ინფორმაციის განვითარების ინსტიტუტი (IDFI) წარმოგიდგენთ პუბლიკაციას საერთაშორისო კვლევის შესახებ, რომელშიც, რუსეთის ფედერაციის და საქართველოს არასამთავრობო ორგანიზაციების გარდა, მონაწილოებდნენ ამერიკის შეერთებული შტატებისა და ბელორუსის საზოგადოებრივი ორგანიზაციები.
პროექტის ერთ-ერთი მიზანი იყო იმის განსაზღვრა, თუ რამდენად შესაძლებელია შეიქმნას პროაქტიული გამჭვირვალობის შეფასების საერთაშორისო მექანიზმები.
საერთაშორისო კვლევის შედეგად დადგინდა, რომ ყველა შეფასებული პარამეტრის მიხედვით ოთხივე ქვეყნის საშუალო ღიაობის მაჩვენებელმა 45.1% შეადგინა. მათ შორის :
აშშ - 63.4%
საქართველო - 51.6%
რუსეთი - 43.1%
ბელორუსი - 22.3%
კვლევის ავტორების განცხადებით, საბოლოო მონაცემი შესაძლოა სრულად ვერ ასახავს პროექტის მონაწილე ქვეყნების პროაქტიული ღიაობის მაჩვენებლებს, რამდენადაც კვლევაში ჩართული ქვეყნები ერთმანეთისგან განსხვავდებიან პოლიტიკური კულტურისა და ტრადიციების მიხედვით, რაც შემდგომში კვლევის შედეგებზეც აისახება.
მაგალითად: მაშინ როდესაც ინტერნეტს შეერთებული შტატების მოსახლეობის 87% იყენებს, რუსეთში ეს მაჩვენებელი მხოლოდ 59%-ს შეადგენს. კიდევ ერთი მაგალითი: რუსეთში თანამდებობის პირების შემოსავლების შესახებ ინფორმაციის გამოქვეყნება სავალდებულოა, მაშინ როცა შეერთებულ შტატებში ასეთი სახის ინფორმაციის გამოქვეყნება კონფიდენციალურობის დაცვის არგუმენტით პრაქტიკაში იშვიათია.
კვლევაში მონაცემულია მონაწილე ქვეყნების შედარებითი ანალიზი, სხვადასხვა სფეროებში გამჭირვალობის ხარისხის თვალსაზრისით. (IDFI ) მიერ წარმოდგენილ პუბლიკაციაში მოცემულია სხვადასხვა ასპექტებში შესწავლილი ქვეყნების ხელისუფლების ღიაობის ხარისხი გრაფიკების სახით.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024