IDFI-ს წარმომადგენლებმა თემაზე „ინფორმაციის თავისუფლება და დემოკრატიული მმართველობა (საქართველო და საერთაშორისო პრაქტიკა) შინაგან საქმეთა სამინისტროში ორდღიანი ტრენინგი ჩაატარეს.

ტრენინგს შსს-ს ის თანამშრომლები ესწრებოდნენ, რომლებიც საჯარო ინფორმაციის ხელმისაწვდომობაზე არიან პასუხისმგებელნი. ტრენინგის მიზანი იყო ინფორმაციის ხელმისაწვდომობისა და გამჭვირვალობის შესახებ დამსწრეთათვის მაქსიმალური ინფორმაციის მიწოდება, მათთვის საერთაშორისო პრაქტიკის გაცნობა და კვალიფიკაციის ამაღლება. შესაბამისად, თემები, რომლებზეც IDFI-ს დირექტორმა გიორგი კლდიაშვილმა და ანალიტიკოსმა გოგა თუშურაშვილმა, ასევე საქართველოს საკონსტიტუციო სასამართლოს მოსამართლე მაია კოპალეიშვილმა ისაუბრეს, ეხებოდა შემდეგ საკითხებს:

• დემოკრატიული მმართველობა და ინფორმაციის თავისუფლება,
• საჯარო ინფორმაციის პროაქტიული გამოქვეყნება (საქართველო და საერთაშორისო გამოცდილება)
• ღია მმართველობა და საჯარო ინფორმაციის ხელმისაწვდომობა,
• ინფორმაციის თავისუფლება და ადამიანის უფლებები,
• ღია მმართველობა, ინფორმაციის თავისუფლება და ეთიკა საჯარო სამსახურში.

IDFI საჯარო ინფორმაციის ხელმისაწვდომობისა და პროაქტიულად გამოქვეყნების საკითხებზე აქტიურად მუშაობს. ორგანიზაცია მუდმივად ანახლებს საჯარო ინფორმაციის ხელმისაწვდომობის უზრუნველყოფასა და პროაქტიულ გამოქვეყნებაზე პასუხისმგებელ პირთა მონაცემთა ბაზას.