"პარტნიორობა ღია მმართველობისთვის" (Open Government Partnership - OGP) დაფუძნდა 2011 წლის სექტემბერში, როგორც ღია და ანგარიშვალდებული მთავრობების შექმნისადმი მიძღვნილი საერთაშორისო პლატფორმა. დღესდღეობით პლატფორმა 60-ზე მეტ ქვეყანას აერთიანებს. საქართველო პლატფორმას 2011 წლის სექტემბერშივე შეუერთდა. ანალიზითა და რეკომენდაციებით IDFI თავიდანვე აქტიურად იყო ჩართული OGP-ის ფარგლებში საქართველოს მიერ აღებული ვალდებულებების შესრულების ხელშეწყობაში.
პარტნიორობის რეგულაციების შესაბამისად, სამოქმედო გეგმის შემუშავება უნდა მოხდეს სამოქალაქო საზოგადოების მხარდაჭერითა და ფართო საზოგადოებასთან მჭიდრო კონსულტაციების გზით, დადგენილი სახელმძღვანელო პრინციპებისა და პროცესის დაცვით. ამასთან, სახელმძღვანელო დოკუმენტებით გათვალისწინებულია ეროვნულ დონეზე კოორდინაციისა და მონიტორინგის მექანიზმის არსებობის აუცილებლობა.
აღნიშნული მიზნებისთვის შექმნილია ღია მმართველობა საქართველოს საკონსულტაციო მექანიზმი "ღია მმართველობა საქართველოს ფორუმი". ფორუმი შეიქმნა კორუფციის წინააღმდეგ ბრძოლის უწყებათაშორისი საკოორდინაციო საბჭოს (საბჭო) ფარგლებში.
IDFI არის ღია მმართველობა საქართველოს ფორუმის წევრი და თანათავმჯდომარე.
2014 წლის აგვისტოში საქართველო OGP-ის მმართველი კომიტეტის წევრად აირჩიეს. კომიტეტი სულ 8 ქვეყნისგან შედგება და ორი წლის ვადით ირჩევა.
გაეცანით IDFI-ის ბლოგს OGP-ის ფარგლებში საქართველოს გამოცდილების საკითხებზე.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024