IDFI-ის ტრენინგი სამოქალაქო აქტივისტებისა და ჟურნალისტებისთვის

სიახლეები | ტრენინგები | ღია მმართველობა და კორუფციასთან ბრძოლა | სტატია 5 აპრილი 2022

2022 წლის 1-3 აპრილს IDFI-მ  ხელისუფლების მონიტორინგისა და მონაცემების მოძიების მეთოდების შესახებ ორდღიანი ტრენინგი ჩაატარა. ღონისძიებას ესწრებოდნენ ჟურნალისტები და სამოქალაქო აქტივისტები საქართველოს სხვადასხვა რეგიონიდან - ჯამში 16 მონაწილე.  

 

ბოლო პერიოდში, კორუფციული სქემების აღმოჩენის, ასევე ელიტური კორუფციის პრევენციაში ჟურნალისტებმა და სამოქალაქო მონიტორინგის ჯგუფებმა კრიტიკულად მნიშვნელოვანი როლი შეასრულეს.

 

საკითხის აქტუალობა თავად ჟურნალისტებისა და აქტივისტების მხრიდან გამოჩენილი ინტერესის დამსახურებით გაიზარდა.

 

ინსტიტუტმა პრაქტიკული ტრენინგი სწორედ ჟურნალისტების, სამოქალაქო საზოგადოების წარმომადგენლებისა და აქტივისტების შესაძლებლობების გაზრდისა და მათი ზედამხედველობითი უნარების გაუმჯობესების მიზნით გამართა.

 

ტრენიგი მოიცავდა როგორც თეორიულ, ისე პრაქტიკულ მასალას, რჩევებსა და რეკომენდაციებს - როგორ აღმოაჩინონ და გადაამოწმონ საეჭვო გარემოებები სახელმწიფო შესყიდვებში, გააკონტროლონ ბიუჯეტის მიზნობრივი განკარგვა, მოიპოვონ საჯარო მონაცემები ხელისუფლების საქმიანობის შესახებ და ა.შ. გარდა ამისა, ტრენინგის მონაწილეებს საშუალება ჰქონდათ ბენეფიციარ მესაკუთრეთა გამჭვირვალობის კონტექსტში აქტუალურ საკითხებზე ამომწურავი ინფორმაცია მიეღოთ, ასევე, მონაცემთა/გამომძიებელი ჟურნალისტებისა და სამოქალაქო მონიტორინგის ჯგუფებისთვის განკუთვნილ საერთაშორისო პლატფორმებს გაცნობოდნენ.

 

ტრენინგი გლობალური საქველმოქმედო ორგანიზაცია Luminate-ის მხარდაჭერით ჩატარდა და მასში მონაწილეობა მთელი საქართველოს მასშტაბით, ღია კონკურსის შედეგად შერჩეულმა მონაწილეებმა მიიღეს. კონკურსის შედაგად, IDFI-მ, სულ 187 განაცხადი მიიღო. მონაწილეთა შერჩევის კრიტერიუმებს შორის იყო მოტივაცია და მიღებული ცოდნის პრაქტიკაში გამოყენების დასაბუთება. ტრენინგის ბოლოს მონაწილეებს შესაბამისი სერტიფიკატები გადაეცათ.

 

ტრენინგს უძღვებოდნენ IDFI-ის ადგილობრივი მმართველობის / ინტერნეტისა და ინოვაციების მიმართულებების ხელმძღვანელი, თეონა ტურაშვილი, კვლევითი მიმართულებების ხელმძღვანელი, გოგა თუშურაშვილი და IDFI-ის ანალიტიკოსები - მარიამ გოგიაშვილი და გვანცა ნიკურაძე.

 

 

ღონისძიების ფოტო გალერეა იხილეთ აქ 

 

სხვა ტრენინგები ამ თემაზე
სიახლეები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

მანიფესტანტების მასიური თვალთვალი და პერსონალურ მონაცემთა დაცვის სამსახურის არასათანადო რეაგირება

15.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

საიამ, IDFI-მ და უფლებები საქართველომ ეუთოს ვენის მექანიზმს წერილობითი ინფორმაცია წარუდგინეს

10.04.2025
განცხადებები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

არალეგიტიმური მთავრობა ქართველი ხალხის დევნის აქტს იღებს

08.04.2025

ვეხმიანებით დიდი ბრიტანეთის მიერ გავლენიან მოსამართლეთა დასანქცირებას მართლმსაჯულებით ვაჭრობისთვის

04.04.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024