მთავრობის ანგარიშვალდებულების, კარგი მმართველობისა და სახელმწიფო შესყიდვების მიმართულებით.

IDFI წარადგენს გამჭირვალე სახელმწიფო შესყიდვების რეიტინგის პლატფორმას - www.tpp-rating.org, შეფასების მეთოდოლოგიას, განიხილავს უახლეს რეიტინგს და 40 ქვეყნის სახელმწიფო შესყიდვების სისტემის შეფასების შედეგად გამოკვეთილ ძირითად მიგნებებსა და რეკომენდაციებს. ღონისძიებაზე სიტყვით წარსდგებიან ასევე TPPR-ის პარტნიორი ორგანიზაციების წარმომადგენლები, რომლებიც განიხილავენ სახელმწიფო შესყიდვების მიმართულებით საკუთარ ქვეყნებში არსებულ გამოწვევებსა და არსებულ მდგომარეობას.

ღონისძიება ტარდება პროექტის ფარგლებში „საერთაშორისო ანტიკორუფციული პლატფორმების გავლენის შესწავლა საქართველოსა და ევრაზიის რეგიონში გამჭვირვალე და ანგარიშვალდებული სახელმწიფო შესყიდვების წახალისებაში“. პროექტი დაფინანსებულია "ღია საზოგადოების ინსტიტუტის ბუდაპეშტის ფონდის" (OSI) მიერ.

გთხოვთ, რეგისტრაცია გაიაროთ არაუგვიანეს 2021 წლის 25 იანვრისა შემდეგ ბმულზე. ღონისძიებაში მონაწილეობის მისაღებად რეგისტრაციის გავლა სავალდებულოა. რეგისტრაციის გავლის შემდეგ მიიღებთ კონფერენციის ბმულს.