პროექტის -“საჯარო ინფორმაციის მონაცემთა ბაზა www.opendata.ge“ მეორე ეტაპის ანგარიში (2011-2012)

სიახლეები | პუბლიკაციები | ღია მმართველობა და კორუფციასთან ბრძოლა | ანგარიში 13 აპრილი 2012

IDFI-მ 2011 წლის 12 სექტემბრიდან პროექტის - “საჯარო ინფორმაციის მონაცემთა ბაზა www.opendata.ge“ მეორე ეტაპი დაიწყო. ინსტიტუტმა საჯარო დაწესებულებებს ოფიციალური წერილებით მიმართა და 2011 წლის მეორე კვარტალში (აპრილი-ივნისი) გაწეული ადმინისტრაციული ხარჯებისა და სხვა საკითხების შესახებ საჯარო ინფორმაცია გამოითხოვა. კითხვების უმეტესი ნაწილი პირველ ეტაპზე გაგზავნილი განცხადებების ანალოგიური იყო. ამავე დროს, ინსტიტუტმა ე.წ. სტანდარტულ შეკითხვებთან ერთად, საჯარო დაწესებულებების ვებ-გვერდების შექმნის ხარჯები, საშტატო ნუსხა და საჯარო რეესტრების შესახებ ინფორმაციაც გამოითხოვა. მეორე ეტაპზე სულ გაიგზავნა 5072 მოთხოვნა საქართველოს 229 საჯარო დაწესებულებაში, ხოლო ვებ-გვერდზე აიტვირთა დაახლოებით 3449 ერთეული დოკუმენტი.

დაწვრილებითი ინფორმაციისთვის იხილეთ ანგარიში