2021 წლის 24 მაისს, ინფორმაციის თავისუფლების განვითარების ინსტიტუტმა (IDFI), ევროკავშირის მხარდაჭერით, პროექტის - „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ ფარგლებში გამართა დისკუსია თემაზე  de facto საგანგებო მდგომარეობის ერთი წელი საქართველოში.

2021წლის 23 მაისს საქართველოს პარლამენტის მიერ პანდემიის სამართავად აღმასრულებელი ხელისუფლებისათვის ექსტრაორდინალურად ფართო უფლებამოსილებების გადაცემიდან ერთი წელი გავიდა. საჯარო დისკუსიის ფარგლებში განხილულ იქნა იდენტიფიცირებული პერიოდის განმავლობაში ადამიანის უფლებათა დაცვის თვალსაზრისით გამოვლენილი ძირითადი გამოწვევები.

განსაკუთრებული ყურადღება გამახვილდა აღმასრულებელი ხელისუფლებისთვის მინიჭებული უფლებამოსილების შესაძლო არაპროპოციული და დისკრიმინაციული გამოყენების შემთხვევებზე, შესუსტებულ საპარლამენტო კონტროლსა და გამოხატვის თავისუფლების თვალსაზრისით გამოვლენილ პრაქტიკულ პრობლემებზე.

დისკუსიაში მოხსენებები წარმოადგინეს  სამოქალაქო საზოგადოების, სახელმწიფო დაწესებულებისა და აქტივისტური მოძრაობების წარმომადგენლებმა. კერძოდ, დისკუსიაში მონაწილეობდა:

- ანა ნაცვლიშვილი, საქართველოს პარლამენტის წევრი;

- თამარ აბაზაძე, ანალიტიკური დეპარტამენტის უფროსი, საქართველოს სახალხო დამცველის აპარატი;

- გიგა მაქარაშვილი, მოძრაობა „სირცხვილია“-ს დამფუძნებელი.

- გიორგი დავითური, მთავარი იურისტი, ინფორმაციის თავისუფლების განვითარების ინსტიტუტი (IDFI);

მოხსენებების დასრულების შემდგომ გაიმართა დისკუსია სადაც თითოეულ მონაწილეს მიეცა მომხსენებლებთან კითხვების დასმისა და განხილულ საკითხებთან დაკავშირებით საკუთარი პოზიციის დაფიქსირების შესაძლებლობა.