საქართველოს ეროვნული უშიშროების საბჭოდან მიღებული საჯარო ინფორმაცია უკვე ხელმისაწვდომია ვებ-გვერდზე. უშიშროების საბჭომ არასრულყოფილად მოგვაწოდა ინფორმაცია პრემიებისა და 10 დეკემბრის ანგარიშების შესახებ, რადგან არ არის მოწოდებული ინფორმაცია თვეების მიხედვით და არ არის მოწოდებული საჯარო ინფორმაციის გაცემის ანგარიშები. სხვა დანარჩენ შემთხვევაში მოწოდებული ინფორმაცია სრულყოფილია.
როგორც მიღებული ინფორმაციიდან ირკვევა, 2012 წლის იანვრიდან 2013 წლის იანვრის ჩათვლით ეროვნული უშიშროების საბჭოს მდივანმა გიორგი ბოკერიამ პრემიის სახით აიღო 45 850 ლარი, მდივნის მოადგილემ თამარ კინწურაშვილმა - 38 930 ლარი, მდივნის მოადგილემ ბათუ ქუთელიამ - 47 456.87 ლარი, მდივნის მოადგილემ ლევან დუჩიძემ - 41 351.50 ლარი, მდივნის მოადგილემ თორნიკე თურმანიძემ - 39 555 ლარი. უშიშროების საბჭოს მდივნის თანამდებობრივი სარგო შეადგენს 3 540 ლარს. აქედან გამომდინარე, გიგა ბოკერიას 2012 წლის იანვრიდან 2013 წლის იანვრის ჩათვლით მთლიანობაში პრემიის სახით ხელფასის ერთმაგი ოდენობა ჩაერიცხა. მთლიანობაში უშიშროების საბჭოს მდივანსა და მის ოთხ მოადგილეზე პრემიის სახით 13 თვის მანძილზე გაიცა 213 143.37 ლარი, ხოლო ამავე პერიოდში აპარატის სხვა თანამშრომლებზე პრემიის სახით სულ გაიცა 373 905 ლარი.
დეტალური ინფორმაციისთვის შეგიძლიათ იხილოთ შემდეგი ბმულები:
პასუხი მიღებული იქნა 10 დღის ვადაში, საქართველოს ზოგადი ადმინისტრაციული კოდექსის მე-40 მუხლის, პირველი ნაწილით გათვალისწინებული პროცედურული ნორმის დაცვით.
წერილის გაგზავნის თარიღი: 18/02/2013
პასუხის მიღების თარიღი: 20/02/2013
სიახლეების გამოწერა
