საქართველოს სტატისტიკის ეროვნული სამსახურის ოფიციალური ვებ-გვერდის ხელახალი შეფასება

საქართველოს სტატისტიკის ეროვნულმა სამსახურმა გაითვალისწინა IDFI-ის მიერ 2011 წლის 26 დეკემბერს მიწოდებული რეკომენდაციების ნაწილი და შინაარსობრივად განაახლა საკუთარი ვებ-გვერდი.

IDFI-ის პარამეტრების მიხედვით ვებ-გვერდის ინფორმაციული გამჭვირვალობის ხარისხი, პირველად შეფასებასთან შედარებით, გაუმჯობესებულია 9.23 %-ით. ცვლილებების შედეგად, საქართველოს 85 საჯარო დაწესებულებას შორის, სტატისტიკის სამსახურის ოფიციალურმა ვებ -გვერდმა  ინფორმაციული გამჭვირვალობის პარამეტრებით მიმდინარე რეიტინგში მეორე ადგილი დაიკავა.

მიუხედავად იმისა, რომ რეკომენდაციების უმეტესი ნაწილი ჯერ კიდევ არ არის გათვალისწინებული, თავად ის ფაქტი, რომ სამსახურმა ასე ოპერატიულად და მოკლე დროში მოახდინა საკუთარი ვებ-გვერდის ინფორმაციული განახლება, გვიტოვებს იმედს მომავალი თანამშრომლობისა და ყველასთვის ესოდენ მნიშვნელოვანი ელექტრონული რესურსის შემდგომი გაუმჯობესებისა.

IDFI-ს შეფასებითი პარამეტრების მიხედვით საჯარო სამართლის იურიდიული პირის - საქართველოს სტატისტიკის ეროვნული სამსახურის ოფიციალური ვებ-გვერდის

ინფორმაციული გამჭვირვალობის ხარისხმა შეადგინა: 27.79% (მე-2 ადგილი მიმდინარე რეიტინგში)

ტექნიკური გამართულობისა და ელ. ხელმისაწვდომობის ხარისხმა შეადგინა: 40.41% (42-ე ადგილი მიმდინარე რეიტინგში)

ვებ-გვერდის ჯამური რეიტინგი: 34.1% (მე-9 ადგილი მიმდინარე რეიტინგში)

კვლევის სტატისტიკური მონაცემები, გამოვლენილი პრობლემები და შესაბამისი რეკომენდაციები შეგიძლიათ იხილოთ თანდართულ ფაილში:

 სტატისტიკის ეროვნული სამსახურის ოფიციალური ვებ-გვერდის ხელახალი შეფასება 2012

კვლევასთან დაკავშირებული ნებისმიერი წინადადებით ან შეკითხვით შეგიძლიათ მოგვმართოთ ელ.ფოსტაზე - info@idfi.ge