14 მაისს, IDFI-ის მიერ გამოქვეყნებული კვლევის „ადმინისტრაციული „დუმილის“ პრაქტიკა“ (გამჭვირვალობის ხარისხი კვლავ გაუარესდა) შესახებ მომზადდა სიჟეტები ტელეკომპანია მაესტროსა და რუსთავი 2-ის მიერ და გამოქვეყნდა არაერთი სტატია სხვადასხვა ონლაინ გამოცემის ვებგვერდებზე: netgazeti.ge, newposts.ge, megatv.ge.
ტელეკომპანია მაესტრომ 15 მაისის „მაესტროს ცხრიანის“ ეთერში IDFI-ის კვლევის მოკლე მიმოხილვა და წინა წლებისა და მიმდინარე წლის მონაცემების შედარება წარმოადგინა.
ბიზნესკონტაქტმა თავის ეთერში IDFI-ის გამგეობის თავმჯდომარის, ლევან ავალიშვილის ვრცელი ინტერვიუ შემოგვთავაზა. ლევან ავალიშვილმა ისაუბრა დარღვევებზე, რომელიც აუდიტის სამსახურის დასკვნის მიხედვით აღმოაჩნდა სხვადასხვა სახელმწიფო ინსტიტუტს. მან აღნიშნა, რომ სწორედ ეს სახელმწიფო უწყებები იყო ინფორმაციის საჯაროობის თვალსაზრისით ყველაზე გაუმჭვირვალე.
რუსთავი 2-ის სიუჟეტში IDFI-ის პროექტის მენეჯერმა, ნინო მერაბაშვილმა ინსტიტუტის მიერ გამოთხოვილ ინფორმაციაზე ისაუბრა, რომელიც ძირითადაც თანამდებობების მქონე პირთა მიერ 2014 წლის განმავლობაში მიღებულ პრემიებს, სახელფასო დანამატებსა და სამივლინებო ხარჯებს ეხებოდა და რომელზეც შესაბამისმა უწყებებმა ინფორმაცია არ გაასაჯაროვეს. მან აღნიშნა, რომ 2012 წლის შემდგომ პერიოდში, როცა ინფორმაცია ეხებოდა არა მოქმედი ხელისუფლების, არამედ წინა ხელისუფლების მიერ გაწეულ საქმიანობებს, უწყებები სრულყოფილი სახით გასცემდნენ ინფორმაციებს.
Netgazeti.ge აქვეყნებს იმ სამინოსტროთა სიას, რომლებმაც IDFI-ის მოთხოვნები დღემდე უპასუხოდ დატოვეს და რომლებმაც ინფორმაცია ადმინისტრაციული საჩივრის წარდგენის შემდეგ გასცეს.
„2015 წლის მარტის თვეში IDFI-იმ საჯარო ინფორმაციის მიღების შესახებ განცხადებით მიმართა ყველა სამინისტროსა და სამინისტროს დაქვემდებარებულ უწყებას. ჯამში 1185 შეკითხვა გაეგზავნა 19 სამინისტროს და 49 სამინისტროს დაქვემდებარებულ უწყებას“- ვკითხულობთ Megatv.ge-ზე.
რაც შეეხება Newposts.ge-ს, მან კიდევ ერთხელ გააჟღერა ორგანიზაციის მიერ გამოთქმული იმედი, რომ მომავალში გაუმჭვირვალე უწყებები დააკმაყოფილებენ IDFI-ის მოთხოვნებს და შედეგად აღარ იქნება ისეთი მანკიერი პრაქტიკის მაგალითები, როგორიც ორგანიზაციის თქმით განვლილი წლის განმავლობაში არსებობდა.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024