საქართველოს პარლამენტის ეროვნულ ბიბლიოთეკას დღეს, საბჭოთა კავშირის ისტორიის შესახებ სამეცნიერო და მემუარული გამოცემები შეემატება.

გამოცემებს ბიბლიოთეკას საჩუქრად ჰაინრიჰ ბიოლის ფონდის სამხრეთ კავკასიის ბიურო, საერთაშორისო საზოგადოება "მემორიალთან" ერთად გადასცემს, ღონისძიება კი "ინფორმაციის თავისუფლების განვითარების ინსტიტუტის" ხელშეწყობით გაიმართება.

როგორც "ინტერპრესნიუსს" "ინფორმაციის თავისუფლების განვითარების ინსტიტუტიდან"(IDFI) აცნობეს, წიგნების ძირითად ნაწილს "რუსეთის პოლიტიკური ენციკლოპედიის" გამოცემები შეადგენს. მათივე ინფორმაციით, IDFI ჰაინრიჰ ბიოლის ფონდის სამხრეთ კავკასიის ბიუროს და საქართველოში შვეიცარიის საელჩოს დაფინანსებით, ახორციელებს პროექტს "სტალინური სიები საქართველოზე", რომელიც 1937-1938 წლების რეპრესიებს ეხება.

IDFI –მა ჰაინრიჰ ბიოლის ფონდის სამხრეთ კავკასიის რეგიონული ბიუროში უკვე წარადგინა საარქივო დოკუმენტების კოლექცია, რომელიც 1956 წლის 5-9 მარტს საქართველოში განვითრებულ მოვლენებს ეხებოდა. აღნიშნული მასალები სპეციალურად საარქივო პროექტებისთვის შექმნილ ვებ-გვერდზეც არის ატვირთული.

IDFI-ს ექსპერტთა ჯგუფის მიერ მოძიებული საქართველოს შინაგან სქმეთა სამინისტროს საარქივო სამმართველოს არქივებში (საქართველოს კომუნისტური პარტიის ცენტრალური კომიტეტის, საქართველოსუშიშროების კომიტეტისა) და ასევე, რუსეთის ფედერაციის სახელმწიფო უსაფრთხოების სამსახურის არქივებიდან მიღებული დოკუმენტები გამოქვეყნებულია და ყველა დაინტერესებული პირისთვის ხელმისაწვდომია ვებ – გვერდზე www.idfi.ge/archive/?cat=show_db&db_id=19〈=ka

უახლოეს მომავალში ინფორმაციის თვისუფლების განვითრების ინსტიტუტი 1989 წლის 9 აპრილის მოვლენებთან დაკავშირებული საარქივო მასალების გამოქვეყნებასაც გეგმავს.

იხილეთ ბმული