საპარლამენტო საბჭომ და საკონსულტაციო ჯგუფმა რეგლამენტში შესატანი ცვლილებების პროექტები განიხილეს

სიახლეები | პუბლიკაციები | ღია მმართველობა და კორუფციასთან ბრძოლა | სტატია 9 მაისი 2016

5 მაისს სასტუმრო ,,ლოპოტა ლეიქ, სპა & რესორთ“-ში გაიმართა ღია და გამჭვირვალე მმართველობის მუდმივმოქმედი საპარლამენტო საბჭოსა და საკონსულტაციო ჯგუფის შეხვედრა. შეხვედრაზე იმსჯელეს საქართველოს ღია პარლამენტის სამოქმედო გეგმის (2015-2016) ვალდებულებების შესრულებისთვის პარლამენტის რეგლამენტში შესატან ცვლილებების პროექტებზე.


შეხვედრას ესწრებოდნენ საპარლამენტო საბჭოს და საკონსულტაციო ჯგუფის წევრები - საქართველოს პარლამენტის, საერთაშორისო და არასამთავრობო ორგანიზაციების წარმომადგენლები.

 

საპარლამენტო საბჭოს და საკონსულტაციო ჯგუფის შეხვედრა გახსნეს საქართველოს პარლამენტის დეპუტატმა და მუდმივმოქმედი საპარლამენტო საბჭოს თავმჯდომარემ გუგული მაღრაძემ და ინფორმაციის თავისუფლების განვითარების ინსტიტუტის (IDFI) დირექტორმა, საკონსულტაციო ჯგუფის თავმჯდომარემ გიორგი კლდიაშვილმა. მათ ყურადღება გაამახვილეს საქართველოს მიღწევებზე ღია მმართველობის პარტნიორობის (Open Government Partnership, OGP) ფარგლებში. 4 მაისს საქართველო OGP-ის მმართველი კომიტეტის თანათავმჯდომარედ აირჩიეს. ასევე, აღნიშნეს, რომ ძალიან მნიშვნელოვანია ორგანიზაციების მიერ წარმოდგენილი რეგლამენტის ცვლილებების პროექტების დამუშავება და წარდგენა პარლამენტის საგაზაფხულო სესიის დასრულებამდე მოესწროს.

 

IDFI-ს საპარლამენტო მდივანმა დავით მაისურაძემ წარადგინა პარლამენტის რეგლამენტში შესატანი ცვლილებების პროექტის განახლებული ვერსია. პროექტი მიზნად ისახავს IDFI-ის მიერ ინიცირებული ვალდებულებების (იხილეთ სამოქმედო გეგმა) განხორციელებას.

 

შეხვედრაზე რეგლამენტის ცვლილებების პროექტი ასევე წარმოადგინეს:

 

• საქართველოს ახალგაზრდა იურისტთა ასოციაციამ;
• ეროვნულ დემოკრატიულმა ინსტიტუტმა (NDI);
• საერთაშორისო გამჭვირვალობა - საქართველომ.

 

IDFI რეგლამენტში ცვლილებების შესატანი პროექტის გაერთიანებულ და საბოლოო ვერსიას ერთი კვირის ვადაში წარუდგენს ღია და გამჭვირვალე მმართველობის მუდმივმოქმედ საბჭოსა და საკონსულტაციო ჯგუფს.


ასევე, შეხვედრაზე აშშ-ს საერთაშორისო განვითარების სააგენტოს (USAID) პროექტის ,,კარგი მმართველობის ინიციატივის“ წარმომადგენლებმა ,,პარლამენტის ვებგვერდის მომხმარებელთა კვლევის ანგარიში“ გააცნეს აუდიტორიას და ისაუბრეს იმაზე, თუ როგორ შეიძლება ვებგვერდის გაუმჯობესება ისე, რომ მომხმარებლისთვის უფრო მარტივად გამოყენებადი იყოს.


საერთაშორისო გამჭვირვალობა - საქართველომ წარადგინა ახალი პროექტი - ღია პარლამენტის მონიტორინგი - რომელსაც ისინი USAID-ის ფინანსური მხარდაჭერით განახორციელებენ. პროექტის მიზანია საქართველოს ღია პარლამენტის სამოქმედო გეგმის შესრულების მეთვალყურეობა და შეფასება. პროექტის ფარგლებში იგეგმება ვებგვერდის შექმნა, რომელიც თვალნათლად წარმოაჩენს სამოქმედო გეგმით ნაკისრი ვალდებულებების განხორციელების სტატუსს.


IDFI გაეროს განვითარების პროგრამისა (UNDP) და ევროკავშირის (EU) ფინანსური მხარდაჭერით ახორციელებს პროექტს „საქართველოს პარლამენტის მხარდაჭერა ღია პარლამენტის სამოქმედო გეგმის განხორციელების პროცესში“, რომლის მიზანია ხელი შეუწყოს საპარლამენტო საბჭოს ღია პარლამენტის სამოქმედო გეგმით გათვალისწინებული ვალდებულებების განხორციელებაში. IDFI აღნიშნული პროექტის ფარგლებში კოორდინირებას უწევს საპარლამენტო საბჭოსა და საკონსულტაციო ჯგუფის საქმიანობას.

 

სხვა მასალები ამ თემაზე
სიახლეები

ეთნიკური უმცირესობების პოლიტიკური ჩართულობა და მათი ელექტორალური ქცევა

13.09.2024

ფარული მეთვალყურეობის ზედამხედველობა: კანონმდებლობა და პრაქტიკა

05.09.2024

პერსონალურ მონაცემთა დაცვის სამსახური არ ასაჯაროებს იმ პერსონალურ მონაცემებს, რომელთა გამოქვეყნებასაც რუსული კანონი სამოქალაქო და მედია ორგანიზაციებს ავალდებულებს

30.08.2024

დაბლოკილი ვებგვერდები საქართველოში: სტატისტიკის ანალიზი

19.08.2024
განცხადებები

მმართველი პარტია მართლმსაჯულების საკითხებს პროპაგანდისტული და პარტიული ინტერესებისათვის იყენებს

21.08.2024

რუსული კანონის წინააღმდეგ სამართლებრივი ბრძოლა საკონსტიტუციო სასამართლოში გაგრძელდება

17.07.2024

მთავრობის კურსი ევროკავშირში გაწევრების პროცესის შეჩერებას იწვევს

04.07.2024

ქართული არასამთავრობო ორგანიზაციები საქართველოს მოქალაქეებზე ხელისუფლების მიერ მართულ ძალადობას გმობენ

13.06.2024
ბლოგპოსტები

ფარული მეთვალყურეობის ზედამხედველობა: კანონმდებლობა და პრაქტიკა

05.09.2024

დაბლოკილი ვებგვერდები საქართველოში: სტატისტიკის ანალიზი

19.08.2024

ბენეფიციარი მესაკუთრეების მონაცემების ხელმისაწვდომობის გამოწვევები უნგრეთში

29.07.2024

ბენეფიციარი მესაკუთრეების გამჭვირვალობა სლოვაკეთში: მიმდინარე მოვლენების ანალიზი და მთავარი საჭიროებები

29.07.2024