პ რ ე ს რ ე ლ ი ზ ი

პარასკევს, 23 ოქტომბერს, 12:00-14:00 საათამდე, სასტუმრო „თბილისი მარიოტში“ ინფორმაციის თავისუფლების განვითარების ინსტიტუტი (IDFI) გამართავს დისკუსიიას „2016 წლის სახელმწიფო ბიუჯეტის კანონის პროექტის საჯარო განხილვა“.

სადისკუსიო პანელში მონაწილეობის მისაღებად მოწვეულია ხუთი მომხსენებელი:

• ეკატერინე გუნცაძე - ფინანსთა სამინისტროს საბიუჯეტო დეპარტამენტი
• თათია ხეთაგური - პარლამენტის საბიუჯეტო ოფისი
• დავით ონოფრიშვილი - პარტია „თავისუფალი დემოკრატები“
• აკაკი ცომაია - ეკონომისტი, პროფესორი
• ლაშა არევაძე - ეკონომისტი

თითოეული მომხსენებელი 10-15 წუთის განმავლობაში ისაუბრებს 2016 წლის სახელმწიფო ბიუჯეტის პროექტზე, მის ძირითად პარამეტრებსა და მნიშვნელოვან ცვლილებეზე წინა წლის სახელმწიფო ბიუჯეტთან შედარებით.

მოხსენებების შემდეგ დისკუსია წარიმართება კითხვა-პასუხის რეჟიმში მოწვეულ ოცდაათამდე სტუმართან ერთად.

ღონისძიება ტარდება პროექტის „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება“-ს ფარგლებში. პროექტი დაფინანსებულია გერმანიის საგარეო საქმეთა სამინისტროს მიერ და ხორციელდება ბრემენის უნივერსიტეტთან პარტნიორობით.

საკონტაქტო ინფორმაცია: 598 21 22 25 ან l.beria@idfi.ge