16 დეკემბერს 12 საათზე სასტუმრო თბილისი მარიოტში არასამთავრობო ორგანიზაცია “ინფორმაციის თავისუფლების განვითარების ინსტიტუტი” მართავს ფონდ “ღია საზოგადოება-საქართველოს” მიერ დაფინანსებული პროექტის ”საჯარო ინფორმაციის მონაცემთა ბაზა-საჯარო ინფორმაციის რეესტრი” ფარგლებში შექმნილი ახალი ვებ-გვერდის www.opendata.ge პრეზენტაციას.

ვებ-გვერდზე თავმოყრილია სხვადასხვა საჯარო დაწესებულების მიერ ოფიციალურად გაცემული საჯარო ინფორმაცია – სახელმწიფო დაწესებულებების ბიუჯეტები, სახელფასო ფონდები, სახელმწიფო შესყიდვები, შიდაუწყებრივი პრემიებისა და სარეზერვო ფონდების ოდენობა, უწყებების საშტატო ერთეულების რაოდენობა, სამივლინებო და საკომუნიკაციო ხარჯები, სახელმწიფო უწყებების მიერ დაგეგმილი და განხორციელებული პროექტები და საზოგადოებისთვის საინტერესო სხვა საჯარო ინფორმაცია.

პრეზენტაციაზე დასახელდება საჯარო ინფორმაციის გამოთხოვნისას გამოვლენილი ყველაზე გამჭვირვალე და დახურული სამინისტროები.

პრეზენცატიაზე მოწვეულნი არიან როგორც სამინისტროებისა და პარლამენტის, ასევე არასამთავრობო, საერთაშორისო ორგანიზაციებისა და მედიის წარმომადგენლები.

დამატებითი ინფორმაციისთვის დაგივიკავშირდით:

996364, 892669555

„ინფორმაციის თავისუფლების განვითარების ინსტიტუტი”

საკონტაქტო პირი:

თეონა აქუბარდია,

საზოგადოებასთან ურთიერთობის მენეჯერი