ავტორი: ნატალია ვარაზი
კვლევა მომზადებულია პროექტის „საპარლამენტო დემოკრატიის სისტემის გაძლიერება საქართველოში“ ფარგლებში. პროექტი ხორციელდება გაეროს განვითარების პროგრამის (UNDP) (ევროკავშირის მიერ დაფინანსებული პროგრამის „საპარლამენტო დემოკრატიის სისტემის გაძლიერება საქართველოში“ ფარგლებში) ფინანსური მხარდაჭერით. პროექტი ხელს უწყობს საპარლამენტო ღიაობის პრინციპების დამკვიდრებას და საქართველოს საპარლამენტო ღიაობის სამოქმედო გეგმის შემუშავებას.
კვლევაში მიმოხილულია საპარლამენტო ღიაობის კუთხით საუკეთესო პრაქტიკის და ვალდებულებების მქონე სახელმწიფოები (მაგ: ესტონეთი, ბრაზილია, საფრანგეთი და სხვა). ვალდებულებების ნაწილი OGP-ს წევრი სახელმწიფოების მიერ შემუშავებულ ეროვნულ სამოქმედო გეგმებშია მოცემული, ხოლო დანარჩენი ვალდებულებები ცალკე დოკუმენტის სახით შემუშავებულ საპარლამენტო ღიაობის სამოქმედო გეგმებშია ასახული.
IDFI-ის მიერ განხორციელებულმა კვლევამ გამოავლინა, რომ OGP-ს წევრი სახელმწიფოები უდიდეს ყურადღებას საპარლამენტო ღიაობის მიმართებით ინოვაციური მიდგომების დამკვიდრებას უთმობენ. ისინი ავითარებენ ახალ ციფრულ ინსტრუმენტებს და ტექნოლოგიებს და ინტერნეტს, როგორც საპარლამენტო ღიაობის ხელშემწყობ ძირითად პლატფორმას იყენებენ.
მაგალითისთვის, ესტონეთის პარლამენტის ვებგვერდზე პარლამენტის წევრების სამუშაო განრიგი, მათი გამოცდილება და სხვა სტატისტიკური მონაცემები სრულად ვიზუალიზირებულია და უადვილებს მოქალაქეებს ვებგვერდზე საჭირო ინფორმაციის მოძიებას; ბრაზილიის მიერ შემუშავებული E-Democracia-ს პლატფორმაზე მოქალაქეები ეცნობიან კანონპროექტებს, უკავშირდებიან კანონმდებლებს, მონაწილეობას იღებენ დებატებში და track change-ების გამოყენებით ონლაინ რეჟიმში შეაქვთ ცვლილებები შემოთავაზებულ კანონპროექტებში. ეს და კვლევაში ასახული მრავალი სხვა მაგალითი შესაძლებელია გამოყენებულ იქნეს საქართველოს პარლამენტის მიერ საპარლამენტო ღიაობის სამოქმედო გეგმის ვალდებულებების შემუშავებისთვის და უკვე არსებული ტექნოლოგიების და ინსტრუმენტების (მათ შორის საქართველოს პარლამენტის ვებგვერდის) გაუმჯობესებისათვის.
/public/upload/IDFI_FOTOS_2016/Open_Parliament_Commitments_geo.pdf
სიახლეების გამოწერა
