5 ივნისს, ხუთშაბათს, 11:00 საათზე, სასტუმრო „ვერე პალასში“(მის: ქუჩიშვილის 24/8) ინფორმაციის თავისუფლების განვითარების ინსტიტუტი (IDFI) და გადასახადის გადამხდელთა კავშირი (TPU) მრგვალ მაგიდას გამართავს თემაზე: სახელმწიფო საწარმოების საფინანსო - სამართლებრივი რეგულირება და სოფლის მეუნეობის საწარმოების მიმართ არსებული პოლიტიკა ბალტიისპირეთის ქვეყნებში
დისკუსიის მონაწილეები სოფლის მეურნეობის სახელმწიფო საწარმოების ეფექტიანი მართვის პოლიტიკასა და სტრატეგიაზე იმსჯელებენ.
ღონისძიებაზე წარმოდგენილი იქნება სახელმწიფო საწარმოებთან დაკავშირებით საქართველოს საფინანსო-სამართლებრივი რეგულაციების შესახებ რეკომენდაციები, ასევე საერთაშორისო გამოცდილება (ბალტიისპირეთის ქვეყნები) აღნიშნულ საკითხთან დაკავშირებით.
ღონისძიებაზე მოწვეულნი არიან საქართველოს მთავრობისა და პარლამენტის წევრები, ასევე ამ სფეროში მომუშავე არასამთავრობო ორგანიზაციების წარმომადგენლები და სახელმწიფო საწარმოების ხელმძღვანელები.
ღონისძიება ტარდება პროექტის „სახელმწიფო საწარმოები საქართველოში და მათი ეფექტიანობა; ფოკუსი: სოფლის მეურნეობა“- ფარგლებში, რომელიც აღმოსავლეთ-დასავლეთის მართვის ინსტიტუტის (EWMI) პროგრამის “საჯაროპოლიტიკის, ადვოკატირებისა და სამოქალაქო საზოგადოების განვითარება საქართველოში” (G-PAC) მხარდაჭერით ხორციელდება.
სიახლეების გამოწერა
